ಬದುಕುನ್ ಕಟ್ಟುನ ತಾಕತ್ತ್ ಭಜನೆಗುಂಡ್: ಒಡಿಯೂರು ಶ್ರೀ

ಭಜನೆ ಆಪಿನ ಇಲ್ಲಡ್ ಶಿಸ್ತು-ಸಂಯಮ ಉಪ್ಪುಂಡ್.ನಮ ರಾಮರಸೊನ್,ಕ್ರಷ್ಣರಸೊನ್ ಪರುಂಡ ರಾಮರಸ,ಕ್ರಷ್ಣರಸತ್ತ ಅಮಲು ಏರುಂಡ್. ಗೇನದ ಬಡಾವು ಹೆಚ್ಚ ಮಲ್ತುದ್,ಬದುಕುನ್ ಕಟ್ಟುನ ತಾಕತ್ತ್ ಭಜನೆಗುಂಡ್ ಪಂಡುದ್ ಒಡಿಯೂರು ಶ್ರೀ ಗುರುದೇವಾನಂದ ಸ್ವಾಮೀಜಿಲು ಲೆಪ್ಪು ಕೊರಿಯೆರ್. ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆದ ಸಂಯೋಜಕೆರ್ ಬೊಕ್ಕ ಸೇವಾದೀಕ್ಷಿತೆರೆನ ಸಮಾವೇಶೊಡ್ ಸ್ವಾಮೀಜಿಲು ಈ ಸಂದೇಶೊನ್ ಕೊರಿಯೆರ್.
ಒಡಿಯೂರು ಶ್ರೀ ಸಂಸ್ಥಾನದ ಶ್ರೀ ಗುರುದೇವ ಜ್ಞಾನಮಂದಿರೊಡ್ ನಡತಿನ ಈ ಕಜ್ಜೊಡ್ ಸ್ವಾಮೀಜಿಲು ತನ್ನ 60ನೇ ಪುಟ್ಟು ಪರ್ಬ(ಷಷ್ಠ್ಯಬ್ದ ಸಂಭ್ರಮ)ದ ಗೌಜಿಡ್ ಯೋಜನೆದ ಸಂಯೋಜಕೆರ್ ಬೊಕ್ಕ ಸೇವಾದೀಕ್ಷಿತೆರೆಗ್ ಸೀರೆ,ಸೀಪೆ,ವಿಶೇಷ ಪಣವ್ ಕೊರ್ದ್ ಮಾನಾದಿಗೆ ಮಲ್ತೆರ್.
ಯೋಜನೆದ ಪಿರಾವುಡ್ ರಾಷ್ಟ್ರ ಕಟ್ಟುನ ಬೇಲೆ ಆಪುಂಡ್.ಶಿಸ್ತು ಸಂಯಮತೆನ್ ಕಾತೊನುಂದ್, ಸಂಸ್ಕಾರ ಒರಿತೊನೊಡ್.ಮಾನವೀಯ ಮೌಲ್ಯತೆಲೆನ್ ಕಾತೊಂದ್ ಬಲ್ಲೆ ಪನ್ಪಿನ ನೇರ ಸಂದೇಶೊನ್ ಅಪ್ಪೆನಕುಲ್ ಸ್ವಾಮೀಜಿ ಕೊರಿಯೆರ್.
ಸಮಾವೇಶೊಡ್ ಸಾಧ್ವಿ ಶ್ರೀ ಶ್ರೀ ಮಾತಾನಂದಮಯಿ, ವಿಟ್ಲ ತುಳುಕೂಟದ ಅಧ್ಯಕ್ಷೆರಾಯಿನ ಪೆರಿಯ ಪತ್ರಕರ್ತೆರ್ ಯಶವಂತ್ ವಿಟ್ಲ, ಒಡಿಯೂರು ವಿವಿದೋದ್ದೇಶ ಸೌಹಾರ್ದ ಸಹಕಾರಿದ ಅಧ್ಯಕ್ಷೆರಾಯಿನ ಶ್ರೀ ಎ.ಸುರೇಶ್ ರೈ,ಉಪಾಧ್ಯಕ್ಷೆರಾಯಿನ ಪಿ.ಲಿಂಗಪ್ಪ ಗೌಡ, ಒಡಿಯೂರು ಗ್ರಾಮ ವಿಕಾಸ ಯೋಜನೆದ ಯೋಜನಾನಿರ್ದೇಶಕೆರಾಯಿನ   ಶ್ರೀ ಕಿರಣ್ ಯು,ಯೋಜನೆದ ಉಡುಪಿ ವಲಯದ ಅಧ್ಯಕ್ಷೆರಾಯಿನ ಶ್ರೀ.ಕೆ.ಪ್ರಭಾಕರ ಶೆಟ್ಟಿ ಕಬ್ಯಾಡಿ,ಯೋಜನೆದ ವಿಸ್ತರಣಾ ಅಧಿಕಾರಿ ಯಶೋದರ ಸಾಲಿಯಾನ್ , ಒಡಿಯೂರು ಕ್ಷೇತ್ರದ ಕಾರ್ಯನಿರ್ವಾಹಕೇರಾಯಿನ ಶ್ರೀ ಪದ್ಮನಾಭ ಉಪಸ್ಥಿತರಿತ್ತೆರ್