ಉಡುಪಿ ಬಡಾನಿಡಿಯೂರು ನಿವಾಸಿ ಆಯಿನ 95 ವರ್ಷ ಪ್ರಾಯದ ಲೀಲಾ ಆಚಾರ್ಯ ಮೇರು ದಿ.ಲಕ್ಷ್ಮಣ ಆಚಾರ್ಯ ಬೊಕ್ಕ ದಿ.ಭಾಗೀರಥಿ ಆಚಾರ್ಯ ಮೊಕ್ಲೆನ ಮಗಲ್.ತನ್ನ 9 ನೇ ವರ್ಷ ಪ್ರಾಯೊಡೇ ರುದ್ರಯ್ಯ ಆಚಾರ್ಯ ಮೆರೆಗ್ ಬುಡೆದಿ ಆದ್ ಕೂಡುಕುಟುಂಬಡ್ ದಿಂಜಿ ಸಂಸಾರದ ಜವಾಬ್ದಾರಿನ್ ದೆತೊಂದಿನಾರ್. ಮೆರೆನ ಕಂಡನೆ ರುದ್ರಯ್ಯ ಆಚಾರ್ಯೆರೆನ ಅಮ್ಮೆರ್ ನಾಟಿ ವೈದ್ಯೆ ರಾದ್ ಸರ್ಪ ಸುತ್ತುಗ್ ಇಲ್ಲಡೆ ಗಿಡಮೂಲಿಕೆದ ಮರ್ದ್ ತಯಾರ್ ಮಲ್ತೊಂದಿತ್ತೆರ್.
. ಆರು ತೀರುದ್ ಪೋಯಿಬೊಕ್ಕ ರುದ್ರಯ್ಯ ಆಚಾರ್ಯೆರ್ ಅವ್ವೆನ್ ದುಂಬರಿತೊಂದ್ ಪೋಯೆರ್. ರುದ್ರಯ್ಯ ಆಚಾರ್ಯ ತೀರು ಪೋಯಿಬೊಕ್ಕ ಅರೆನ ಬುಡೆದಿ ಆಯಿನ ಲೀಲಾ ಆಚಾರ್ಯ ಮೇರು ಕುಟುಂಬದ ಸಂಪೂರ್ಣ ಜವಾಬ್ದಾರಿದೊಟ್ಟುಗ್ ವಂಶಪಾರಂಪರ್ಯ ವಾದ್ ಮಲ್ತೋಂದ್ ಬರೊಂದಿತ್ತಿನ ನಾಟಿ ಮರ್ದ್ ನ್ ಕೊರ್ರೆಗ್ ಮನಸ್ಸು ಮಲ್ತೆರ್.ಮೇರು ಕರಿನ ಕೆಲವ್ ವರ್ಷಡಿಂಚಿ ಸರ್ಪಸುತ್ತುಗ್ ಇಲ್ಲಡೇ ಮರ್ದ್ ತಯಾರ್ ಮಲ್ತುದ್ ಸಾರೊಗುಲಾ ಜಾಸ್ತಿ ಜೀವ ಒರಿಪಾಯಿನಾರ್. ಆಸ್ಪತ್ರೆಗ್ ಪೋದ್ ಗುಣಮುಖ ಅವಂದೆ ಮೆರೆನಡೆಗ್ ಬತ್ತಿನಗುಲು ಸಂಪೂರ್ಣ ಗುಣಮುಖರಾತೆರ್.ಇತ್ತೆ ಮೆರೆಗ್ 95 ವರ್ಷ ಆಂಡಲಾ ಇನಿಕುಲಾ ಅವ್ವೆನ್ ದುಂಬರಿತೊಂದುಲ್ಲೆರ್.ಅತ್ತಾವಂದೆ ಅರೆನ ಮಲ್ಲ ಮರ್ಮಾಳೆಗ್ ಆ ವಿದ್ಯೆನ್ ಕಲ್ಪಾದ್ ಇತ್ತೆ ಅರೆನ ಮರ್ಮಾಳ್ ಲಾ ಅವ್ವೆನ್ ದುಂಬರಿತೊಂದುಲ್ಲೆರ್. ಒವ್ವೆ ಪಣವುದ ಆಸೆಗ್ ಬೂರಂದೆ ತನ್ನ ಇಲ್ಲಡೆ ಬತ್ತಿನಕ್ಲೆಗ್ ಧರ್ಮಾರ್ಥವಾದ್ ಮರ್ದ್ ಕೊರೊಂದುಲ್ಲೆರ್. ಮೆರೆನ ಈ ಪ್ರಾಯೊಡುಲಾ ಈ ಜನಸೇವೆನ್ ಮೆಚ್ಚದ್ ಮೆರೆಗ್ ತುಳುಕೂಟ ಉಡುಪಿದ ವತಿಡ್ದ್ ಅರೆನ ಇಲ್ಲಗೇ ಪೋದು ಮಾನಾದಿಗೆ ಮಲ್ತೆರ್..ಈ ಪೊರ್ತುಡ್ ತುಳುಕೂಟದ ಕಾರ್ಯಂತೆರಾಯಿನ ಶ್ರೀ ಗಂಗಾಧರ ಕಿದಿಯೂರು, ಕೆಮ್ತೂರು ತುಳುನಾಟಕ ಪಂತೊದ ಸಂಚಾಲಕೆರಾಯಿನ ಶ್ರೀ ಪ್ರಭಾಕರ ಭಂಡಾರಿ,ಮದರಂಗಿದರಂಗ್ ದ ಸಂಚಾಲಕೆರಾಯಿನ ಶ್ರೀಮತಿ ಯಶೋದ ಕೇಶವ್,ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆದ ಸೇವಾಪ್ರತಿನಿಧಿ ಶ್ರೀಮತಿ ಸುಮಾ ಆಚಾರ್ಯ ಬೊಕ್ಕ ಲೀಲಾ ಆಚಾರ್ಯ ಮೆರೆನ ಮಗೆ,ಮರ್ಮಾಲ್ ಬೊಕ್ಕ ಪುಳ್ಳಿ ಉಪಸ್ಥಿತರಿತ್ತೆರ್.
by 