ಒಡಿಪು ತುಳುಕೂಟಡ್ದ್ ಸಾಧಕೆರೆಗ್ ಮಾನಾದಿಗೆ

ತುಳುಕೂಟ ಉಡುಪಿ(ರಿ.) ಕರಿನ 36 ವರ್ಸೊಡಿಂಚಿ ತುಳುಬಾಸೆ ಸಂಸ್ಕೃತಿದ ಬುಲೆಚ್ಚಿಲ್ ಗಾದ್ ವಿಶೇಷ ಕಜ್ಜೊಲೆನ್ ಆಯೋಜನೆ ಮಲ್ತೊಂದ್ ಬರೊಂದಿತ್ತುದ್ 1ಸಾವಿರ ಮಿತ್ತ್ ಪದುಕೆರ್ ತುಳುಕೂಟಡುಲ್ಲೆ ರ್ .ವರ್ಸೊದ .12 ತಿಂಗೊಲ್ ತುಳುಸಾಹಿತ್ಯ,ತುಳುನಾಟಕ,ತುಳುಗೊಬ್ಬುಲು,ತುಳುಸಾಂಪ್ರದಾಯಿಕ ಆಚರಣೆಲು ಇಂಚ ತುಳುನಾಡುದ, ತುಳುಬಾಸೆದ ಪೊಲಬು ಕೊರ್ಪಿನ ಕಜ್ಜೊಲೆನ್ ಮಲ್ತೊಂದುಂಡ್.ಕರಿನ 2 ವರ್ಸೊಡಿಂಚಿ ಕೊರೊನಾ ಮಹಾಮಾರಿಡಾದ್ ಕೆಲವೊಂಜಿ ಕಜ್ಜೊಲ್ ಮಲ್ಪರೆಗಾಯಿಜಿಡಲಾ ಎಲ್ಯ ಕಜ್ಜೊಲೆನ್ ಆಯೋಜನೆ ಮಲ್ದುಂಡ್.

ನಮ್ಮ ನಾಡುಡ್ ಒವ್ವೇ ಕ್ಷೇತ್ರೊಡ್ ಸಾಧನೆ ಮಲ್ತಿನ ಸಾಧಕೆರೆನ್ ಗುರುತಿಸಾದ್ ಅಕಲೆನ್ ಮಾನಾದಿಗೆ ಮಲ್ಪುನವ್ ತುಳುಕೂಟದ ವಿಶೇಷತೆ.
ಈ ನಿಟ್ಟುಡ್ ಸೆಪ್ಟೆಂಬರ್ 28 ತಾರೀಕುದಾನಿ ಕಡಿಯಾಳಿದ ಓಶಿಯನ್ ಪರ್ಲ್ ಹೋಟೇಲ್ ದ ಸಭಾಂಗಣೊಡ್ ನಡತಿನ ಕೂಟದ ಸಭೆಟ್ ಕೆಲವು ಸಾಧಕೆರೆನ್ ಮಾನಾದಿಗೆ ಮಲ್ತೆರ್.

ತುಳು ಲಿಪಿ ಕಲ್ಪಾದಿಲಾಯಿನ ರಾಜೇಶ್ ತುಳುವೆ ಬೊಕ್ಕ ಸ್ವಾತಿ ಸುವರ್ಣ,ಸಂಗೀತ,ಯಕ್ಷಗಾನ ಭರತನಾಟ್ಯೊಡ್ ರಾಜ್ಯ ಪರರಾಜ್ಯೊಡ್ ಸಾಧನೆ ಮಲ್ದಿನ ವಿದೂಷಿ ಸಮರ್ಥ ಎಮ್.ಸಿ., ಉಡುಪಿ,ಕರಾಟೆಡ್ ರಾಷ್ಟ್ರಮಟ್ಟೊಡ್ ಸಾಧನೆ ಮಲ್ತಿನ ರಿತ್ವಿಕ್ ರತ್ನಾಕರ್, ವಾರಿಯರ್ ಕ್ವೀನ್ ಆಫ್ ಮಿಸೆಸ್ ಇಂಡಿಯಾ ಕರ್ನಾಟಕ 2021 ವಿಜೇತೆರಾಯಿನ ವಿದ್ಯಾಸರಸ್ವತಿ, ಮೊಕ್ಲೆಗ್ ತುಳುಕೂಟದ ವತಿಡ್ದ್ ಮಾನಾದಿಗೆ ಮಲ್ತೆರ್.

ಒಡಿಪು ಯುವಬ್ರಾಹ್ಮಣ ಪರಿಷತ್ ದ ಜಿಲ್ಲಾಧ್ಯಕ್ಷೆರಾದ್ ಆಯ್ಕೆ ಆಯಿನ ಕೂಟದ ಸದಸ್ಯೆರಾಯಿನ ಚೈತನ್ಯ ಎಮ್.ಜಿ., ಕಾರ್ಯದರ್ಶಿ ಆಯಿನ ಕೂಟದ ಸದಸ್ಯೆರಾಯಿನ ವಿವೇಕಾನಂದ ಎನ್ .ಮೊಕ್ಲೆನ್ ಸಭೆಟ್ ಗುರುತಿಸಾದ್ ಗೌರವಿಸಾಯೆರ್.ತೆಂಕನಿಡಿಯೂರು ಕಾಲೇಜಿದ ಪ್ರಾಂಶುಪಾಲೆರಾಯಿನ ಗಣನಾಥ ಎಕ್ಕಾರ್ ದಂಪತಿಲೆನ್ ಸಭೆಟ್ ಗೌರವಿಸಾಯೆರ್.

ಬರೋಡ ತುಳುಸಂಘದ ಗೌರವಾಧ್ಯಕ್ಷೆರಾಯಿನ ದಯಾನಂದ ಬೋಂಟ್ರ,ಕರ್ನಾಟಕ ತುಳುನಾಡ್ ಸಂಘ ಸಾಂಗ್ಲಿದ ಗೌರವಾಧ್ಯಕ್ಷೆರ್ ದಿವಾಕರ ಶೆಟ್ಟಿ ಮೊಕ್ಲೆನ ತುಳುಬುಲೆಚ್ಚಿಲ್ ದ ಸಾಧನೆನ್ ಮೆಚ್ಚಿದ್ ಮಾನಾದಿಗೆ ಕೊರಿಯೆರ್. ಉಡುಪಿ ತುಳುಕೂಟದ ಗುರ್ಕಾರೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ, ಗೌರವಾಧ್ಯಕ್ಷೆರಾಯಿನ ಡಾ.ಭಾಸ್ಕರಾನಂದ ಕುಮಾರ್,ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು,ಉಪಸ್ಥಿತರಿತ್ತೆರ್.

ಲಯನ್ಸ್ &ಲಿಯೋ ಕ್ಲಬ್ ಉಡುಪಿ ಇಂದ್ರಾಳಿದ ಅಧ್ಯಕ್ಷೆರಾಯಿನ ಮನೋಹರ್ ಶೆಟ್ಟಿ ಮೆರೆಗ್ ಮಾನಾದಿಗೆ ಮಲ್ತೆರ್.

ತುಳುಕೂಟದ ನಾಟಕ ಸಂಚಾಲಕೆರಾಯಿನ ಪ್ರಭಾಕರ ಭಂಡಾರಿ ಕಜ್ಜೊದ ಮದಿಪು ಕೊರಿಯೆರ್.ರತ್ನಾಕರ ಇಂದ್ರಾಳಿ ಸೊಲ್ಮೆ ಸಂದಾಯ್ತ ಮಲ್ತೆರ್.ತುಳುಕೂಟದ ಸದಸ್ಯೆ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಸದಸ್ಯೆ ತಾರಾ ಉಮೇಶ್ ಆಚಾರ್ಯ ಮಾನಾದಿಗೆ ಪಡೆಯಿನಕ್ಲೆನ ಪೊಲಬು ಓದಿಯೆರ್.ಜ್ಯೋತಿ ದೇವಾಡಿಗ ಸುಗಿತೆರ್.