ವಿಶೇಷ ರೀತಿಡ್ ಅಮ್ರತಮಹೋತ್ಸವ ಆಚರಣೆ..

75ನೇ ವರ್ಷದ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋತ್ಸವದ ಶುಭ ಗಳಿಗೆಡ್ ರಾಷ್ಟ್ರ ಪ್ರೇಮನ್ ತೋಜಾವುನ ಸಲುವಾದ್ ಹರ್ ಘರ್ ತಿರಂಗ ಅಭಿಯಾನನ್ ಆಯೋಜನೆ ಮಲ್ತುದ್ ಸರ್ಕಾರ ಪ್ರತೀ ಇಲ್ಲದ ಮಿತ್ತ್ ರಾಷ್ಟ್ರ ಧ್ವಜ ರಾಪಾವುನ ಮುಖೇನ ದೇಶಪ್ರೇಮ ಪುಟ್ಟಾವುನ ಕಜ್ಜೊ ಮಲ್ತುಂಡ ಮುಲ್ಪ ಒಂಜಿ ಯುವಕೆರೆನ ತಂಡ ವಿಭಿನ್ನವಾದ್ ಅತೀ ರೋಚಕ ಪನ್ಪಿನ ರೀತಿಡ್ ರಾಷ್ಟ್ರ ಪ್ರೇಮನ್ ತೋಜಾದೆರ್. ಸೀತಾ ತುದೆತ್ತ ಕೈತಲ್ಪ ಕಾಯಕಿಂಗ್ ಮುಖೇನ ಪ್ರಕೃತಿ ವಿಸ್ಮಯೊಲೆನ್ ತೋಜಾದ್ ಜನಕ್ಲೆಗ್ ಪ್ರಕೃತಿ ಪ್ರೇಮನ್ ಪುಟ್ಟಾವುನ ಕಜ್ಜೊನ್ ಮಲ್ತೊಂದುಪ್ಪುನ ಮಿಥುನ್ ಮೆಂಡನ್ ಬೊಕ್ಕ ಲೋಕೇಶ್ ಮೆಂಡನ್ ಮೊಕ್ಲೆನ ತಂಡ ಇತ್ತೆ ಈ ವಿಭಿನ್ನ ಪ್ರಯತ್ನೊಡ್ ಕುಡೊರ ಯಶಸ್ವಿಯಾತೆರ್.
ಸೀತಾ ತುದೆತ್ತ ನಡುಟ್ ಕಾಯಾಕಿಂಗ್ ಡ್ ಪೋದ್ ಅಲ್ಪ ಧ್ವಜ ಸ್ತಂಭ ಊರ್ದ್ ಊರ್ದ ಹಿರಿಯ ಗುರಿಕಾರೆರಾಯಿನ ಕೂಸ ಮರಕಾಲ ಮೆರೆನ ಕೈಟ್ ಧ್ವಜಾರೋಹಣ ಮಲ್ತುದ್, ನುಪ್ಪುಕೊರ್ಪಿನ ಪ್ರಕೃತಿದ ನಡುಟ್ ರಾಷ್ಟ್ರಪ್ರೇಮ ಉತ್ತೇಜನೆ ಮಲ್ಪುನ ಈ ತಂಡೊಗ್ ಊರದಕುಲು ಅಭಿನಂದನೆ ಮಲ್ತುದೆರ್.