ಸಿರಿತುಪ್ಪೆ ಬಾಬು ಅಮೀನ್ 80

ಡಿ
ಉಡುಪಿ: ಹಿರಿಯ ಜಾನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನೆರೆನ 80 ವರ್ಷದ ಸಂಭ್ರಮ ‘ಸಿರಿತುಪ್ಪೆ’ ಸಮಾರಂಭನ್ ಡಿ.17ತಾರುಕುಗ್ ಬನ್ನಂಜೆ ನಾರಾಯಣಗುರು ಆಡಿಟೋರಿಯಂಡ್ ಆಯೋಜನೆ ಮಲ್ದುಂಡ್ ಪಂಡುದ್ ಬಾಬು ಅಮೀನ್ 80 ಅಭಿನಂದನಾ ಸಮಿತಿದ ಅಧ್ಯಕ್ಷೆರಾಯಿನ ಇಂದ್ರಾಳಿ ಜಯಕರ ಶೆಟ್ಟಿ ತೆರಿಪಾದೆರ್ .
ಉಡುಪಿಡ್ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರು, ಕಾಂಡೆ 8.45ಡ್ದ್ ಗುರು ಪ್ರಾರ್ಥನೆದೊಟ್ಟುಗ್ ಕಾರ್ಯಕ್ರಮ ಆರಂಭ ಆಪುಂಡ್.. ಹಿದಾಯತುಲ್ಲ ಸಾಹೇಬ್ ಎರ್ಮಾಳು ಅರೆನ ನಾಗಸ್ವರ ವಾದನ, ರವಿಕುಮಾರ್ ಕಪ್ಪೆಟ್ಟು ಮೆರೆನ ಡೋಲು ವಾದನ, ಏಡ್ಮೇರಿನ ಬೊಗ್ಗು ಪರವರೆಡ್ದ್ ತುಳು ಪಾಡ್ದನಡ್ ಬೊಕ್ಕ ಕಾಂಡೆ 10 ಗಂಟೆಗ್ ಶ್ಯಾಮಿಲಿ ಸಮೂಹ ಸಂಸ್ಥೆದ ಪ್ರವರ್ತಕ ಜಿ.ಶಂಕರ್ ಕಾರ್ಯಕ್ರಮನ್ ಉದಿಪನ ಮಲ್ಪರೆಗುಲ್ಲೆರ್ .
ಹಿರಿಯ ಸಾಹಿತಿ ರೋಹಿಣಿ ಬಿ.ಎಂ. ಬನ್ನಂಜೆ ಮೆರೆನ‘ತುಳುನಾಡ ಸುತ್ತ ಮುತ್ತ’ ಬೊಕ್ಕ ‘ಗರೋಡಿ ಒಂದು ಚಿಂತನೆ’ ಪುಸ್ತಕ ಬಿಡುಗಡೆಯಾಪುಂಡ್.. ಕಾಂಡೆ 10.30ಗ್ ಬನ್ನಂಜೆ ಮೆರೆನ ಸಮಗ್ರ ಸಾಹಿತ್ಯ ಬೊಕ್ಕ ಜನಪದ ಆಚರಣೆ ಸಂಕಥನಲೆನ ಬಗ್ಗೆ ವಿಚಾರಗೋಷ್ಠಿ ಬೊಕ್ಕ ಮಧ್ಯಾಹ್ನ 1.30ಗ್ ಮುದ್ದು ಮೂಡುಬೆಳ್ಳೆ ಅಧ್ಯಕ್ಷತೆಡ್ ಆರಾಧನಗೋಷ್ಠಿ ನಡಪರೆಗುಂಡ್. ಮಧ್ಯಾಹ್ನ 3 ಗಂಟೆಗ್ ಪ್ರೊ.ಚಿನ್ನಪ್ಪ ಗೌಡ ಅಧ್ಯಕ್ಷತೆಡ್ ಅಭಿನಂದನಾ ಕಾರ್ಯಕ್ರಮ ನಡಪರೆಗುಂಡ್, ಹಿರಿಯ ಪತ್ರಕರ್ತ ದಿನೇಶ್ ಅಮೀನ್ ಮಟ್ಟು ಅಭಿನಂದನಾ ಭಾಷಣ ಮಲ್ಪರೆಗುಲ್ಲೆರ್. ಕುದ್ರೋಳಿ ದೇವಳದ ಕೋಶಾಧಿಕಾರಿ ಪದ್ಮರಾಜ್ ಆರ್. ‘ಸಿರಿ ಕುರಲ್’ ಅಭಿನಂದನಾ ಗ್ರಂಥನ್ ಲೋಕಾರ್ಪಣೆ ಮಲ್ಪರೆಗುಲ್ಲೆರ್ .ಈ ಪೊರ್ತುಗ್ ಬಾಕಿದ ಸಂಘ ಸಂಸ್ಥೆಲೆನ ಬೊಕ್ಕ ಹಿತೈಷಿಲೆನ ಅಭಿನಂದನೆಗ್ ಅವಕಾಶ ಕಲ್ಪಿಸಾದುಂಡ್ ಪಂಡುದು ಮಾಹಿತಿ ಕೊರಿಯೆರು.
ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ಕಾಂಡೆ 11.45 ಗ್ ಪಟ್ಲ ಸತೀಶ್ ಶೆಟ್ಟಿ ನೇತೃತ್ವಡ್ ಪ್ರಬುದ್ದ ಕಲಾವಿದೆರೆಡ್ದ್ ಸುದರ್ಶನ ವಿಜಯ ಪನ್ಪಿನ ಯಕ್ಷಗಾನ ಬೊಕ್ಕ ಮಧ್ಯಾಹ್ನ 2.45ಗ್ ಬನ್ನಂಜೆ ರೆನಜೀವನಗಾಥೆನ್ ಬಿಂಬಿಸಾವುನ ಸಾಕ್ಷ್ಯಚಿತ್ರ ಪ್ರದರ್ಶನ ಆವರೆಗುಂಡ್ ಪಂಡುದು ತೆರಿಪಾಯೆರು.
ಸುದ್ದಿಗೋಷ್ಠಿಡ್ ಸಮಿತಿ ಕಾರ್ಯಾಧ್ಯಕ್ಷ ರಘುನಾಥ ಮಾಬಿಯಾನ್, ಕಾರ್ಯದರ್ಶಿ ಪಾಂಡು ಕೋಟ್ಯಾನ್, ಸಂಚಾಲಕ ಭಾಸ್ಕರ್ ಸುವರ್ಣ ಕನ್ನರ್ಪಾಡಿ, ಮಹೇಶ್ ಸುವರ್ಣ, ದಯಾನಂದ ಕರ್ಕೇರ ಉಪಸ್ಥಿತರಿತ್ತೆರು.