ಒಡಿಯೂರು ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿಲೆ 60 ನೇ ವರ್ಷದ ಪುಟ್ಟು ಪರ್ಬದ ಗೌಜಿಡ್ ವಿಶೇಷ ಸಮಿತಿಲು ಅಲ್ಪಲ್ಪ ರಚನೆಯಾದಿತ್ತುದ್,ಒಡಿಪು ಸಮಿತಿಲಾ ಒಂಜಿ.ಕೊರೊನಾ ಸೀಕ್ ದ ನಡುಟುಲಾ ಈ ಸಮಿತಿದ ಮುಖೇನ ಮನೆ ಮನೆ ಭಜನೆ,ಸತ್ಸಂಗ,ಅಂಗವಿಕಲೆರೆನ ಪೋಷಕೆರೆನ್ ಗುರುತಿಸಾವುನ ಕಜ್ಜೊ,ಅಂಗನವಾಡಿ ಶಾಲೆಲೆಗ್ ಬೋಡಾಯಿನ ಪರಿಕರೊಲೆನ್ ಕೊರ್ಪಿನ ಕಜ್ಜೊ,ಆರೋಗ್ಯ ಶಿಬಿರ,ಗಿಡ ನಡ್ಪಿನ ಕಜ್ಜೊ ಇಂಚ 60 ಕಾರ್ಯಕ್ರಮೊಲೆನ್ ಕರಿನ ಒಂಜಿ ವರ್ಷೊಡಿಂಚಿ ಒಡಿಪು ಸಮಿತಿ ಆಯೋಜನೆ ಮಲ್ದಿತ್ತುಂಡ್.ಈ ಕಾರ್ಯಕ್ರಮೊಲೆಗ್ ಮುಗಿತಲದ ಲೇಸ್ ದೊಟ್ಟುಗ್ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿಲೆಗ್ ಗುರುವಂದನಾ ಕಜ್ಜೊನ್ ಉಂದುವೇ ಬರ್ಪಿನ ಫೆ.1 ತಾರೀಕುದಾನಿ ಕಾಂಡೆ 10.30 ಗಂಟೆಗ್ ಪರ್ಕಳದ ಶ್ರೀ ಸುರಕ್ಷಾ ಭವನಡ್ ನಡಪರೆಗುಂಡ್.
ಈ ಕಾರ್ಯಕ್ರಮಡ್ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿಲು ದಿವ್ಯ ಉಪಸ್ಥಿತಿಡ್ ಇತ್ತುದ್,ಆಶೀರ್ವಚನ ಮಲ್ಪರೆಗುಲ್ಲೆರ್.ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಸಾಧ್ವಿ ಶ್ರೀ ಶ್ರೀ ಮಾತಾನಂದಮಯಿ ವೇದಿಕೆಡ್ ದಿವ್ಯ ಉಪಸ್ಥಿತಿಡ್ ಉಪ್ಪುವೆರ್.
ಮಲ್ಲ ಬಿನ್ನೆರಾದ್ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ (ರಿ).ಅಂಬಲಪಾಡಿದ ಪ್ರವರ್ತಕೆರಾಯಿನ ನಾಡೋಜ ಡಾ| ಜಿ.ಶಂಕರ್, ಉದ್ಯಮಿ ಸುರೇಶ್ ಶೆಟ್ಟಿ ಗುರ್ಮೆ,ಕಡಂದಲೆ ಸುರೇಶ್ ಭಂಡಾರಿ,ಜಯಕರ ಶೆಟ್ಟಿ ಇಂದ್ರಾಳಿ,ಎ.ಸುರೇಶ್ ರೈ, ಶ್ರೀ ರಾಮಮೂರ್ತಿ ಭಟ್,ಕೆ.ಪ್ರಭಾಕರ ಶೆಟ್ಟಿ ಕಬ್ಯಾಡಿ,ಲಕ್ಷ್ಮಣ್ ಮೈಂದನ್ ವೇದಿಕೆಡ್ ಉಪ್ಪುವೆರ್.
ಕಜ್ಜೊಡ್ ಗುರುವಂದನೆದೊಟ್ಟುಗ್ ವಿಕಲಚೇತನೆರೆನ ಪೋಷಕೆರೆನ್ ಗುರುತಿಸಾವುನ,ಅಂಗನವಾಡಿ ಶಾಲೆಲೆಗ್ ಪರಿಕರ ಕೊರ್ಪಿನ,ಸಾಧಕೆರೆನ್ ಗುರುತಿಸಾವುನ ಕಜ್ಜೊಲಾ ನಡಪರೆಗುಂಡ್.ಗುರುಬಂಧುಲು ಈ ಕಜ್ಜೊಡ್ ಪಾಲ್ ಪಡೆದ್ ಕಜ್ಜೊನ್ ಯಶಸ್ವಿ ಮಲ್ತ್ ಕೊರೊಡು ಪಂಡುದ್ ಸಂಘಟಕೆರ್ ಬಿನ್ನಪ ಮಲ್ತುದೆರ್.
by 