ಸಿಮಗುಡ್ಡೆದ ಅರಸು

ಸಿಮಗುಡ್ಡೆದ ಅರಸು

ಸಿಮಗುಡ್ಡೆಗ್ ಒರಿ ಅರಸೆ ಮೂಜಿ ಮೂರ್ತಿಲೆಡ್ ಒಂಚೂರು ಪಿಸ್0ಟೆ
ಬೂತ ಗನೊಕುಲೆಗೊಡೆಯೆ ಈಸರೆ ಲಯಕರ್ತೆ
ಕುಪುಲು ಕಣ್ಣ್ ದ ಒರುಟು ತಾಂಡವ ನಲಿಕೆ ನ್ ನಲಿಪೆ
ಐನ್ಅಚ್ಚರ ಮಂತ್ರೋಗು ಮೃತುಂಜಯೇ ಆದ್ ಒಲಿವೆ

ಗಂಗೆನ್ ತರೆಟ್ ತುಂಬೋ0ದು ಮರಿನ್ ಕಂಟೆಲ್ಗ್ ಪಾಡೊಂಡೆ
ಪಿಲಿ ಚೋಲಿಡ್ ಕಚ್ಚೆ ಕಟ್ಟೊಂದು ಮೂಜಿನೇ ಕಣ್ಣ್ ಮುಚ್ಚೋ0ಡೆ
ಮೈ ನಿಲಿಕೆ ಭಸ್ಮ ಪೂಜೊಂದು ಬೋರಿ ನ್ ಏರೊಂಡೆ
ನೀಲಿ ರಂಗ್ ದಯೆ ಬೊಲ್ಲೆನೋದ ಪಾರೊತಿ ನ್ ಕಟ್ಟೊಂಡೆ….

ಮಡಿ ದಿಂಜಿ ಭಕ್ತಿಗ್ ರಕ್ಕಸೆ ರಾವಣಗ್ ಒಲಿಯೆ
ಅಜ ತತ್ತಿನ ಸಾರ ರಕ್ಕಸೆರೆನ್ ಕೆರಿಯೆ
ಎಕ್ಕಮಾಲೆದ ಪುರ್ಪದ ಕಮ್ಮೆನೋಗ್ ಬರುವೆ
ರುದ್ರಾಭಿಷೇಕಡ್ ಭಕ್ತೆರೆನ ಬೇನೆ ಬೆಸರ್ ಕಳೆವೆ

ಜನಕ್ಲೆನ ಸೀಕ್ ಸಂಕಟೋ ಕಳೆಯೆರೆ ವೈದ್ಯನಾಥೆನ್ದ ಪನ್ಪವೊಂದು
ಧರ್ಮೋ ಕಜ್ಜ ನ್ ಒರಿಪೆರೆ ಮಂಜುನಾತೆಂದ್ ಪುದರ್ ಪಡೆಯೊಂದು
ಸೋಮನಾಥೆ ವಿಶ್ವನಾಥೆ ಅವ್ವೆತೋ ಅಬತಾರ ಸಾರ ಪುದರ್ ನಿಕ್ಕ್
ಅರ್ತಿ ಪಿರ್ತಿಡ್ ಪನುವೆ ಈ ಎನ್ನ ಗುರಿಕಾರೆ….

ಈ ಅತ್ತಾ0ದೆ ಏರುಲ್ಲೆರ್ ಎಂಕ್ಲೆನ ಉಂಡುರ್ದು ಪಿಂಡ ಬುಡ್ಪಿನ ಮುಟ್ಟ
ಪುದರ್ ಬರೆಯಿನಯೆಲಾ ಈಯೆ ಅಕೇರಿಗ್ ಉಸುಲು ಕೊನೊಪಿನಾಯೆಲಾ ಈಯೆ
ಕಾಯ ಪೋದು ಕಾಲೆ ಸೇರುನಿಲ ನಿನನೇ
ಈ ಕೊರ್ನ ಪುಣ್ಯದ ಗಂಟ್ ತುಂಬಿ ಮಾನಿಗ್ ಪೆರ್ಗದ ಸಾದಿ ತೋಜಾಲಾ ದೇಬೇರೆ……..

ಅಮರ್ ನಾಥ್ ಪೂಪಾಡಿಕಲ್ಲ್ ✍️
ತುಲುವೆರೆ ಕಲ ಕುಡ್ಲ