ಗಂಗಾಧರ ಕಿದಿಯೂರು ಬರೆತಿನ “ಮೆನ್ಕುನ ಸಿರಿ ಸಿಂಗಾರ” ತುಳುನಾಟಕ ಲೋಕಾರ್ಪಣೆ..

ರತ್ನವರ್ಮ ಹೆಗ್ಗಡೆ ನಾಟಕ ಪ್ರಶಸ್ತಿ ಪಡೆಯಿನ ಪೆರ್ಮೆದ ನಾಟಕಗಾರೆ ತುಳುಭಾಷೆಗಾದ್ ಮಸ್ತ್ ಬೇಲೆ ಮಲ್ತೊಂದುಪ್ಪುನ ಒಡಿಪು ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ಮೆರೆನ 14‌ ನಾಟಕೊಲೆನ ಗೊಂಚಿಲ್ “ಮೆನ್ಕುನ ಸಿರಿ ಸಿಂಗಾರ” ತುಳುನಾಟಕ ಸಂಪುಟದ ಬುಡುಗಡೆ ಉಂದುವೇ ಬರ್ಪಿನ 24‌ತಾರೀಕುದಾನಿ ಒಡಿಪು ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡಪರೆಗುಂಡ್.

ಇಂಧನ ಬೊಕ್ಕ ಕನ್ನಡ ಸಂಸ್ಕ್ರತಿ ಇಲಾಖೆದ ಸಚಿವೆರಾಯಿನ ವಿ.ಸುನೀಲ್ ಕುಮಾರ್ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಶ್ರೀ ಜೈನಮಠ ಮೂಡಬಿದ್ರೆದ ಡಾ|ಸ್ವಸ್ತಿ ಶ್ರೀ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯ ಮಹಾಸ್ವಾಮೀಜಿಲು ನಾಟಕದ ಸಂಪುಟೊನ್ ಬುಡುಗಡೆ ಮಲ್ತುದ್ ಲೋಕಾರ್ಪಣೆ ಮಲ್ಪರೆಗುಲ್ಲೆರ್.ಒಡಿಪು ಶಾಸಕೆರಾಯಿನ ಶ್ರೀ ಕೆ.ರಘಪತಿ ಭಟ್,ಕನ್ನಡ ಸಂಸ್ಕ್ರತಿ ಇಲಾಖೆ ಉಡುಪಿದ ಶ್ರೀ ಕುಮಾರ ಬೆಕ್ಕೇರಿ,ತುಳುಕೂಟದ ಸ್ಥಾಪಕಾಧ್ಯಕ್ಷೆರಾಯಿನ ಡಾ| ಭಾಸ್ಕರಾನಂದ ಕುಮಾರ್ ಮಲ್ಲ ಬಿನ್ನೆರಾದುಪ್ಪುವೆರ್.

ತೆಂಕನಿಡಿಯೂರು ಸ.ಪ್ರ.ದರ್ಜೆ ಕಾಲೇಜಿದ ಪ್ರಾಂಶುಪಾಲೆರಾಯಿನ ಡಾ| ಗಣನಾಥ ಎಕ್ಕಾರು ಸಂಪುಟದ ಪರಿಚಯ ಮಲ್ಪುವೆರ್.ಒಡಿಪು ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಕಜ್ಜೊದ ಗುರ್ಕಾರ್ಮೆಡಿಪ್ಪುವೆರ್.