50 ದಿನ ಪೂರೈಸಿನ ಕಾಂತಾರ ಚಿತ್ರ..

ಕರಾವಳಿದ ಐತಿಹಾಸಿಕ ಕಥೆ ತೆರಿಪಾಯಿನ ಕಾಂತಾರ ಚಲನಚಿತ್ರ ಯಶಸ್ವಿಯಾದ್ 50 ದಿನ ಪೂರೈಸುದುಂಡ್. ರಾಜ್ಯ, ದೇಶದ ಗಡಿನ್ ದಾಂಟುದ್ ಪ್ರಪಂಚದಾದ್ಯಂತ ಸೊರ ಲಕ್ಕಾದುಂಡ್. ದೈವರಾದನೆದ ಕೀರ್ತಿನ್ ಜಗತ್ತುಗೇ ಪರಡೊಂದುಂಡ್. ಈ ಅದ್ಭುತ ಸಿನೇಮಾ 50 ದಿನ ಪೂರೈಸಾಯಿನ ನಿಟ್ಟುಡ್ ಕರಾವಳಿಯ ಮರಳು ಶಿಲ್ಪ ಕಲಾವಿದೆರ್ ಅಪರೂಪದ ಕಲಾಕೃತಿ ಮಲ್ತುದ್ ಚಿತ್ರತಂಡೊಗ್ ಶುಭಾಶಯ ತೆರಪಾದೆರ್. ಕಾಪು ಬೀಚ್ ಡ್ ಅದ್ಭುತ ಪೊಯ್ಯೊಡ್ ಶಿಲ್ಪ ಬುಡ್ಪಾದೆರ್. ಪಂಜುರ್ಲಿ ದೈವದ ಮೊಗ ವರ್ಣಿಕೆಯುಪ್ಪುನ ಈ ಅದ್ಭುತ ಕಲಾಕೃತಿ ವಾರಾಂತ್ಯಡ್ ಕಡಲ ಕರೆಕ್ ಬತ್ತಿನ ಪ್ರವಾಸಿಲೆನ ಗಮನ ಸೆಳೆದುಂಡ್. ಹಿರಿಯ ಕಲಾವಿದೆರಾಯಿನ ಶ್ರೀನಾಥ ಮಣಿಪಾಲ, ವೆಂಕಿ ಪಲಿಮಾರು, ರವಿ ಹಿರೇಬೆಟ್ಟು ಈ ಸುಂದರ ಮರಳುಶಿಲ್ಪನ್ ದಿನ ಇಡೀ ಪರಿಶ್ರಮಪಟ್ಟುದ್ ರಚನೆ ಮಲ್ದೆರ್. ಚಿತ್ರತಂಡದ ಈ ಸಾಧನೆಗ್ ಕರಾವಳಿಗೆರು ಪೆರ್ಮೆಡ್ ಪುಗಾರೊಂದು,ಮೆಚ್ಚುಗೆ ತೋಜಾದೆರ್.

ಚಿತ್ರ ಕ್ರಪೆ:ದಿನೇಶ್ ಎಮ್.ಎಚ್.