ಉಡುಪಿ ಜಿಲ್ಲಾ ರಜತ ಮಹೋತ್ಸವ ಸಮಾರಂಭ ಅಂಗವಾದ್ ಜನವರಿ 20 ಡ್ದ್ ಮಲ್ಪೆ ಬೀಚ್ ಉತ್ಸವ ನಡತೊಂದಿತ್ತುದಗ, ಇನಿ 21-01-2023 ದಾನಿ ಮಲ್ಪೆ ಬೀಚ್ ಡ್ ಆಯೋಜನೆ ಮಲ್ದಿನ “ನ್ಯಾಷನಲ್ ಓಪನ್ ವಾಟರ್ ಸ್ವಿಮ್ಮಿಂಗ್ ಚಾಂಪಿಯನ್ಶಿಪ್”ಗ್ ಶಾಸಕೆರಾಯಿನ ಶ್ರೀ ಕೆ ರಘುಪತಿ ಭಟ್ ಮೇರ್ ಗಣ್ಯೆರೆನೊಟ್ಟುಗ್ ಚಾಲನೆ ಕೊರಿಯೆರ್.
7.5 ಕಿಲೋಮಿಟರ್ ನ್ಯಾಷನಲ್ ಓಪನ್ ವಾಟರ್ ಸ್ವಿಮ್ಮಿಂಗ್ ಚಾಂಪಿಯನ್ಶಿಪ್ ಡ್ 150ಗುಲಾ ಜಾಸ್ತಿ ಕ್ರೀಡಾಪಟುಲು ಪಾಲ್ ಪಡೆಯೊಂದುಲ್ಲೆರ್.
ಈ ಸಂದರ್ಭಡ್ ಕರ್ನಾಟಕ ರಾಜ್ಯ ಸ್ವಿಮ್ಮಿಂಗ್ ಅಸೋಸಿಯೇಷನ್ ಅಧ್ಯಕ್ಷೆರಾಯಿನ ಗೋಪಾಲ್ ಬಿ ಹೊಸೂರ್, ಕೆನರಾ ಬ್ಯಾಂಕ್ ಜಿ.ಎಂ ರಾಮ್ ನಾಯಕ್, ಜಿಲ್ಲಾಧಿಕಾರಿಲಾಯಿನ ಕೂರ್ಮಾ ರಾವ್ ಎಂ, ಪೋಲಿಸ್ ವರಿಷ್ಠಾಧಿಕಾರಿಲಾಯಿನ ಹಾಕೆ ಅಕ್ಷಯ್ ಮಚ್ಚಿಂದ್ರ, ನಗರ ಸಭೆತ್ತ ಪೌರಾಯುಕ್ತೆರಾಯಿನ ಉದಯ್ ಶೆಟ್ಟಿ, ಯುವ ಸಬಲೀಕರಣ & ಕ್ರೀಡಾ ಇಲಾಖೆ ಸಹಾಯಕ ನಿರ್ದೇಶಕೆರಾಯಿನ ರೋಷನ್ ಶೆಟ್ಟಿ ಉಪಸ್ಥಿತರಿತ್ತೆರ್.
by 