ಮೂಜಿ ಮುಕ್ಕಾಲ್..

ಮೂಜಿ ಮುಕ್ಕಾಲ್

ಕಾಲಚಕ್ರದ ತಿರ್ಗೆನೆದ ರಬಸೊಗು ಪ್ರಾಯ ಬಲಿತೊಂದು ಪೋಂಡು ಉಂತಂದಿ ಮುಗಲ್ದಲೆಕ
ಮೀಸೆ ಬೊಲ್ದಾಂಡ್ ಆಸೆ ದೂರಾಂಡ್ ನನಲ ತೆರಿಯೊಂದಿಜ್ಜಿ ದೇವೆರೆ ಬರವು
ಸಂಸಾರದ ಜಬದರಿದ ದುನ್ನ ಗ್ ಕನೊತ ತೆರಿಯ ಜಾರೊಂದೇ ಪೋಂಡು
ಕೋಚಗೊಂಜಿ ಇತ್ತೆಲಾ ಯತೆ…. ಕೈಟಾಯಿಜತ ಮೂಜಿ ಮುಕ್ಕಾಲ್ ಪನವು…….

ಪುಟ್ಟುನಗ ದಾದ ಉಂಡು ತನ್ನಂದ್ ಪನ್ಪಿನ ಅತ ಬತ್ತಲೆ ಜೀವೋ
ಊರು ಸುತ್ತಲ ಬೇಲಿ ಪಾಡಿಯೆ ಬೂಮಿನ್ ತುಂಬಿನ ನಾಗೆ
ಪಕ್ಕಿ, ಮುರ್ಗ, ಅವೆಕವೆಕುಂಡು ತನ್ನನೇ ಆಯಿನ ಕಾರಿ ತೂಲೋ
ಕೋಚಗಿತ್ತೇಲಾ ಯತೆ ಮಲ್ಪೆರಾಯೀಜತ್ತ ಮೂಜಿ ಮುಕ್ಕಾಲ್ ಜಾಗೆ……

ನೀರ್ ದಾಂತೆ ಸಯ್ಯೇರಾಯಿನ ಕಮಿನಿಸ್ಟ್ ದಯಿಲಾ ಒಂಜಿ ಬೊಟ್ಟ ಮೈಂದ್‌ಡ್ ಉಸುಲು ಒರಿತ್ಂಡ್
ಸಯ್ಯೇರಾಯಿನ ಎನ್ನ ಆಸೆಲೆಗ್ ಪಾಡುನಕುಲಿಜ್ಜೆರ್ ಗಿರಿಯಂದಿ ಪೊಳಿಗೆ
ಎನ್ನೊಂದು ಎನ್ನೊಂದು ಪೋಯಿಲೇಕನೇ ಮೈತ ಚೋಲಿ ನೆರಿ ಪತ್ತ್ಂಡ್ ಪೊರ್ತು ಮೆಂಚಿದ್ ಪೋಂಡು
ಆಕೇರಿಗ್ಲಾ ಕೋಚಗ್ ಬತ್ತಿಜಿ ಮೂಜಿ ಮುಕ್ಕಾಲ್ದ ಸಬಿಗಳಿಗೆ

ಅಮರ್ ನಾಥ್ ಪೂಪಾಡಿಕಲ್ಲ್ ✍️
ತುಲುವೆರೆ ಕಲ