ತುಲುವೆರೆ ಪತ್ರೊಡೆ

ಮರಿಯಲ ಬನ್ನಗ ನೆಂಪಾಪಿನ ತುಳುವೆರೆ ಬ್ರಾಂಡ್ ಡಿಶ್ ಪತ್ರೊಡೆ

ಮರಿಯಲ ಸುರು ಆನಗ ತುಳುನಾಡ್‌ಡ್ ನೆನಪಾಪಿನಿ ಆಟಿ ತಿಂಗೊಲ್ದ ವಿಶೇಷ ಆಚರಣೆ ಬೊಕ್ಕ ಬಗೆಬಗೆತ ತೆನಸ್. ಆಟಿ ಇಡೀ ಇಲ್ಲಡ್ ಕಮ್ಮೆನ ಕೊರ್ಪಿನ ತೆನಸ್ ಪತ್ರೊಡೆ . ಉಂದು ತುಳುನಾಡ್‌ ಬ್ರಾಂಡ್ ಡಿಶ್ ಪಂದೆ ಪುದರ್ ಪಡೆತುಂಡು.

ಪಿರಾಕ್‌ದ ಕಾಲಡ್ ಬಂಗದ ಬಡ್ಜ್ ಇತ್ತುಂಡು. ಐಟ್ಲಾ ಆಟಿ ತಿಂಗೊಲು ಪಂಡ ಉಷ್ಣ ವಾತಾವರಣ. ತಿನಿಯೆರೆ ನುಪ್ಪು ದಾಂತಿನ ಪೊರ್ತು. ಸೀಕ್ ಸಂಕಡ ಒಂಜಿ ಕಡೆ ಆಂಡ ಜನಕುಲು ಬೇಲೆ ದಾಂತೆ ಇಲ್ಲಡ್ ಉಪ್ಪೊಡಾಯಿನ ಪರಿಸ್ಥಿತಿ ಇಂಚಿನ ಪೊರ್ತುಡು ಪ್ರಕೃತಿ ಜನ್ಯ ಜನಕ್ಲೆನ್ ನಮ್ಮ ಪೆರಿಯಾಕುಲು ಗಲಸಿಯೇರ್ . ఆని ಪುಟ್ಟಿನ ಪತ್ರೊಡೆ ಪುದರ್ ಪೋತುಂಡು.

ಪತ್ರೊಡೆ ಪತ್ರ ಪಂದ್ ಲಾ ಪನ್ವೆರ್. ಉಂದು ತುಳುನಾಡ್‌ಡ್ ಮಲ್ಪುನ ವಿಸೇಸವಾಯಿನ ಒಂಜಿ ತೆನಸ್, ಉಂದು ಸಾಮಾನ್ಯವಾದ್ ಮರಿಯಾಲೊಡು ಮಲ್ಲುನ ಅಡ್ಡೆ. ಉಂದು ತುಳುನಾಡ್‌ದ ಮಾತ್ರ ಅತ್ತ ಮಲೆನಾಡ್ಲಾ ಮಲ್ಪುವೆರ್. ಮರಿಯಲದಪಗ ಬೋಡಾಯಿನಾತ್ ತೇವುದ ಇರೆ ತಿಕ್ಕುಂಡು. ತೇವುಡು ಮಸ್ತ್ ವಿದ ಉಂಡು.ಮರ ತೇವು, ಗೊವೆ ತೇವು, ಕರಿ ತೇವು, ಪತ್ರೊಡೆ ಮಲ್ಲುನ ತೇವು, ದಂಟ್ ಮಾತ್ರ ಕಜಿಪು ಮಲ್ಲು ತೇವು ಇಂಚ ಬೇತೆ ಬೇತೆ ವಿದ ಉಂಡು ಕ್ರೋಟನ್ ತೇವು (ಬಣ್ಣ ಬಣ್ಣದವು) – ಉಂದು ತಿನ್ಯರೆ ಆಪುಜಿ.

ಕುಡೊಂಜಿ ಕ್ರಮ

ಉರ್ಪೆಲ್ ಆರಿನ್ 6 ಗಂಟೆ ನೀರ್ ನೆನೆತ್ದ್

ಪುಂಡಿಗ್ ಕಡೆವುಲೆಕ್ಕ ಗಟ್ಟಿ ಕಡೆವೊಡು. ತೇವುದ ಇರೆನ್ ಸನ್ನ ಮೂರುದು ಬಂದೊಗು ಬೆರೆಕಾದ್ ಪುಂಡಿ ಕಟ್ದ್ ಬೆಯಾವೊಡು, ಇರೆಟ್ ಗಟ್ಟಿದ ಲೆಕ್ಕಲಾ ಬೆಯ್ಪಾವೊಲಿ , ಬೆಯ್ತಿ ಬೊಕ್ಕ ತುಂಡು ಮಲ್ತ್‌ದ್ ತರಕಾರಿ ಕಜಿಪುದಂಚ ಇಜ್ಜಾಂಡ ಕೋರಿದ ಕಜಿಪುದಂಚ ಕಡೆತಿ ಅರೆಪುದೊಟ್ಟಿಗೆ ಕೊದ್ಯಾದ್ ಬೊಳ್ಕೊಳ್ಳಿದ ಒಗರ್ನೆ ಕೊರ್‌ಂಡ ಪತ್ರಡ್ಡೆ ತಿನಿಯೆರೆ ತಯಾರ್ ಆಪುಂಡು.

ಪತ್ರೋಡೆ ಮಲ್ಪುನು ಎಂಚ?!

ಈ ತಿನಸ್ ಮಲ್ಪೆರೆ ಬೋಡು ತೇವುದ ಇರೆ. ಉಂದು ಕಂಡದ ಬರಿಟ್ ಬೊಕ್ಕ ಕೆಲವೊಂಜಿ ಮರಟ್ಲಾ ಉಪ್ಪುಂಡು. ಉಂದೆನ್ ಮರತೇವು ಪನ್ಪೆರ್ , ತೇವು ಪೂಜೆರೆ ಮಸಾಲೆ, ಬೊಲಂತೆ , ದಾಸೆಮಿ, ಮೆತ್ತೆ, ಓಂ, ಕಡ್ಲೆ ಬೇಳೆ, ಪದೆಂಗಿ ಬೇಳೆ. ತೊಗರಿಬೇಳೆ, ಪುಳಿ, ಉಪ್ಪು, ಬೆಲ್ಲ – ಉಂದೆನ್ ಸನ್ನ ಕಡೆವೊಡು ಕಡೆತಿನ ಬಂದೊನು ಒಂಜೊಂಜಿ ಇರೆಕ್ಕ್ ಪೂಜಿದ್ ಮಿತ್ ಮಿತ್ ದೀದ್ ಪೂಜಿದ್ ಪಜೆ ಮಡ್ತಿಲೆಕ್ಕಿ ಮಡ್ತ್ ತೊಂದುರುಡು ಬೆಯ್ಯರೆ ದೀಪೆರ್, ಬೈಪಾದ್ ಚೌಲಿ ಅಯಿ ಬೊಕ್ಕ ಅವೆನ್ ತುಂಡ್ ಮಲ್ತುದ್ ಎಣ್ಣೆಡ್ ಕೈಪುವೆರ್. ಅವ್ ತಿನಿಯೆರೆ ಬಾರಿ ರುಚಿ, ತಾರಾಯಿದ ಎಣ್ಣೆದ ಒಟ್ಟುಗು ತಿನ್ನೆರೆ ಎಡ್ಡೆ ಆಪುಂಡು. ಉಂದು ಆರೋಗ್ಯಗ್ ಎಡ್ಡೆಗೆ. ಮಾತಾ ತೇವುಡು ಈ ಅಡ್ಡೆ ಮಲ್ಲೆರೆ ಆಪುಜಿ. ದಾಯೆ ಪಂಡ ಕೆಲವು ತೇವುಲು ಕಿಂರ್ಬುಂಡು. ಅಂಚಾದ್ ತೇವುದ ಬಗ್ಗೆ ತೆರಿವೊಂಡ ಎಡ್ಡೆ.

• ಶ್ರೀನಿಧಿ ಶೆಟ್ಟಿ