ಕವಿಗೋಷ್ಠಿ

ತುಳುವರ ಹೃದಯ ವೈಶಾಲ್ಯತೆ ದೇಶಗೇ ಮಾದರಿ
*ಕವಿಗೋಷ್ಠಿಡ್  ರೋಟರಿ ಅಸಿಸ್ಟೆಂಟ್ ಗವರ್ನರ್ ಕೆ.ಎಂ.ಹೆಗ್ಡೆ ಹೇಳಿಕೆ

ತುಳುನಾಡುದ ಜನ ತುಳು ಭಾಷೆದೊಟ್ಟುಗ್  ಬಾಕಿದ ಬಾಸೆನುಲಾ  ಮಾನಾದಿಗೆ ಕೊರ್ಪೆರ್.. ಮಾತಾ ಜನಕ್ಲೆನ್  ತನ್ನಕ್ಲೆನಲೆಕ್ಕ ತೂವೊಂಬಿನ  ತುಳುವೆರೆನ  ಹೃದಯ ವೈಶಾಲ್ಯತೆ ದೇಶಗೇ  ಮಾದರಿ ಪಂಡುದು ರೋಟರಿ ಜಿಲ್ಲೆ 3181 ದ ಅಸಿಸ್ಟೆಂಟ್ ಗವರ್ನರ್ ಕೆ.ಎಂ.ಹೆಗ್ಡೆ ಪಂಡೆರು.
ತುಳುವೆರೆ ಕಲ ವತಿಡ್ದ್  ಪರಿಸರ ಅಧ್ಯಯನ ಕೇಂದ್ರ ನೆಲ್ಲಿಗುಡ್ಡೆ ಬೊಕ್ಕ  ರೋಟರಿ ಕ್ಲಬ್ ಮಂಗಳೂರು ಸೆಂಟ್ರಲ್ ಸಹಯೋಗಡ್  ಐತಾರ ನಗರದ ಲಾಲ್ಬಾಗ್‌ನ ಇಂದಿರಾ ಪ್ರಿಯದರ್ಶಿನಿ ವನಿತಾಪಾರ್ಕ್‌ ಡ್ ನಡತಿನ ‘ಪಚ್ಚೆ ಸಿರಿ’ ತುಳು ಕವಿಗೋಷ್ಠಿ ಉದಿಪನ  ಮಲ್ತುದ್  ಆರು ಪಾತೆರಿಯೆರು.
ರೆಡ್‌ಕ್ರಾಸ್ ಸೊಸೈಟಿ ದ.ಕ.ಜಿಲ್ಲಾ ಘಟಕದ ಚೇರ್ಮನ್ ಸಿಎ ಶಾಂತಾರಾಮ ಶೆಟ್ಟಿ ಪಾತೆರ್ದ್ , ತುಳು ಭಾಷೆಗ್ ಸಂಬಂಧ ಪಟ್ಟಿನ  ಸಾಹಿತ್ಯ ಕಾರ್ಯಕ್ರಮಲೆಗ್  ಹೆಚ್ಚಿಗೆ ಪ್ರೋತ್ಸಾಹ ಕೊರ್ಪಿನವ್ ನಮ್ಮ ಕರ್ತವ್ಯ ಪಂಡೆರು.
ಅಧ್ಯಕ್ಷತೆಡಿತ್ತಿನ ತುಳುವೆರೆ ಕಲದ ಅಧ್ಯಕ್ಷೆ ಗೀತಾ ಲಕ್ಷ್ಮೀಶ್ ಪಾತೆರ್ದ್, ತುಳು ಲಿಪಿಯೇ ಭಾಷೆಯ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಗ್  ಸಾಕ್ಷಿ. ತುಳು ಲಿಪಿ ಕಲಿಕೆದೊಟ್ಟುಗ್  ತುಳುತ್ತ  ಮೂಲ ಶಬ್ದಲೆನೇ ಬಳಸುನ ಮೂಲಕ ಭಾಷೆದ  ಸೊಗಡು ಒರಿಪಾವರೆಗ್  ಪ್ರಯತ್ನ ಮಲ್ಪೊಡ್ ಪಂಡೆರು.
ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಶ್ರೀನಿವಾಸ ನಾಯಕ್ ಇಂದಾಜೆ, ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ತುದ ದ.ಕ. ಜಿಲ್ಲಾಧ್ಯಕ್ಷ ಪಿ.ಬಿ.ಹರೀಶ್ ರೈ ಪಾಲ್ ಪಡೆದಿತ್ತೆರು. ರೋಟರಿ ಕ್ಲಬ್ ಮಂಗಳೂರು ಸೆಂಟ್ರಲ್‌ನ ಅಧ್ಯಕ್ಷ ಬ್ರಾಯನ್ ಪಿಂಟೊ, ಪ್ರಧಾನ ಕಾರ್ಯದರ್ಶಿ ರಾಜೇಶ್ ಸೀತಾರಾಮ್, ಉಪಾಧ್ಯಕ್ಷ ಭಾಸ್ಕರ ರೈ ಕಟ್ಟ, ಪತ್ರಕರ್ತರ ಸಂಘದ ಕೋಶಾಧಿಕಾರಿ ಪುಷ್ಪರಾಜ್.ಬಿ.ಎನ್. ಉಪಸ್ಥಿತರಿತ್ತೆರು.
ತುಳು ವಿದ್ವಾಂಸ ಚಂದ್ರಹಾಸ ಕಣಂತೂರು ನ ಅಧ್ಯಕ್ಷತೆಡ್  ಕವಿಗೋಷ್ಠಿ ನಡತುಂಡ್. ಶ್ರೀಶಾ ವಾಸವಿ ತುಳುನಾಡ್ ಸ್ವಾಗತ ಮಲ್ತುದ್, ಸುಮಂಗಲಾ ದಿನೇಶ್ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರು. ಸೌಮ್ಯ.ಆರ್.ಶೆಟ್ಟಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು.
ಉಮೇಶ್ ಶಿರಿಯ, ಅಶೋಕ್ ಎನ್.ಕಡೇಶಿವಾಲಯ, ವಿಶ್ವನಾಥ ಕುಲಾಲ್ ಮಿತ್ತೂರು, ಅಶ್ವಿನಿ ತೆಕ್ಕುಂಜ, ಭಾಸ್ಕರ್ ಎ.ವರ್ಕಾಡಿ, ಸೌಮ್ಯಾ ಆರ್.ಶೆಟ್ಟಿ, ಸುಮಂಗಲಾ ದಿನೇಶ್ ಶೆಟ್ಟಿ, ಬಾಲಿನಿ ಎ.ಕರ್ಕೇರಾ, ಪದ್ಮನಾಭ ಮಿಜಾರ್, ಪದ್ಮನಾಭ ಪೂಜಾರಿ ಬಂಟ್ವಾಳ, ರಶ್ಮಿ ಸನಿಲ್, ನಳಿನಿ ಭಾಸ್ಕರ ರೈ. ಡಾ.ಸುರೇಶ್ ನೆಗಳಗುಳಿ, ನವೀನ್ ಕುಮಾರ್ ಪೆರಾರ, ಕೆ.ಶಶಿಕಲಾ ಭಾಸ್ಕರ್ ದೈಲಾ, ಹರೀಶ್ ಕುಮಾರ್ ಮೆಲ್ಕಾರ್, ಹಿತೇಶ್ ಕುಮಾರ್ ಎ., ಮಲ್ಲಿಕಾ ಜೆ.ಆರ್.ರೈ, ಗುಲಾಬಿ ಸುರೇಂದ್ರ ಸುರತ್ಕಲ್, ಆರ್ಯನ್ ಸವಣಾಲ್, ಅನುರಾಧಾ ರಾಜೀವ್ ಸುರತ್ಕಲ್, ಜಯರಾಮ ಪಡ್ರೆ, ನಿಶಾನ್ ಅಂಚನ್, ಶ್ರೀಶಾವಾಸವಿ, ಬದ್ರುದ್ದೀನ್ ಕೂಳೂರು, ಅರ್ಚನಾ ಎಂ.ಬಂಗೇರ, ಆಕೃತಿ ಭಟ್, ಹೇಮಂತ್ ಕುಮಾರ್ ಡಿ., ಯಶೋದಾ ಕುಮಾರಿ, ಎಸ್.ಕೆ.ಕುಂಪಲ ಪಾಲ್ ಪಡಯೆರು..