ಜೋಕುಲೆ ಕಬಿತೆ

೧.ಗೊಬ್ಬು

ಒಂಜಿ ರಡ್ಡ್ ಮೂಜಿ
ಲಾಗ ಪಾಡುಗಾ
ನಾಲ್ ಐನ್ ಆಜಿ
ಗೋಲಿ ಗೊಬ್ಬುಗಾ
ಏಲ್ ಎಣ್ಮ ಒಂರ್ಬೊ
ತಾಟಿ ಬೊಟ್ಟುಗಾ
ಪತ್ತ್ ಪತ್ತೊಂಜಿ ಪದ್ರಾಡ್
ಇಲ್ಲಗ್ ಬಲಿಪುಗಾ

೨.ಮರಿಯಾಲೊ

ಬರ್ಸೊ ಬರ್ಸೊ ಜಡಿ ಬರ್ಸೊ
ಮುರ್ಕುದು ಪೋಂಡು ಇಡಿ ವರ್ಸೊ

ಪಕ್ಕಿಲೆ ಗೂಡುಲು ಗಿದ್ರ್ಂಡೇ
ಒಕ್ಕೆಲ್ ಇಜ್ಜಂದಿ ಇಲ್ಲಾಂಡೇ
ಸಾಲೆಗ್ ಎಲ್ಲೆ ರಜೆ ಉಂಡೇ
ಅಮ್ಮನ ತಿಂಡಿ ರವೆ ಉಂಡೇ

ಕರು ಕುರು ತಿನೆರೆ ಚಕ್ಕುಲಿಯೇ
ತಡೆಯರೆ ಆಪುಜಿ ವಾ ಚಳಿಯೇ
ಕಂಬೊಲಿ ಮಂದಿರಿ ಬರಡಿಂಚಿ
ಪೊದ್ದಿದ್ ಜೆಪ್ಪುಗ ಪುಡೆರ್ದಂಚಿ

✒️ ಗುಲಾಬಿ ಸುರೇಂದ್ರ ಸುರತ್ಕಲ್
ತುಲುವೆರೆ ಕಲ