ತುಳು ಬಾಸೆಡ್ ಮಹಾಸಭೆ ಆಯೋಜನೆ ..

ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಶಿಯೇಶನ್ ಉಡುಪಿ ವಲಯದ ಮಹಾಸಭೆದ ಕಾರ್ಯ ಕಲಾಪ ಜುಲೈ 30 ತಾರೀಕುದಾನಿ ಶನಿವಾರ ಉಡುಪಿದ ಜಗನ್ನಾಥ ಸಭಾಭವನೊಡ್ ನಡಪರೆಗುಂಡ್ . ಅಧ್ಯಕ್ಷೆರಾಯಿನ ಜನಾರ್ದನ ಕೊಡವೂರು ಅಧ್ಯಕ್ಷತೆಡ್ ನಡಪರೆಗುಪ್ಪುನ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಶಿಯೇಶನ್ ಉಡುಪಿ ವಲಯದ ಮಹಾಸಭೆದ ಕಾರ್ಯ ಕಲಾಪನ್ ಉಂದುವೇ ಸುರುಕ್ಕಾದ್ ತುಳುಬಾಸೆಡ್ ಆಯೋಜನೆ ಮಲ್ಪರೆಗುಂಡ್.
ಸುಮಾರು 300 ಜನ ಸೇರುನ ಛಾಯಾಗ್ರಾಹಕೆರೆನ ಮಹಾಸಭೆಟ್ ಸಂಪೂರ್ಣ ಕಾರ್ಯ ಕಲಾಪನ್ ತುಳುಟೇ ನಡಪಾವುಂಡ್ ಪಂಡುದ್ ಸಂಘಟಕೆರ್ ತೀರ್ಮಾನ ಮಲ್ದೆರ್. ಈ ನಿಟ್ಟುಡ್ ತುಳುಬಾಸೆಗ್ ತನ್ನನೇ ಆಯಿನ ಕೊಡುಗೆನ್ ಈ ಸಂಘಟನೆ ಕೊರ್ತುಂಡ್ ಪನ್ಪಿನವ್ ಪೆರ್ಮೆದ ಸಂಗತಿ..ತುಳುನಾಡ್ದ ಮಾತಾ ಸಂಘಟನೆಲು ಕಜ್ಜೊಲೆನ್ ತುಳುಟ್ ಆಯೋಜನೆ ಮಲ್ತುಂಡ ತುಳುಬಾಸೆಗ್ ಸಂವಿಧಾನಗ್ ಮಾನಾದಿಗೆ ತಿಕ್ಕುನೇಟ್ ಸಂಶಯ ಇಜ್ಜಿ..