ತುಳುಕೂಟ ಉಡುಪಿ (ರಿ) ವತಿಡ್ದ್ ಪ್ರತೀ ವರ್ಷ ನಾಟಕಕಾರೆ ಕೆಮ್ರೂರು ದೊಡ್ಡಣ್ಣ ಶೆಟ್ರೆನ ಆಯೋಜನೆ ಮಲ್ಪುನ ತುಳುನಾಟಕ ಪಂತೊ ಈ ಸರ್ತಿಲಾ ಉಡುಪಿದ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ 7 ತುಳುನಾಟಕೊಲ್ ನಡದಿತ್ತುದ್ ಇನಾಮುಲಾ ಘೋಷಣೆ ಆತುಂಡ್.ಈ ನಿಟ್ಟುಡ್ ನಾಟಕ ಪ್ರಶಸ್ತಿ ಪ್ರಧಾನ ಸಮಾರಂಭ ಉಂದುವೇ ಬರ್ಪಿನ ಫೆ.20 ತಾರೀಕುದಾನಿ ಬಯ್ಯಗ್ 5 ಗಂಟೆಗ್ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣಮಂಟಪೊಡ್ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಗುರ್ಕಾರ್ಮೆಡ್ ನಡಪರೆಗುಂಡ್.
ಉಡುಪಿದ ಶಾಸಕೆರಾಯಿನ ಶ್ರೀ ಕೆ.ರಘುಪತಿ ಭಟ್ ಈ ಪ್ರಶಸ್ತಿಲೆನ್ ಪ್ರಧಾನ ಮಲ್ಪರೆಗುಲ್ಲೆರ್.ಕಜ್ಜೊಡ್ ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರಾಯಿನ ಶ್ರೀ ಪ್ರಮೋದ್ ಮಧ್ವರಾಜ್, ಯು.ಎ.ಇ.ತುಳುವೆರ್ ದ ಗುರ್ಕಾರ್ರ್ ರಾಯಿನ ಶ್ರೀ ಸರ್ವೊತ್ತಮ ಶೆಟ್ಟಿ, ಉಜ್ವಲ್ ಡೆವಲಪರ್ಸ್ ಉಡುಪಿದ ಶ್ರೀ. ಪಿ.ಪುರುಷೋತ್ತಮ ಶೆಟ್ಟಿ, ಕನ್ನಡ ಸಂಸ್ಕ್ರತಿ ಇಲಾಖೆ ಉಡುಪಿದ ಸಹಾಯಕ ನಿರ್ದೇಶಕೆರಾಯಿನ ಶ್ರೀಮತಿ ಪೂರ್ಣಿಮಾ, ಎಮ್.ಜಿ.ಎಮ್.ಕಾಲೇಜಿದ ಮುಖ್ಯಸ್ಥೆರಾಯಿನ ಡಾ.ದೇವಿದಾಸ್ ಎಸ್.ನಾಯಕ್ ಪಾಲ್ ಪಡೆಯರೆಗುಲ್ಲೆರ್.
ಸಭಾಕಜ್ಜೊಡ್ ಬೊಕ್ಕ ಕೆಮ್ತೂರು ತುಳುನಾಟಕ ಪ್ರಶಸ್ತಿ-2022 ಗೆಂದಿನ ಸಂಗಮ ಕಲಾವಿದೆರ್ ಮಣಿಪಾಲ(ರಿ.) ಮೊಕಲೆಡ್ದ್ ಸೊರದಾಂತಿ ನಲಿಕೆ ನಾಟಕದ ಪ್ರದರ್ಶನ ಆವರೆಗುಂಡ್.ಈ ನಾಟಕದ ನಿರ್ದೇಶನ ಮಲ್ದಿನಾರ್ ಭುವನ್ ಮಣಿಪಾಲ್,ಪರೊಷ್ಕರಣೆ: ಕೆ.ಆರ್.ಓಂಕಾರ್,ರಚನೆ: ಆಸಿಫ್ ಕರೀಮ್ ಬಾಯ್,ತುಳುಕ್:ಸಂತೋಷ್ ಕುಮಾರ್ ಶೆಟ್ಟಿ ಹಿರಿಯಡ್ಕ.
ಕಜ್ಜೊಗ್ ತುಳುಕೂಟ ಉಡುಪಿದ ಅಧ್ಯಕ್ಷೆರ್ ,ಸಂಚಾಲಕೆರ್ ಬೊಕ್ಕ ಪದುಕೆರ್ ಮಾತೆರೆನ್ಲಾ ಮೋಕೆಡ್ ಎದ್ಕೊನೊಂದೆರ್.ಬಲೆ ಮಾತೆರ್ಲಾ ತುಳುಬಾಸೆ ಸಂಸ್ಕ್ರತಿ, ಒರಿಪಾವರೆಗ್ ಸಹಕಾರ ಕೊರ್ಲೆ..
by 