ಕಾಂತಾರ ಸಿನೇಮಾದ ಮಾನಸಿ ಸುಧೀರ್,ಚಂದ್ರಕಲಾ,ಶ್ರೀಪಾದಮೊಕ್ಲೆಗ್ ಉಡುಪಿ ತುಳುಕೂಟದ ವತಿಡ್ದ್ ಮಾನಾದಿಗೆ..

ಅಂತರಾಷ್ಟ್ರೀಯ ಮಟ್ಟೊಡ್ ಪುಗಾರ್ತೆನ್ ಪಡೆಯಿನ ಸಿನೇಮಾ ಕಾಂತಾರ.ತುಳುನಾಡುದ ದೈವಾರಾಧನೆದ ಬಗ್ಗೆ ಇಡೀ ಜಗತ್ತುಗೇ ತೆರಿಯುಲೆಕ್ಕ ಮೂಡ್ದ್ ಬತ್ತಿನ ಈ ಸಿನೇಮಾಡ್ ತುಳುನಾಡ್ದ ಎಡ್ಡೆ ಎಡ್ಡೆ ಕಲಾವಿದೆರ್ ಅಭಿನಯ ಮಲ್ತುದೆರ್.ವಿಶೇಷ ವಾದ್ ಕಮಲಕ್ಕನ ಪಾತ್ರ ಮಲ್ತುದಿನ ಉಡುಪಿ ಕೊಡವೂರುದ ಮಾನಸಿ ಸುಧೀರ್ ,ಕದಿಕೆದ ಚಂದ್ರಕಲಾ ಬೊಕ್ಕ ಶ್ರೀಪಾದ ಹೆಗ್ಗಡೆ ಮೊಕ್ಲೆಗ್ ತುಳುಕೂಟ ಉಡುಪಿದ ವತಿಡ್ದ್ ಮಾನಾದಿಗೆ ಮಲ್ತೆರ್.ತುಳುಕೂಟ ಉಡುಪಿದ ವತಿಡ್ದ್ ಉಡುಪಿದ ಎಮ್ .ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡತಿನ ಇರ್ವತ್ತೊಂಜನೇ ವರ್ಷದ ತುಳುನಾಟಕ ಪರ್ಬದ ಲೇಸ್ ಡ್ ಈ ಮಾನಾದಿಗೆ ಮಲ್ತೆರ್.ಈ ಪೊರ್ತುಡ್ ಉಡುಪಿ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ,ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು,ನಾಟಕ ಸಂಚಾಲಕೆರಾಯಿನ ಬಿ.ಪ್ರಭಾಕರ ಭಂಡಾರಿ,ತಾರಾ ಉಮೇಶ್ ಆಚಾರ್ಯ, ಯಶೋದ ಕೇಶವ್,ಪ್ರಕಾಶ್ ಸುವರ್ಣ,ಸಂಧ್ಯಾ ಶೆಣೈ,ರಶ್ಮಿ ಶೆಣೈ,ವಿಶ್ವನಾಥ ಶೆಣೈ ಉಪಸ್ಥಿತರಿತ್ತೆರ್.