ಸಿರಿ ತುಳು ಚಾವಡಿ ಒಡಿಪುದ ಪಟ್ಟ ಏರಾವುನ ಲೇಸ್ ಬೊಕ್ಕ ಪೊಣ್ಣು ಪೊಂಜೊವುಲೆನ ಕೂಟ.

ತುಳುವ ಪರಪು ತುಳುವಪ್ಪೆ ಜಕ್ಕೆಲ್ ಡ್ದ್ ಜಗತ್ತ್ ದ ಅಂಗಣೊಗ್ ಪನ್ಪಿನ ಧ್ಯೇಯೋದ್ದೇಶ ದೀಯೊಂದ್ ಉಂಡಾಯಿನ ಒಡಿಪುದ ಸಿರಿತುಳುಚಾವಡಿದ ಸಂಸ್ಥೆದ ಪೊಸ ಗುರ್ಕಾರೆ ಬೊಕ್ಕ ಪದುಕೆರೆನಕ್ಲೆನ ಪಟ್ಟ ಏರಾವುನ ಲೇಸ್ ಬೊಕ್ಕ ಪೊಣ್ಣು ಪೊಂಜೊವುಲೆನ ಕೂಟ ಉಂದುವೇ ಬರ್ಪಿನ 8. ತಾರೀಕುದಾನಿ ಅಂಗಾರೆ ಪೊರ್ತು ಬಯ್ಯಗ್ 5 ಗಂಟೆಗ್ ಬ್ರಹ್ಮಗಿರಿಡುಪ್ಪುನ ಡಾ| ಗಣನಾಥ ಎಕ್ಕಾರ್ ಮೆರೆನ ಇಲ್ಲಡ್ ನಡಪರೆಗುಂಡ್.

ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಮಣಿಪಾಲ ವಿಶ್ವವಿದ್ಯಾಲಯದ ಆಪ್ತ ಸಂಯೋಜಕಿ ಶ್ರೀಮತಿ ಶಿಲ್ಪಾ ಜೋಶಿ,ಮಾನವ ಹಕ್ಕುಗಳ ಭಾರತೀಯ ಮಹಾಮೈತ್ರಿದ ಪಿರಾಕ್ ದ ಗುರ್ಕಾರ್ದಿ ಶ್ರೀಮತಿ ಪೂರ್ಣಿಮಾ ಶೆಟ್ಟಿ ಪಾಲ್ ಪಡೆಯರೆಗುಲ್ಲೆರ್.ಈ ಲೇಸ್ ಡ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಪದುಕೆರಾಯಿನ ಶ್ರೀಮತಿ ತಾರಾ ಆಚಾರ್ಯ ಮೆರೆಗ್ ಮಾನಾದಿಗೆ ನಡಪರೆಗುಂಡ್.

ಸಿರಿತುಳುವ ಚಾವಡಿದ ಗುರ್ಕಾರೆರಾಯಿನ ಕುದಿ ವಸಂತ ಶೆಟ್ಟಿ ಮೇರ್ ಗುರ್ಕಾರ್ಮೆಡಿಪ್ಪುವೆರ್.ನನ ದುಂಬುದ ಗುರ್ಕಾರೆರಾದ್ ಡಾ| ಗಣನಾಥ್ ಎಕ್ಕಾರ್ ಮೇರ್ ಗುರ್ಕಾರ್ಮೆದ ಪಟ್ಟ ಏರ್ರೆಗುಲ್ಲೆರ್.ಗೇನದ ಗುರು ಡಾ| ನಿಕೇತನ ,ಸಿರಿ ತುಳುಚಾವಡಿದ ಮಾನಾದಿಗೆದ ಗುರಗಕಾರೆರಾಯಿನ ಡಾ.ವೈ.ಎನ್.ಶೆಟ್ಟಿ, ಗೈಯ್ಮೆದ ಗುರ್ಕಾರೆ ರಾಯಿನ ಈಶ್ವರ್ ಶೆಟ್ಟಿ ಚಿಟ್ಪಾಡಿ ಮಿತ್ತರ್ಮೆಡಿಪ್ಪುವೆರ್.ಪಂಡುದ್ ಸಂಘಟಕೆರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.