ತುಳುಕೂಟ ಒಡಿಪುದ ಪಣಿಯಾಡಿ ಪ್ರಶಸ್ತಿಗ್ ತುಳು ಕಾದಂಬರಿಲೆಗ್ ಲೆಪ್ಪು

ತುಳುಕೂಟ ಉಡುಪಿದ 27ನೇ ಎಸ್.ಯು.ಪಣಿಯಾಡಿ ತುಳು ಕಾದಂಬರಿ ಪ್ರಶಸ್ತಿಗ್ ತುಳು ಕಾದಂಬರಿಲೆಗ್ ಲೆಪ್ಪು ಕೊರ್ತೆರ್.ತುಳು ಬಾಸೆಡ್ ಎಡ್ಡೆ ಎಡ್ಡೆ ಕಾದಂಬರಿಲು ಮೂಡ್ದ್ ಬರೊಡ್ ಪನ್ಪಿನ ಆಶಯೊಡ್ ತುಳು ಚಳುವಳಿ ಪ್ರವರ್ತಕೆರಾಯಿನ   ದಿ.ಎಸ್.ಯು.ಪಣಿಯಾಡಿ ಮೆರೆನ ನೆಂಪುಡ್ ಕೊರ್ಪಿನ ಈ ಪ್ರಶಸ್ತಿಗ್ 8000 ರೂ.ಪಣವುದೊಟ್ಟುಗ್ ಮಾನಾದಿಗೆ ಉಪ್ಪುಂಡ್.

ನಿಕುಲೇ ಬರೆತಿನ ತುಳು ಕಾದಂಬರಿಲೆನ್ ಅಕ್ಟೋಬರ್ 25ತಾರೀಕುದುಲಾಯಿ ಕಡಪುಡೊಡ್.ಆ ಕಾದಂಬರಿ ಇದಮುಟ್ಟ ಬೇತೆ ಒಲ್ಪಲಾ ಪ್ರಕಟ ಆದಿಪ್ಪರೆಗ್ ಬಲ್ಲಿ. ಒವ್ವೇ ಇನಾಮು ಗೆಂದುದುಪ್ಪರೆಗ್ ಬಲ್ಲಿ.ಹಸ್ತಪ್ರತಿನ್ ಅಚ್ಚಿ ಮಲ್ಪನಗ ಕ್ರೌನ್ 1/8 ಆಕಾರೊಡ್ 120 ಪುಟ ಜಾಸ್ತಿ ಉಪ್ಪೊಡ್.ಪೊರ್ಲುದ ಕೈಟ್ ಬರೆತಿನ ಅತ್ತುಂಡ ಕಂಪ್ಯೂಟರ್ ಡಿಟಿಪಿ ರೂಪೊಡ್ ಕಡಪುಡೊಡ್.

ಈ ಕಾದಂಬರಿನ್ ತುಳುಕೂಟ(ರಿ.)ಉಡುಪಿಗಂಗಾಧರ ಕಿದಿಯೂರು,”ಮೀನಾಕ್ಷಿ” ಕಿದಿಯೂರು ಪೋಸ್ಟ್,ಅಂಬಲಪಾಡಿ.ಉಡುಪಿ,576103. ಈ ಪತ್ತೆಗ್ ಕಡಪುಡೊಡು.ಹೆಚ್ಚಿಗೆ ಮಾಯಿತಿಗಾದ್ 9844532629 ಈ ನಂಬರ್ ಗ್ ಲೆಪ್ಪು ಕೊರೊಲಿ.ಪಂಡುದ್ ತುಳುಕೂಟ ಉಡುಪಿದ ಅಧ್ಯಕ್ಷೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಸೂಚನೆದ ಒರುಟ್ ಪಣಿಯಾಡಿ ತುಳುಕಾದಂಬರಿ ಪ್ರಶಸ್ತಿದ ಸಂಚಾಲಕಿ ತಾರಾ ಉಮೇಶ್ ಆಚಾರ್ಯ ಮೇರ್ ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.