ರವಿ ಬೊಕ್ಕ ಫ್ರೆಂಡ್ಸ್, ಕಟಪಾಡಿ ಬಡವೆರೆನ ಬೊಕ್ಕ ಅಂಗವೈಕಲ್ಯೊಡ್ ನರಕೊಂದುಪ್ಪುನ ಬಡ ಜೋಕ್ಲೆನ ಪಾಲುಗ್ ಆಶಾಕಿರಣ ಮೂಡಿಸಾವುನ ಬಳಗ. ಕರಿನ 6 ವರ್ಷದಲೆಕ್ಕನೇ ಈ ಸರ್ತಿಲಾ ಕ್ರಷ್ಣ ಜನ್ಮಾಷ್ಟಮಿದಾನಿ ರವಿ ಕಟಪಾಡಿ ಬೊಕ್ಕ ತಂಡದಕುಲ್ ವೇಷ ಪಾಡುದ್ ಬತ್ತಿನ ಕಾಸುನ್ ಫಲಾನುಭವಿಲೆಗ್ ಕೊರ್ಪಿನ ಒಂಜಿ ವಿಶೇಷ ಕಜ್ಜೊನ್ ಉಂದುವೇ ಸೆಪ್ಟೆಂಬರ್ 16 ತಾರೀಕುದಾನಿ ಕಟಪಾಡಿ ಪೇಟೆಬೆಟ್ಟು ಬಬ್ಬುಸ್ವಾಮಿ ಕೊರಗಜ್ಜ ದೈವಸ್ಥಾನೊಡ್ ಬೈಯಗ್ 5.30 ಗಂಟೆಗ್ ನಡಪರೆಗುಂಡ್.
ಶ್ರೀ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಕೇಮಾರು ಮಠ ಮೇರು ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.
ಕಜ್ಜೊಡ್ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ದಯಾನಂದ ಕತ್ತಲ್ ಸಾರ್,ಉಡುಪಿ ಜಿಲ್ಲಾಧಿಕಾರಿಕೂರ್ಮ ರಾವ್,ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು,ಉಡುಪಿ ಎಸ್.ಪಿ.ಎನ್.ವಿಷ್ಣುವರ್ಧನ್,ಉದಯವಾಣಿ ಡಿಜಿಟಲ್ ಮಾರ್ಕೆಟಿಂಗ್ ದ ಮುಖ್ಯಸ್ಥೆರ್ ಹರೀಶ್ ಭಟ್,ರವಿ ಫ್ರೆಂಡ್ಸ್ ಕಟಪಾಡಿದ ಮಾರ್ಗದರ್ಶಕೆರಾಯಿನ ಮಹೇಶ್ ಶೆಣೈ,ಕಟಪಾಡಿ ಪೇಟೆಬೆಟ್ಟು ಶ್ರೀ ಬಬ್ಬುಸ್ವಾಮಿ ಕೊರಗಜ್ಜ ದೈವಸ್ಥಾನದ ಗುರಿಕಾರೆರಾಯಿನ ಹರೀಶ್ಚಂದ್ರ ಪಿಲಾರ್ ಮಲ್ಲ ಬಿನ್ನೆರಾದುಪ್ಪುವೆರ್.ಪಂಡುದ್ ರವಿ ಕಟಪಾಡಿ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.
ಈ ಸರ್ತಿ 7.14 ಲಕ್ಷ ರೂ.ಸಂಗ್ರಹ ಆದಿತ್ತುದ್,8 ಅನಾರೋಗ್ಯ ಪೀಡಿತ ಜೋಕ್ಲೆಗ್ ಗುರುವಾರ ನಡಪುನ ಕಜ್ಜೊಡ್ ಗಣ್ಯೆರೆನ ಮುಖೇನ ಹಸ್ತಾಂತರ ಮಲ್ಪರೆಗುಲ್ಲೆರ್.
by 