ಚಿಣ್ಣೆರೆನ ನಟ್ಟಿ.

ಟೀಮ್ ನೇಷನ್ ಫಸ್ಟ್(ರಿ) ತಂಡ   ಪ್ರತಿ ವರ್ಷದಂಚ  ಈ ವರ್ಷಲಾ  “ಚಿಣ್ಣರ ನಟ್ಟಿ” ಕಾರ್ಯಕ್ರಮನ್ ಐತಾರದಾನಿ ಕಿದಿಯೂರುದ ಪೊಸ ವಾಟರ್ ಟ್ಯಾಂಕ್ ದಲ್ಪ  ಆಯೋಜನೆ ಮಲ್ದೆರ್ ಪಂಡುದು ಅಧ್ಯಕ್ಷೆರಾಯಿನ ಸೂರಜ್ ಕಿದಿಯೂರ್ ಪ್ರಕಟಣೆಡ್ ತೆರಿಪಾದೆರು. ಈ ಕಾರ್ಯಕ್ರಮಡ್  ಉಡುಪಿ ತಾಲೂಕುದ 200-250 ವಿದ್ಯಾರ್ಥಿಲು  ಪಾಲ್ ಪಡೆಯರೆಗುಲ್ಲೆರ್. ಕಾಂಡೆ 7:30ಡ್ದ್   ಬಯ್ಯಗ್  5ಗಂಟೆಮುಟ್ಟ  ಕಾರ್ಯಕ್ರಮ ನಡಪರೆಗಿತ್ತುದ್ ಸಾರ್ವಜನಿಕೆರುಲಾ  ಪಾಲ್ ಪಡೆಯರೆಗ್  ಅವಕಾಶ ಉಂಡು ಪಂಡುದು ತೆರಿಪಾದೆರ್. ಕರಿನ  ವರ್ಷದ ಚಿಣ್ಣೆರೆನ ನಟ್ಟಿಡ್  ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೆರಾಯಿನ ವೃಕ್ಷಮಾತೆ ಸಾಲುಮರದ ತಿಮ್ಮಕ್ಕ ಪಾಲ್ ಪಡೆದಿತ್ತೆರ್  ಪಂಡುದು ನೆಂಪು ಮಲ್ತೊಂಡೆರು. ಸಾಂಪ್ರದಾಯಿಕ ಪದ್ಧತಿಡ್ ನಟ್ಟಿ ನಡ್ಪುನ  ಅವಕಾಶ ಬೊಕ್ಕ ಸಮಾಜಡ್  ಬೆನ್ನಿದ  ಪ್ರಾಮುಖ್ಯತೆದ  ತಿಳುವಳಿಕೆ ಪುಟ್ಟಾವುನ  ಉದ್ದೇಶಡಾದ್  ಈ ಕಾರ್ಯಕ್ರಮವನ್ನು ಆಯೋಜನೆ ಮಲ್ದುಂಡ್ ಪಂಡೆರ್.