ಸ್ವಿಗ್ಗಿ ಸಂಸ್ಥೆಡ್ದ್ ಕಾರ್ಮಿಕೆರೆಗ್ ಬತ್ತಿನ ತೊಂದರೆಗ್ ಸ್ಪಂದಿಸಾಯಿನ ತುರವೇ.

ತಾರೀಕು 27-07-2022 ದಾನಿ ಉಡುಪಿ ಬೊಕ್ಕ ಮಣಿಪಾಲ್ ಝೋನ್ ನ ಡೆಲಿವೆರಿ ಬಾಯ್ಸ್ (ತುಳುನಾಡಿನ ಕಾರ್ಮಿಕರು) ಸುಮಾರು ವರ್ಷೊಡಿಂಚಿ ಕೆಲಸಮಲ್ತೊಂದ್ ಬರೊಂದಿತ್ತುದ್ ಸ್ವಿಗ್ಗಿ (SWIGGY) ಸಂಸ್ಥೆಡ್ದ್ ನಮಗೆ ಮಸ್ತ್ ಸಮಸ್ಯೆಲು ಆವೊಂದುಂಡ್. ಆ ನಿಟ್ಟುಡ್ ನಮ್ಮ ಸಮಸ್ಯೆಲೆನ್ ಪರಿಹಾರ ಮಲ್ಪುನ ನಿಟ್ಟುಡ್ ನಮ್ಮ ಬೇಡಿಕೆಲೆನ್ ಕರಿನ ಸರ್ತಿ ಕೊರ್ದಿತ್ತುದ್ ಈ ಸರ್ತಿಲಾ ಎಂಕ್ಲೆನ ಸುಮಾರು 12‌ ಬೇಡಿಕೆಲೆನ್ ಈಡೇರಿಸಾದ್ ಕೊರೊಡ್ ಪಂಡುದ್ ತುಳುನಾಡ ರಕ್ಷಣಾ ವೇದಿಕೆದ ಜಿಲ್ಲಾಧ್ಯಕ್ಷೆರಾಯಿನ ರೋಹಿತ್ ಕರಂಬಳ್ಳಿ ಮೆರೆಗ್ ಮನವಿನ್ ಕೊರಿಯೆರ್. ಮನವಿನ್ ಸ್ವಿಕಾರ ಮಲ್ತಿನ ತುಳುನಾಡ ರಕ್ಷಣಾ ವೇದಿಕೆದ ಜಿಲ್ಲಾಧ್ಯಕ್ಷೆರು ಮೊಕ್ಲೆನ ಕರಿನ ವರ್ಷದ ಬೇಡಿಕೆನ್ ಸ್ವಿಗ್ಗಿ(SWIGGY) ಸಂಸ್ಥೆದ ಆನಿದ ವ್ಯವಸ್ಥಾಪಕೆರಾಯಿನ ಸಚಿನ್ ಮೆರೆನ್ ಲೆತ್ತುದ್ ಪಾತೆರ್ದ್ ಸುಮಾರು 19 ಬೇಡಿಕೆಡ್ 18 ಬೇಡಿಕೆನ್ ಬಗೆಹರಿಸಾದ್ ಕಾರ್ಮಿಕೆರೆಗ್ ಪ್ರಾಮಾಣಿಕ ನ್ಯಾಯ ಕೊರ್ಪಾವರೆಗ್ ಯಶಸ್ವಿ ತೋಜಾದೆರ್. ಅಂಚೆನೇ ಈ ಸರ್ತಿಲಾ ನಮ್ಮ ತುಳುನಾಡ ರಕ್ಷಣಾ ವೇದಿಕೆದ ಸ್ಥಾಪಕಾಧ್ಯಕ್ಷೆರಾಯಿನ ಯೋಗಿಶ್ ಶೆಟ್ಟಿ ಜಪ್ಪು ಮೇರ್ 13 ವರುಷೊಡಿಂಚಿ ಸಾಮಾಜಿಕ ಪೊರಂಬಾಟ ಮಲ್ತುದ್ ಪ್ರಾಮಾಣಿಕವಾದ್ ನ್ಯಾಯ ದೊರಕಿಸಾದ್ ಕೊರ್ತೆರ್. ಅಕ್ಲೆನೊಟ್ಟುಗ್ ಚರ್ಚೆ ಮಲ್ತುದ್ ಬೇಡಿಕೆನ್ ಬಗೆಹರಿಸಾದ್ ಕೊರ್ಪಿನ ವಿಶ್ವಾಸ ಕೊರಿಯೆರ್ .

ಈ ಸಂದರ್ಭಡ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಜರುದ್ಧೀನ್ ಸುಬ್ರಹ್ಮಣ್ಯನಗರ, ಸಂಘಟನಾ ಕಾರ್ಯದರ್ಶಿ ಮೊಹಮ್ಮದ್ ಹಾರಿಸ್, ಜೊತೆ ಕಾರ್ಯದರ್ಶಿ ಡ್ಯಾನಿ, ಗಣೇಶ್ ರಾವ್ ಉಪಸ್ಥಿತರಿತ್ತೆರ್.