ದಿ| ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳುನಾಟಕ ಪಂತೊದ ಇನಾಮು ಪಟ್ಟುನ ಲೇಸ್

ತುಳುಕೂಟ ಉಡುಪಿ (ರಿ) ವತಿಡ್ದ್ ಜನವರಿ 8 ತಾರೀಕುಡ್ದ್ 14 ತಾರೀಕುಮುಟ್ಟ ಉಡುಪಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡತಿನ ಇರ್ವತ್ತೊಂಜನೇ ವರ್ಸೊದ ದಿ| ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳುನಾಟಕ ಪಂತೊದ ಇನಾಮು ಪಟ್ಟುನ ಲೇಸ್ ಉಂದುವೇ ಬರ್ಪಿನ ಫೆಬ್ರವರಿ 5 ತಾರೀಕುದಾನಿ ಐತಾರ ಬಯ್ಯಗ್ 5.30 ಗಂಟೆಗ್ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡಪರೆಗುಂಡ್.ಕಜ್ಜೊಡ್ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಗುರ್ಕಾರ್ಮೆಡಿಪ್ಪುವೆರ್.ಉಡುಪಿದ ಶಾಸಕೆರಾಯಿನ ಶ್ರೀ. ಕೆ.ರಘುಪತಿ ಭಟ್, ಮಣಿಪಾಲ ಕಸ್ತೂರ್ಬಾ ಮೆಡಿಕಲ್ ಕಾಲೇಜಿದ ಡೀನ್ ಡಾ.ಪದ್ಮರಾಜ್ ಹೆಗ್ಡೆ, ಉಜ್ವಲ್ ಡೆವಲಪರ್ಸ್ ಉಡುಪಿದ ಶ್ರೀ ಪಿ.ಪುರುಷೋತ್ತಮ ಶೆಟ್ಟಿ, ಮತ್ಸ್ಯೋದ್ಯಮಿ ಶ್ರೀ ಸಾಧು ಸಾಲ್ಯಾನ್ ಮಲ್ಲ ಬಿನ್ನೆರಾದ್ ಉಪಸ್ಥಿತರಿಪ್ಪುವೆರ್.
ಸಭಾಕಾರ್ಯಕ್ರಮದ ಬೊಕ್ಕ ಕೆಮ್ತೂರು ತುಳು ನಾಟಕ ಪ್ರಶಸ್ತಿ-2023 ಗೆಂದಿನ ಜೋಸೆಫ್ ನೀನಾಸಂ ನಿರ್ದೇಶನದ ಸುಮನಸಾ ಕೊಡವೂರು ಉಡುಪಿ (ರಿ) ಮೊಕಲೆಡ್ದ್ “ಸುಳಿ ಸುರುಳಿ” ನಾಟಕದ ಪ್ರದರ್ಶನ ನಡಪರೆಗುಂಡ್.ಪಂಡುದ್ ಕೆಮ್ತೂರು ತುಳುನಾಟಕ ಸಂಚಾಲಜೆರಾಯಿನ ಬಿ.ಪ್ರಭಾಕರ ಭಂಡಾರಿ,ಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ತೆರಿಪಾದೆರ್.