ತುಳುತ್ತ ಪ್ರಗತಿಗ್ ರಾಜಾಶ್ರಯ ಅಗತ್ಯ.

ತುಳುತ ಪ್ರಗತಿಗ್ ರಾಜಾಶ್ರಯ ಅಗತ್ಯ : ಕತ್ತಲ್ ಸಾರ್

ಕುಡ್ಲ ಜುಲೈ :13 : ತುಳು ಭಾಷೆಡ್ ಅವ್ವೆತೋ ಎಡ್ಡೆ ಬೇಲೆ ಆವೊಂದು ಉಂಡು ಆಂಡ ರಾಜಾಶ್ರಯ ಇಜ್ಜಂದಿನಿರ್ದಾವರ ಈ ಬೇಲೆ ಭಾಷೆ ಬೊಕ್ಕ ಸಂಸ್ಕೃತಿದ ಬುಲೆಚ್ಚಿಲ್ ಗ್ ಪೂರಕವಾದ್ ಪೂರ್ಣ ಪ್ರಮಾಣಡ್ ತಿಕ್ಕೊಂದು ಇಜ್ಜಿ ಪಂದ್ ಎಂದು ತುಳು ಸಾಹಿತ್ಯ ಅಕಾಡೆಮಿ ಮಾಜಿ ಗುರ್ರ್ಕಾರ್ ಲಾಯಿನ ದಯಾನಂದ ಕತ್ತಲಸಾರ್ ಪಂಡೆರ್ .

ಬೊಲ್ತೆರ್ ಸರ್ಕಾರಿ ಕಾಲೇಜ್ ದ ಇಂಗ್ಲಿಷ್‌ ಉಪನ್ಯಾಸಕ ಶೀನಾ ನಾಡೋಳಿ ಮೆರೆನ ‘ಬೊಳಂತ್ಯೆ-ಉರ್ಪೆಲ್’, ‘ಧರ್ಮೊದಿಟ್ಟಿ’ ಬೊಕ್ಕ ‘ಪ್ಲೀಸ್, ಫೀಸ್ ಪಿರ ಕೊರ್ಲೆ’ ಕೃತಿ ಬುಡುಗಡೆದ ಲೇಸ್ ಡ್ ಪಾತೆರ್ದ್ ತುಳುಟು ನಾನಾತ್ ಬುಲೆಚ್ಚಿಲ್ ತೂವೊಲಿ ಪಂದ್ ಪಂಡೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಬೊಲ್ತೆರ್ ಕಾಂತಾರ ಜನಪರ ವೇದಿಕೆ (ಕಾಂಜವೇ), ಕುಡ್ಲದ ವಿದ್ಯಾ ಪ್ರಕಾಶನ ಬೊಕ್ಕ ರಂಗಸಂಗಾತಿ ಸಾಂಸ್ಕೃತಿಕ ಪ್ರತಿಷ್ಠಾನ ಸಂಯುಕ್ತವಾದ್ ಶುಕ್ರವಾರ ಕಾರ್ಯಕ್ರಮ ಅಟ್ಟನೆ ಮಲ್ತಿತ್ತೆರ್ .

ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆ ಅಕ್ಷಯ ಆರ್.ಶೆಟ್ಟಿ ಗುರ್ಕಾರ್ ಲಾದ್ ಪಾಲ್ ಪಡೆದಿತ್ತೆರ್. ರಂಗಕರ್ಮಿ ಮೋಹನ ಚಂದ್ರ, ಉಪನ್ಯಾಸಕ ನಂದಕಿಶೋರ ಎಸ್, ರಂಗಸಂಗಸತಿ ಗುರ್ಕಾರ್ಲಾಯಿನ ಗೋಪಾಲಕೃಷ್ಣ ಶೆಟ್ಟಿ, ವಿದ್ಯಾ ಪ್ರಕಾಶನದ ರಘು ಇಡ್ಕಿದು, ಕಾಂಜವೇ ಸಂಚಾಲಕ ಆನಂದ ಪಾಲ್ ಪಡೆದಿತ್ತೆರ್.