ರಾಷ್ಟ್ರಮಟ್ಟಡ್ ಬೆಳಗುಂಡ್ ಒಡಿಪು ದ “ಸ್ಮರಣಿಕಾ”

ಇನಿ ಒಡಿಪು ಪೇಜಾವರಶ್ರೀಕುಲ್ ತನ್ನ ಗುರುಕುಲೆನ ಪದ್ಮವಿಭೂಷಣ ಪ್ರಶಸ್ತಿ ದೆತೊನರೆಗ್ ದೆಹಲಿಗ್ ಪೋಯಿನ ಪೊರ್ತುಡ್ ಪ್ರಧಾನಿ ನರೇಂದ್ರ ಮೋದಿಗ್ ಕೆಲವೊಂಜಿ ಬಿನ್ನಾಪುಲೆನ್ ಕೊರ್ದಿತ್ತೆರ್.ಆ ಬಿನ್ನಾಪುಲೆಡ್ ವಿಶೇಷವಾದ್ ತುಳಬಾಸೆನ್ 8‌ನೇ ಪರಿಚ್ಛೇದೊಗ್ ಸೇರ್ಪಾವುನವ್ವ್..ಅಂಚೆನೇ ತುಳು ಲಿಪಿಟ್ ಪುದರ್ ಬರೆಯಿನ ಬೋರ್ಡ್ ಲಾ ಕೊರ್ದಿತ್ತೆರ್.ವಿಶೇಷ ಪಂಡ 3‌ಬಾಸೆದ ಲಿಪಿನ್ ಗಲಸುದ್ ಮೋದಿನ ಪುದರ್ ಬರೆತಿನ ಆ ಬೋರ್ಡ್ ನ್ ಅಚ್ಚಿ ಮಲ್ದಿನ ಪೆರ್ಮೆ ಉಡುಪಿದ ಬಾರೀ ಪುಗಾರ್ತೆದ ಸಂಸ್ಥೆ ಆಯಿನ “ಸ್ಮರಣಿಕಾ” ಸಂಸ್ಥೆಗ್ ಸಂದುಂಡ್.

ಬಾರೀ ಪೊರ್ಲುಡ್ ಅಚ್ಚಿ ಮಲ್ತುದ್ ರಾಷ್ಟ್ರಮಟ್ಟಡ್ ತನ್ನ ಸಂಸ್ಥೆಗ್ ಮೆಚ್ಚುಗೆ ಪಡೆದುಂಡ್ ಒಡಿಪುದ ಸ್ಮರಣಿಕಾ ಸಂಸ್ಥೆ.ಈ ಸಂಸ್ಥೆದ ಮಾಲಕೆರಾಯಿನ ದಿವಾಕರ್ ಸನಿಲ್ ಮೇರು ಒಡಿಪು ತುಳುಕೂಟದ ಸಕ್ರಿಯ ಸದಸ್ಯೆರಾದ್ ಸಂಚಾಲಕೆರಾದ್ ತುಳುಬಾಸೆದ ಬುಲೆಚ್ಚಿಲ್ ಗ್ ವಿಶೇಷ ಕೊಡುಗೆ ಕೊರ್ತಿನಾರ್.ಮೆರೆನ ಸಂಸ್ಥೆದ ಮುಖೇನ ಪ್ರಧಾನಿ ಮೋದಿಗ್ ಮುಟ್ಟಿನ ತುಳುಬಾಸೆದ ಬೋರ್ಡ್ ತುಳುಬಾಸೆಗ್ ಮಾನಾದಿಗೆ ತಿಕ್ಕರೆಗ್ ಒಂಜಿ ಎಡ್ಡೆ ಸಾದಿ ಆವಡ್ ಪಂಡುದ್ ಬಯಕುಗ.