ಗೇನ ಸಿರಿ ತುಳು ಲಿಪ್ಯಂತರ ತಂತ್ರಾಂಶ ಬುಡುಗಡೆ..

ಜೈ ತುಲುನಾಡ್(ರಿ) ಸಂಘಟನೆ, ತುಲು ಬಾಷೆ, ಸಂಸ್ಕೃತಿ, ಆಚಾರ,ಇಚಾರೊಲೆನ ಒರಿಪುಗು ಬೋಡಾದ್ ಪೊರುಂಬೊಂದು ಬೈದ್ಂಡ್ ,ಈ ಪೊರುಂಬಾಟೊಡು ಡಿಜಿಟಲ್ ಸಾದಿಡ್ ತುಲು ಲಿಪಿನ್ ಗಲಸೊನೆರೆಗಾದ್ ತನ್ನನೇ ಆಯಿನ ಬೆನ್ಕೆನ್ ಸಂದಾವೊಂದುಂಡು.

ಸಂಘಟನೆ ನೆಕ್ಕ್ ದುಂಬು ತುಲು ಬರವು,ತುಲು ಮಂದಾರ, ಕೊಪ್ಪರಿಗೆ ತುಲು ಡಿಕ್ಷನರಿದಂಚಿನ ಬೆನ್ಕೆನ್ ಸಂದಾದ್ ಇತ್ತೆ ಗೇನ ಸಿರಿ ಪನ್ಪುನ ತುಲು ಲಿಪ್ಯಂತರ ತಂತ್ರೊನು ಕಾಸ್ರೊಡು ಜಿಲ್ಲಾಧಿಕಾರಿ ಆಯಿನ ಶ್ರೀಮತಿ ಭಂಡಾರಿ ಸ್ವಾಗತ್ ರಣ ಬೀರ್ ಚಂದ್ ರೆನ ಕೈಟ್ ಬುಡುಗಡೆ ಮನ್ಪಾಂಡ್.
ಈ ಲೇಸ್ ಡ್ ,ಶ್ರೀ ಹರಿಕಾಂತ್ ಕಾಸ್ರೊಡು , ಒತ್ತು ಗುರ್ಕಾರ್ಲು ಜೈ ತುಲುನಾಡ್(ರಿ) ಕೇಂದ್ರ ಕಮಿಟಿ. ಶ್ರೀ ಉಮೇಶ್ ಸಾಲ್ಯಾನ್, ಗುರ್ಕಾರ್ಲು,ಕೇರಳ ತುಲು ಅಕಾಡೆಮಿ, ಕಾರ್ತಿಕ್. ಕೆ.ಎನ್.ಕಾರ್ಯಂತೆರ್ ಜೈ ತುಲುನಾಡ್ (ರಿ)ಕಾಸ್ರೊಡು ಎಗ್ಗೆ, ಉತ್ತಮ್.ಯು.ಪಣವುದ ಪಾಲವೆರ್ ಜೈ ತುಲುನಾಡ್(ರಿ)ಕಾಸ್ರೊಡು ಎಗ್ಗೆ, ಶ್ರೀ ಶ್ರೀನಿವಾಸ ಆಳ್ವ,ವಿನೋದ್ ಪ್ರಸಾದ್ ರೈ,ರಾಜಶ್ರೀ ಟಿ.ರೈ.ಪೆರ್ಲ,ಪ್ರಶಾಂತ್ ನಾಯ್ಕ್ ,ಕುಶಲಾಕ್ಷಿ. ವಿ.ಕುಲಾಲ್ ಕಣ್ವತೀರ್ಥ, ಜ್ಞಾನೇಶ್ ದೇರಳಕಟ್ಟೆ, ಚಿರಶ್ರೀ ದೇರಳಕಟ್ಟೆ, ಕಿರಣ್ ತುಲುವೆ, ಪುರುಷೋತ್ತಮ ಎಂ.ನಾಯ್ಕ್, ಸನ್ನಿಧಿ.ಟಿ.ರೈ.ಪೆರ್ಲ ಮುಕುಲು ಮಾತಾ ಇತ್ತೆರ್.

ಈ ತಂತ್ರಾಂಶೊನು ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿ ಒತ್ತೊಂದು,ಯುನಿಕೋಡ್ ಗ್ ಕಡಪುರ್ದಿನ ತುಲು ಲಿಪಿಟ್ ಮಂತ್ ದ್ಂಡ್.ಉಂದೆಟ್ ತುಲು ಲಿಪಿತ ವಿಶೇಷ ಅಕ್ಷರೊಲೆನ್ಲಾ ಗಲಸೊಲಿ.

ಈ ತಂತ್ರಾಂಶದ ಸಾಯೊಡು ಭಾರತದ ಸುಮಾರ್ ಲಿಪಿಟ್ ಬರೆಪುನ ಅಕ್ಷರೊಲೆನ್ ತುಲು ಲಿಪಿಕ್ ಸುಲಬೊಡು ಪಗಪೊಲಿ. ಇತ್ತೆ ಸುರೂತ ಪಜ್ಜೆಡ್ ಕನ್ನಡ ಬೊಕ ಮಲಿಯಾಳ ಲಿಪಿನ್ ತುಲುಕು ಪಗಪುನ ತಂತ್ರಾಂಶೊನು ಗಲಸೊಂದುಂಡು,ನನದ ದಿನೊಟು ಭಾರತದ ಬೇತೆ ಲಿಪಿರ್ದ್ ಲಾ ತುಲು ಲಿಪಿಕ್ ಪಗಪೆರೇಪುಲೆಕ ಆಪುಂಡು.

ಈ ತಂತ್ರಾಂಶೊದ ಸಾಯೊಡು ತುಲು ಲಿಪಿಟ್ ಮಸ್ತಿರೆ, ಬರವುದ ಓಲೆ,ಲೆಪ್ಪೋಲೆ,ಪ್ಲೆಕ್ಸ್,ಬ್ಯಾನರ್ ಮಾತಾ ಮನ್ಪೊಲಿ,
ಉಂದೆನ್ ಜೈ ತುಲುನಾಡ್ ಸಂಘಟನೆದ ಪದುಕೆರಾಯಿನ ,ರಡ್ಡನೆ ವರ್ಷದ ಪಿ.ಯು.ಸಿ.ಡ್ ಕಲ್ಪುನ ಕಲ್ಪಾರ್ಥಿ ಜ್ಞಾನೇಶ್ ದೇರಳಕಟ್ಟೆ ನಾಡ್ ಪತ್ಯೆರ್.
ತುಲುಕಾದ್ ಸಂಘಟನೆ ಮಂತೊಂದುಪ್ಪುನ ಸೇವೆಲೆನ್ ತೆರಿಯೊನೆರೆಗಾದ್ https://jaitulunad.in ಗ್ ಬೇಟಿ ಕೊರ್ಲೆ