ಪುಡೆಮಿ ಅಪ್ಪೆನ ಬುಲಿಪು

ಪುಡೆಮಿ ಅಪ್ಪೆನ ಬುಲಿಪು

ಪನೊಡೇರೆಡ ಪುಡೆಮಿ ಅಪ್ಪೆ ಯಾನೆನ್ನ ಬೇಜಾರ್ದ ಕತೆನ್
ಉಲಯುಲಯೇ ನಿಂಗೊಂದುಲ್ಲೆ ಪನಿಯೆರಾವಂದಿ ಎತೆನ್

ನೋಪೆರೆ ಮನಸಾಪುಜಿ ನೆರ್ಯೆರೆ ಬಾಯಿ ಬರ್ಪುಜಿ
ಕರ್ಲಕುರ್ಲೆಲೆನ್ನ ಮಲ್ಪಿ ಅನ್ಯಾಯ ತಡೆಯೆರಾಪುಜಿ

ಕಂಡ ಸಾಗೋಲಿ ಉಂತಾಯೆರ್ ನೇಜಿನಡ್ಪಿನಲ್ಪ ಸಿಮೆಟ್ ಪಾಯ ಪಾಡ್ಯೆರ್
ಇತ್ತಿ ದೈ ಮರಕ್ಲೆನ್ ಕಡ್ತೆರ್ ಅಕ್ಕಸೊದೆತ್ತರ ಕಟ್ಟೋನ ಕಟ್ಟಿಯೆರ್

ಕೆದು ಬಚ್ಚಾಯೆರ್ ತುದೆ ತಿರ್ಗಾಯೆರ್ ಕಡಲಬಂಜಿಗ್ ನಂಜಿ ಜಿಂಜಾಯೆರ್
ಅಲಿಯಂದಿ ಪ್ಲಾಸ್ಟಿಕ್ ರಕ್ತಬೀಜನ್ ಪುಟ್ಟಾಯೆರೆ ಪೂರಾ ಒಂಜಾಯೆರ್

ಬೆಚ್ಚ ಇಸಗಾಳಿ ಪಾರಾದ್ ರಕ್ಷನೆಗಿತ್ತಿ ಚತ್ರನ್ ಒಟ್ಟೆ ಮಲ್ತೆರ್
ಜನ ಸೇರಾದ್ ಪಸಂದ್ರ ಹಾಲಾಂಡ್ಂದ್ ಮತ್ತರ್ಮೆಡ್ ಎಡ್ಡೇನ ಬುಲ್ತೆರ್

ಕ್ಷಮಯಾಧರಿತ್ರಿ ಪನ್ಪಿ ಪೊರ್ಲ ಪುದರ್ ದೀತೆರೆಂಕ್
ಮನಿಪ್ಪಂದೆ ಉಲ್ಲೆ ಪಂದ್ ಲಕ್ಕಾವೊಂದುಲ್ಲೆರ್ ಬೊಕ್ಕ ಬೊಕ್ಕಲಾ ಕಲಂಕ್

ಕರವೊಂದುಂಡೆನ್ನ ಕರ್ಲ್ ಸೈಸೆರಾವಂದಿ ಬೇನೆಡ್
ಬೇಜಾರ್ದ ಚೂರಿಜ್ಜಿ ಈ ಬುದ್ದಿವಂತೆರ್‌ನ್ಪಿ ಮಾನವೆರೆ ಮೋನೆಡ್

ಲೆತ್ತೊಂದುಲ್ಲೆ ಕಡೇಸೊರೊಟು ಕಣ್ಣನೀರಾಜಿಂಡೆನ್ನ ಬುಲ್ತ್ ಬುಲ್ತ್‌ದ್
ತಿರ್ಗ್‌ದ್ ತೂವೊಂದಿಜ್ಜೆರ್ ಎನ್ನ ಜೋಕುಲು ದುಂಬುವರಿದ್ ಬಲ್ತ್ ಬಲ್ತ್‌ದ್

ಬರವು : ಶುಭೋದಯ ಸೂಟರ್‌ಪೇಟೆ
ತುಲುವೆರೆ ಕಲ