ತುಳುನಾಡುದ ಕಾರ್ನಿಕೊದ ದೈವ ಪಂಡುದೇ ಇಂಚಪ್ಪೊಗ್ ಬಾರೀ ಪುಗಾರ್ತೆಡ್ ಕಾರ್ನಿಕೊನ್ ಮೆರೆಯೊಂದ್ ಬತ್ತಿನ ದೈವ ಕೊರಗಜ್ಜೆ..ತುಳುನಾಡ್ದ ಜನಕುಲೆನ ಉಡಲುಡ್ ಅಚ್ಚಿಯಾದುಲ್ಲೆ ಪಂಡಲಾ ತಪ್ಪಾವಂದ್.ತುಳುನಾಡುಡ್ ಹೆಚ್ಚಿನ ಕಡೆಟ್ ಕೊರಗಜ್ಜನ ಸಾನೊಲ್ ಉಲ್ಲ.ಅಲ್ಪಲ್ಪ ಬಾರೀ ಗೌಜಿಡ್ ಊರುದಕುಲು ಸೇರ್ದ್ ಕೊರಗಜ್ಜನ ನೇಮ ಮಲ್ಪುವೆರ್.ನಂಬಿನಕ್ಲೆನ್ ಕೈ ಬುಡಯೆ ಪನ್ಪಿನೇಕ್ ಇಂಚಪ್ಪೊಗ್ ಕೆಲವು ನಿದರ್ಶನೊಲೆನ್ ನಮ ತೂವೊಂದುಲ್ಲ.ಅಂಚೆನೇ ಕರಿನ ಜ.31ತಾರೀಕುದಾನಿ ನಡತಿನ ಸಂಗತಿನ್ ತೂಯರ್ಡ ಕುಡಲಾತ್ ಅಚ್ಚರಿಯಾವು.ದಾದ ಸಂಗತಿ ಪಂಡುದ್ ತೆರಿಗ ಬಲೆ.
ಉಡುಪಿದ ಕೆಳಾರ್ಕಳಬೆಟ್ಟು ಕೊಜಕುಳಿ ಪನ್ಪಿನಲ್ಪ ಕರಿನ ವರ್ಷ ಒಂಜಿ ಕೊರಗಜ್ಜ ದೈವಸ್ಥಾನ ಜೀರ್ಣೋದ್ದಾರ ಆದ್ ಬ್ರಹ್ಮ ಕಲಶೋತ್ಸವ ಆತುಂಡ್.ಈ ಸರ್ತಿ ಕೊರಗಜ್ಜ ಸ್ವಾಮಿನ ಪ್ರತಿಷ್ಠಾ ವರ್ಧಂತ್ಯುತ್ಸವ ದೊಟ್ಟುಗ್ ರಾತ್ರೆಡ್ ಕೊರಗಜ್ಜನ ನೇಮ ನಡತುಂಡ್.ಸುಮಾರ್ 4000 ಗ್ ಲಾ ಜಾಸ್ತಿ ಜನ ಈ ನೇಮೊಡ್ ಪಾಲ್ ಪಡೆದಿತ್ತೆರ್.ವಿಶೇಷ ಪಂಡ ಬತ್ತಿನ ಮಾತಾ ಊರುದಕುಲು ಸೇರ್ದ್ ಮಾನೆಚ್ಚಿಡಿತ್ತಿನ ಅಜ್ಜಗ್ ಬಚ್ಚಿರೆದ ಮಾಲೆ,ಪೂತ ಮಾಲೆನ್ ಪಾಡ್ದ್ ಕೊರಗಜ್ಜನ್ ಇಡೀ ಮುರ್ಕದೇ ದೀತೆರ್.ಅಜ್ಜನ ಮೋನೆಡ್ ಕಣ್ಣು ಬುಡ್ದ್ ಬೇತೆ ಇಡೀ ಜೀವನೇ ಪೂತ ಇಸಲುಡ್ ಮುರ್ಕುದ್ ಪೋತುಂಡ್.ಅಜ್ಜನ ಮಿತ್ತ್ ಇತ್ತಿನ ಮೋಕೆ ಮುಲ್ಪ ತೋಜಿದ್ ಬತ್ತುಂಡ್.ಇಡೀ ಊರುಗ್ ಊರೇ ಈ ಕೊರಗಜ್ಜನ್ ತೂದ್ ಮೂಕವಿಸ್ಮಿತೆರಾದ್ ಪೋಯೆರ್..ಪುಲ್ಯೆಮುಟ್ಟ ನಡತಿನ ನೇಮೊಡ್ ಊರುದ ಭಕ್ತೆರ್ ಪಾಲ್ ಪಡೆದ್ ತನ್ನ ಇಷ್ಟಾರ್ಥೊಲೆನ್ ಅಜ್ಜಡ ಭಕ್ತಿಡ್ ನಟ್ಟೊಂಡೆರ್.
by 