ನಾಶ ಆವೊಂದುಪ್ಪುನ ಪನೊಲಿ ಮರನ್ ಒರಿಪಾವರೆಗ್ “ಒಪ್ಪಿಕೊ ಪಚ್ಚೆವನ ಸಿರಿ ಅಭಿಯಾನೊಗ್ ಪೇಜಾವರ ಶ್ರೀ ಚಾಲನೆ

ನಾಶ ಆವೊಂದುಪ್ಪುನ ಪನೊಲಿಮರನ್ ಒರಿಪಾವರೆಗಾದ್ ಆಯೋಜನೆ ಮಲ್ದಿನ ಒಪ್ಪಿಕೊ ಪಚ್ಚೆವನ ಸಿರಿ ಅಭಿಯಾನೊಗ್ ಪೇಜಾವರ ಶ್ರೀ ಕುಲಾಯಿನ ವಿಶ್ವ ಪ್ರಸನ್ನ ತೀರ್ಥ ಶ್ರೀಪಾದೆರ್ ಪೇಜಾವರ ಮಠದ ಶ್ರೀ ರಾಮ ವಿಠ್ಠಲ ಸಭಾಭವನೊಡ್ ನಡತಿನ ಸಮಾರಂಭೊಡ್ ಚಾಲನೆ ಕೊರಿಯೆರ್.

ಈ ಪೊರ್ತುಡ್ ಪನೊಲಿಮರನ್ ಸಂರಕ್ಷಣೆ ಮಲ್ದಿನ ಆತ್ರಾಡಿ ಗ್ರಾಮದ ದಂಪತಿಲಾಯಿನ ಜಗಜೀವನ ಹೆಗ್ಡೆ ಬೊಕ್ಕ ರಾಜೀವಿ ಮೊಕ್ಲೆನ್ ಸಭೆಟ್ ಮಾನಾದಿಗೆ ಮಲ್ತೆರ್.

ಸಭೆಟ್ ಬಡಗಬೆಟ್ಟು ಕ್ರೆಡಿಟ್ ಕೋಆಪರೇಟಿವ್ ಸೊಸೈಟಿದ ವ್ಯವಸ್ಥಾಪಕೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ,ಉದ್ಯಮಿ ಯು.ವಿಶ್ವನಾಥ ಶೆಣೈ,ಡಾ|ಯು.ನಿರಂಜನ್,ನಾಟಿ ವೈದ್ಯೆರಾಯಿನ ಗಂಗಾಧರ ಪಂಡಿತ್ ಉಪಸ್ಥಿತರಿತ್ತೆರ್.ಪ್ರಾಚ್ಯ ಸಂಚಯ ಸಂಶೋಧನ ಕೇಂದ್ರದ ಮುಖ್ಯಸ್ಥೆರಾಯಿನ ಎಸ್.ಎ.ಕ್ರಷ್ಣಯ್ಯ ಪ್ರಾಸ್ತವಿಕ ಪಾತೆರಿಯೆರ್.