ನಾಗರಿಕಾ ಹಿತರಕ್ಷಣಾವೇದಿಕೆ ಉಡುಪಿ ಬೊಕ್ಕ ಸಾಯಿಬಾಬಾ ಮಂದಿರ ಮೂಡುಬೆಟ್ಟುದ ಒತ್ತುಸೇರಿಗೆಡ್ “ತುಳುವಪ್ಪೆನ ಭಾವಚಿತ್ರ” ಅನಾವರಣದ ಕಜ್ಜೊ ಕೊಡಂಕೂರು ಮೂಡುಬೆಟ್ಟುದ ಸಾಯಿಬಾಬಾ ಮಂದಿರೊಡ್ ನಡತುಂಡ್.ಕಜ್ಜೊಡ್ ಪುಗಾರ್ತೆದ ಕಲಾವಿದೆರಾಯಿನ ಪಿ.ಎನ್.ಆಚಾರ್ಯ ಮೇರು ತನ್ನ ಕೈಚಳಕೊಡ್ ತನ್ನ ಕಲ್ಪನೆದ ಪ್ರಕಾರ ಬುಡ್ಪಾದಿನ “ತುಳು ಅಪ್ಪೆ” ನ ಭಾವಚಿತ್ರೊನ್ ಒಡಿಪು ತುಳುಕೂಟದ ಗುರ್ಕಾರೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಅನಾವರಣ ಮಲ್ತೆರ್.
ಕಜ್ಜೊದ ಬಗ್ಗೆ ಪಾತೆರಿನ ಆರು ತುಳುನಾಡುದ ಸಂಸ್ಕಾರ,ಸಂಸ್ಕ್ರತಿ ಪ್ರಪಂಚೊಡ್ ಒಲ್ಪಲಾ ಇಜ್ಜಿ.ಪೊರ್ಲುದ ತುಳುನಾಡುಡ್ ತುಲುವಪ್ಪೆನ ಭಾವಚಿತ್ರದ ಅಗತ್ಯ ಇತ್ತುಂಡ್.ಈ ನಿಟ್ಟುಡ್ ತನ್ನನೇ ಆಯಿನ ಕಲ್ಪನೆಡ್ ತುಲುವಪ್ಪೆನ ಭಾವಚಿತ್ರ ಬುಡ್ಪಾದ್ ಪಿ.ಎನ್.ಆಚಾರ್ಯ ಮೇರ್ ತುಲನಾಡುಗ್ ಅದ್ಭುತವಾಯಿನ ಕೊಡುಗೆ ಕೊರ್ತೆರ್ ಪಂಡುದ್ ಪಂಡೆರ್.
ಕಜ್ಜೊಡ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರಾಯಿನ ಜಾನಪದ ವಿದ್ವಾಂಸೆ ,ನಡಪುನ ಗರೋಡಿ ಪಂಡುದೇ ಪುಗಾರ್ತೆನ್ ಪಡೆದಿನ ಬನ್ನಂಜೆ ಬಾಬು ಅಮೀನೆರೆಗ್ ನಾಗರಿಕ ಹಿತರಕ್ಷಣಾ ವೇದಿಕೆ ಬೊಕ್ಕ ಮಂದಿರದ ವತಿಡ್ದ್ ಮಾನಾದಿಗೆ ಮಲ್ತೆರ್.
ವೇದಿಕೆಡ್ ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ಥಾನ ಕಜ್ಕೆದ ಅಲೆವೂರು ಯೋಗೀಶ್ ಆಚಾರ್ಯ,ನಾಗರಿಕ ಹಿತರಕ್ಷಣಾ ವೇದಿಕೆದ ಅಶೋಕ್ ಪೂಜಾರಿ,ರಘುನಾಥ್ ,ಸಾಯಿಬಾಬಾ ಮಂದಿರದ ಟ್ರಸ್ಟಿ ಚೇತನ್ ನಾರ್ವೇಕರ್, ಮಹಾಬಲ ಕುಂದರ್,ಕೊಡಂಕೂರು ಬಿಲ್ಲವ ಸಂಘದ ಅಧ್ಯಕ್ಷೆರಾಯಿನ ಉದ್ಯಮಿ ರಮೇಶ್ ಬಂಗೇರ,ಉಪಸ್ಥಿತರಿತ್ತೆರ್.
ತೆಂಕನಿಡಿಯೂರು ಕಾಲೇಜಿದ ಉಪನ್ಯಾಸಕೆರಾಯಿನ ದಯಾನಂದ ಕರ್ಕೇರ ಮೇರ್ ಕಜ್ಜೊದ ಮದಿಪು ಕೊರಿಯೆರ್.
by 