ಪರಿಸರದ ರಕ್ಷಣೆ ನಮ್ಮ ಜವಾಬ್ದಾರಿ

600ಎಕ್ರೆ ಪ್ರದೇಶಡ್ ಕೊಲ್ಲಾಪುರದ ಕೈತಲ್ ಕನ್ನೇರಿ ಶ್ರೀ ಮಠ ಪರಿಸರದಲ್ಪ ನಡತೊಂದುಪ್ಪುನ “ಪಂಚ ಭೂತ” ಉತ್ಸವಡ್ ಜಗದ್ಗುರು ಸ್ವಸ್ತಿಶ್ರೀ ಡಾ ಚಾರುಕೀರ್ತಿ ಭಟ್ಟಾರಕ ಪಂಡಿತಚಾರ್ಯ ವರ್ಯ ಮಹಾ ಸ್ವಾಮೀಜಿ ಪಾಲ್ ಪಡೆದ್ ನಮ್ಮ ಪರಿಸರದ ರಕ್ಷಣೆ ನಮ್ಮ ಜವಾಬ್ದಾರಿ, ಗಾಳಿ ಡ್ದ್ ಪ್ರಾಣ, ಆಕಾಶ ಡ್ದ್ ಅವಕಾಶ, ಅಗ್ನಿಡ್ದ್ ಪ್ರಕಾಶ, ಜಲ ಡ್ದ್ ಬಲ, ಪೃಥ್ವಿಡ್ದ್ ಸಕಲ ಜೀವ ರಾಶಿ ಗ್ ಆಶ್ರಯ “ಹಸುರು ಬೀಜ ಬಿತ್ತೋಣ- ಬ್ರಹ್ಮಾಂಡ ರಕ್ಷಣೆ ಮಾಡೋಣ” ಪರಿಸರ ಪರಸ್ಪರ ವಿಚಾರಲೆನ್ 23.2.23ರ ಕಾರ್ಯಕ್ರಮಡ್ ಶ್ರೀ ಜೈನ ಮಠ ಧವಳತ್ರಯ ಜೈನ ಕಾಶಿ ಟ್ರಸ್ಟ್ (ರಿ )ಬೊಕ್ಕ ಉಡುಪಿ ಪ್ರಾಚ್ಯ ಸಂಚಯ ಸಂಶೋಧನಾ ಕೇಂದ್ರ ನೆತ್ತ “ಒಪ್ಪಿಕೊ ಪಚ್ಚೆವನಸಿರಿ ಜಾಗೃತಿ’- ಯ ಅಂಗವಾದ್ ವಿನಾಶದಂಚಿಡುಪ್ಪುನ ಶ್ರೀ ತಾಳೆ ವೃಕ್ಷದ “ಕ್ಷಿತಿ ರೂಹ ಬೀಜಾಕ್ಷತೆ ಹಂಚಿಕೆ”-ದ ಗಿಡ ನಡ್ಪುನ ಅಭಿಯಾನ ಸುರು ಮಲ್ತುದ್ ಆಶೀರ್ವಾದದ ಸಂದೇಶ ಕೊರಿಯೆರು. ಕಾರ್ಯಕ್ರಮಡ್ ಕರ್ನಾಟಕ ರಾಜ್ಯ ಪಾಲ ತಾವರಚಂದ್ ಗೆಲ್ಹೊಟ್, ಗೋವಾ ಮುಖ್ಯ ಮಂತ್ರಿ, ಕನ್ನೇರಿ ಶ್ರೀ ಸ್ವಾಮೀಜಿ, ಸುತ್ತೂರು ಶ್ರೀ ಸ್ವಾಮೀಜಿ ಮೂಡು ಬಿದಿರೆ ಸ್ವಾಮೀಜಿ ಸೇರ್ದ್ ಸುಮಾರು 300 ಮಠೊತ್ತ ಸಾಧು-ಸಂತೆರು ಧಾರ್ಮಿಕ ನಾಯಕೆರು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ ದ ಬೈಯಾಜಿ ಜೋಶಿ ವಿಶ್ವ ವಿದ್ಯಾಲಯ ದ ಉಪ ಕುಲಪತಿ ವಿಜ್ಞಾನಿಲು ಉಪಸ್ಥಿತರಿತ್ತೆರು ಈ ಸಂದರ್ಭ ಮೂಡು ಬಿದಿರೆ ಸ್ವಾಮೀಜಿ ಕಾರ್ಯಕ್ರಮಡ್ ಉಪಸ್ಥಿತರಿತ್ತಿನ ಮಾತಾ ಸಾಧು ಸಂತೆ ರೆಗ್ ಶ್ರೀತಾಳೆಬೀಜ (ಸಸ್ಯ ನಾಮ: Corypha umbraculifera/talipot palm) ಪ್ರಸಾರ ಬೊಕ್ಕ ಗಿಡ ನಡ್ಪುನ ಕಾರ್ಯ ಗ್ ಬೆಂಬಲ ಕೊರಿಯೆರ್.