ಉಡುಪಿ ಸ್ಮರಣಿಕಾ ಸಂಸ್ಥೆದ 30 ನೇ ವರ್ಷದ ಆಚರಣೆ..

ಕರಿನ 30 ವರ್ಷದ ಪಿರಾವುಡ್ ತನ್ನ ಎಲ್ಯ ಕೊಠಡಿಡ್ ಸ್ಥಾಪನೆ ಆಯಿನ ಉಡುಪಿದ ಸ್ಮರಣಿಕಾ ಸಂಸ್ಥೆ ಇನಿ ಬ್ರಹತ್ ಕೊಠಡಿದ ಮುಖೇನ ,ಉಡುಪಿ ಜಿಲ್ಲೆದ ಪ್ರತೀ ಇಲ್ಲಡ್ ತನ್ನ ಸಂಸ್ಥೆದ ಸ್ಮರಣಿಕೆದ ಪುಗಾರ್ತೆನ್ ಪಡೆದುಂಡ್..ಈ ಸಂಸ್ಥೆದ ಪ್ರವರ್ತಕೆರಾಯಿನ ಶ್ರೀ ದಿವಾಕರ್ ಸನಿಲ್ ಮೇರು ವ್ಯವಹಾರದ ಒಟ್ಟುಗ್ ಸಾಮಾಜಿಕ ಸೇವೆಡ್ ತೊಡಗಿಸಾವೊಂದ್ ಹ್ರದಯಶ್ರೀಮಂತಿಕೆನ್ ಮೆರೆದೆರ್ ಪಂಡುದು ಪ್ರಸಾದ್ ನೇತ್ರಾಲಯದ ಪ್ರವರ್ತಕೆರಾಯಿನ ಡಾ.ಕ್ರಷ್ಣಪ್ರಸಾದ್ ಪಂಡೆರ್.ಆರು ಅಗಸ್ಟ್ 15 ತಾರೀಕುದಾನಿ ಉಡುಪಿದ ಸಿಟಿಬಸ್ಟ್ಯಾಂಡ್ ಕೈತಲುಡುಪ್ಪುನ ಸ್ಮರಣಿಕಾ ಸಂಸ್ಥೆದ 30 ನೇ ವರ್ಷದ ಸಂಭ್ರಮದ ಪ್ರಯುಕ್ತ ಆಯೋಜನೆ ಮಲ್ದಿನ ಗಿಫ್ಟ್ ವಸ್ತುಲೆನ ಮಾರಾಟ ಬೊಕ್ಕ ಪ್ರದರ್ಶನನ್ ತುಡರ್ ಅರ್ಲಾದ್ ಉದಿಪನ ಮಲ್ತುದ್ ಸಂಸ್ಥೆಗ್ ಎಡ್ಡೆಪ್ಪು ಬಯಕಿಯೆರ್.
ಈ ಸಂದರ್ಭಡ್ ಮುಖ್ಯ ಅತಿಥಿಯಾದಿತ್ತಿನ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿದ ಪ್ರವರ್ತಕೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ 2023 ತ್ತ ಪೊಸ ಡೈರಿನ್ ಬುಡುಗಡೆ ಮಲ್ತುದ್, ಸಾಮಾಜಿಕ ಕಳಕಳಿದ ಒಟ್ಟುಡ್ ಉದ್ಯಮನ್ ಪ್ರಗತಿಪಥೊಟ್ ಕೊನೊವೊಂದುಪ್ಪುನ ಈ ಸಂಸ್ಥೆ ನನಲಾತ್ ಎತ್ತರೊಗ್ ಬುಲೆಯೊಡ್ ಪಂಡುದ್ ಎಡ್ಡೆಪ್ಪು ಬಯಕಿಯೆರ್.
ಈ ಸಂದರ್ಭಡ್ ದೇಶದ ಅಮ್ರತಮಹೋತ್ಸವದ ಪ್ರಯುಕ್ತ ನಿವ್ರತ್ತ ಯೋಧೆರಾಯಿನ ಶ್ರೀ ಸುಭಾಷ್ ಭಂಡಾರಿ ಬೈಲೂರು ಮೆರೆಗ್ ಸಂಸ್ಥೆದ ವತಿಡ್ದ್ ಮಾನಾದಿಗೆ ಮಲ್ತೆರ್.
ಕಾರ್ಯಕ್ರಮಡ್ ನೈನಾ ಫಾನ್ಸಿ ಉಡುಪಿದ ಮುಖ್ಯಸ್ಥೆರಾಯಿನ ಮೊಹಮ್ಮದ್ ಮೌಲಾ,ಬಿಲ್ಲವ ಯುವವೇದಿಕೆದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಪ್ರವೀಣ್ ಪೂಜಾರಿ,ವಿ.ಕೆ.ರೆಸಿಡೆನ್ಸಿ ದ ಪಾಲುದಾರೆರಾಯಿನ ನಾಗಭೂಷಣ್ ಶೇಟ್,ಹಂಸ ಚೈತನ್ಯ ಸಂಸ್ಥೆ & ಚತುರ್ಥಿ ಗ್ರೂಪ್ ದ ಪ್ರವರ್ತಕೆರಾಯಿನ ಸುದೇಶ್ ನಾಯಕ್,ಉಡುಪಿ ಜಿಲ್ಲಾ ವರ್ತಕರ ಹಿತರಕ್ಷಣಾ ವೇದಿಕೆದ ಸ್ಥಾಪಕಾಧ್ತಕ್ಷೆರಾಯಿನ ಡಾಲ್ಫಿ ವಿಕ್ಟರ್ ಲೂಯಿಸ್, ಶ್ರೀಮತಿ ಆಶಾ ದಿವಾಕರ್ ಸನಿಲ್,ಕು.ಆಶಿಕಾ ಸನಿಲ್,ಮಾ.ಆದಿತ್ಯ ಸನಿಲ್,ಉಪಸ್ಥಿತರಿತ್ತೆರ್.ಸಂಸ್ಥೆದ ಪ್ರವರ್ತಕೆರಾಯಿನ ಶ್ರೀ ದಿವಾಕರ್ ಸನಿಲ್ ಮೇರ್ ಸ್ವಾಗತ ಪ್ರಸ್ತಾವನೆಜನನ ಮಲ್ತುದ್, ಯಶೋದ ಕೇಶವ್ ನಿರೂಪಣೆ ಮಲ್ತೆರ್.