ಪುಷ್ಕರಣೆ ಸ್ವಚ್ಛತೆ

ಮಾನ್ಯೊಟ್ಟು: ಪ್ರಾಚ್ಯ: ತೌಳವ ಕರ್ಣಾಟ ತರೆ ಬರವುದಡಿಟ್ ಪುಷ್ಕರಣಿ ಸ್ವಚ್ಛತಾ ಕಜ್ಜೊ.

ಶ್ರೀನಿಕೇತನ ವಸ್ತುಸಂಗ್ರಹಾಲಯ & ಕೆಳದಿ ರಾಣಿ ಚೆನ್ನಮ್ಮಾಜಿ ಅಧ್ಯಯನ ಪೀಠ-ಕುಕ್ಕೆ ಸುಬ್ರಹ್ಮಣ್ಯ, ಪ್ರಾಚ್ಯಸಂಚಯ ಸಂಶೋಧನ ಕೇಂದ್ರ-ಒಡಿಪು ಬೊಕ್ಕ ಉಡುಪಿಗೆ ಬನ್ನಿ-ಯೂಟ್ಯೂಬ್ ಚಾನೆಲ್ ಮೊಕ್ಲ ಒತ್ತೈತೊಡ್ ಪ್ರಾಚ್ಯ: ತೌಳವ ಕರ್ಣಾಟ ಪನ್ಪಿ ತರೆ ಬರವುದಡಿಟ್ ಶಿರ್ವೊದ ಮಾನ್ಯೊಟ್ಟು ಪನ್ಪಿ ಜಾಗೆಡ್ ಉಪ್ಪುನ ಪಿರಾಕ್ದ ಪುಷ್ಕರಣಿ (ದೇವೆರೆ ಕೆದು)ನ್ ನಿರ್ಮಲ ಮಲ್ಪುನ ಕಜ್ಜೊ 06-10-2024 ದ ದಿನೊತಾನಿ ನಡತ್ಂಡ್.

ಈ ಕಜ್ಜೊದ ಉದಿಪನೊನ್ ಪುಷ್ಕರಣಿ ಉಪ್ಪುನ ಜಾಗೆದ ಗುರ್ಕಾರೆ ಆಯಿನ ಶ್ರೀ ಬಾಲಕೃಷ್ಣ ಉಪಾಧ್ಯಾಯ ಮೇರ್ನ ನೇತೃತ್ವೊಡ್ ಸಮಾಜೊ ಸೇವಕೆರ್ ಆಯಿನ ಶ್ರೀ ವಿಶ್ವನಾಥ್ ಶೆಣೈ ಮೇರ್ ನಡಪುಡುಕೊರಿಯೆರ್. ಈ ಕಜ್ಜೊದ ಮುಖ್ಯ ಸಂಯೋಜಕೇರಾಯಿನ ಶ್ರೀನಿಕೇತನ ವಸ್ತುಸಂಗ್ರಹಾಲಯ & ಕೆಳದಿ ರಾಣಿ ಚೆನ್ನಮ್ಮಾಜಿ ಅಧ್ಯಯನ ಪೀಠ-ಕುಕ್ಕೆ ಸುಬ್ರಹ್ಮಣ್ಯ ನೆತ್ತ ಉಪನಿರ್ದೇಶಕರಾಯಿನ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಮೇರ್ನ ಒಟ್ಟು ಸಹ ಸಂಯೋಜಕೇರಾಯಿನ ಪ್ರಾಚ್ಯಸಂಚಯ ಸಂಶೋಧನ ಕೇಂದ್ರ-ಒಡಿಪು ನೆತ್ತ ಅಧ್ಯಯನ ನಿರ್ದೇಶಕರಾಯಿನ ಪ್ರೊ. ಎಸ್.ಎ ಕೃಷ್ಣಯ್ಯ ಬೊಕ್ಕ ಉಡುಪಿಗೆ ಬನ್ನಿ-ಯೂಟ್ಯೂಬ್ ಚಾನೆಲ್ ನೆತ್ತ ಸ್ಥಾಪಕೆರಾಯಿನ ಡಾ. ಗಣೇಶ್ ಪ್ರಸಾದ್ ಜಿ. ನಾಯಕ್ ಇತ್ತೆರ್.

ಪರಿತಿರಿನ್ ಓರಿಪಾವುನ ಕಜ್ಜೊಲು ನನಾತ್ ನಡಪೊಡು ಬೊಕ್ಕ ಪ್ರಾಚ್ಯ: ತೌಳವ ಕರ್ಣಾಟದ‌ ಇಂಚಿನ ಅಭಿಯಾನೊಲೆಗ್ ಮಾತೆರ್ಲ ಬೆರಿಸಾಯೋ ಕೊರೊಡು ಪಂದ್ ಕ್ರೆಡಿಟ್ ಕೊ- ಆಪರೇಟಿವ್ ಬ್ಯಾಂಕ್-ಒಡಿಪುದ ವ್ಯವಸ್ಥಾಪಕರಾಯಿನ ಶ್ರೀ ಉಮೇಶ್ ಆಚಾರ್ಯ ಮೇರ್ ಪನ್ಡೆರ್.

ಪುಷ್ಕರಣಿನ್ ಓರಿಪಾವುನ ಒಟ್ಟುಗು ಪಸಂದ್ರೊನ್ಲಾ ಜಾಗೃತೆ ಮಲ್ತೊನೋಡ್ ಬೊಕ್ಕ ಪ್ರಾಚ್ಯ: ತೌಳವ ಕರ್ಣಾಟ ನೆತ್ತ ಉದ್ದೇಶ, ನನದ ಯೋಜನೆಲೆನ ಬಗ್ಗೆ ಪ್ರೊ.‌ ಎಸ್.ಎ ಕೃಷ್ಣಯ್ಯ ಮೇರ್ ಪೋಲಬು ಕೊರಿಯೆರ್.

ಮಾನ್ಯೊಟ್ಟು ಜಾಗೆಡ್ ಉಪ್ಪುನ ಈ ಪುಷ್ಕರಣಿ (ದೇವೆರೆ ಕೆದು) ಶಿರ್ವ ಗ್ರಾಮೊಡೇ ಪಿರಾಕ್ದ, ಅಂಚನೆ ಸುಮಾರ್ 13-14 ನೆ ಶತಮಾನೊಗು ಸೇರುಂಡ್ ಪಂದ್ ಅಧ್ಯಯನೊರ್ದ್ ತೋಜಿದ್ ಬೈದ್ಂಡ್. ಈ ಪುಷ್ಕರಣಿ ಒರಿಪಾವುನ ಕಜ್ಜೊ ಊರುದಕುಲ್, ಪರಿತಿರಿದ ಕಲ್ಪಾದಿ ಕಲ್ಪಾರ್ಥಿಲು, ಪರಿತಿರಿದ ಆಸಕ್ತೆರ್, ಸಂಘಟನೆದಕ್ಲ ಬೆರಿಸಾಯೋಡ್ ನಡತಂಡ್. ಅಂಚನೇ ಮಲ್ಪನೇ ಉಪ್ಪುನ 14ನೆ ಶತಮಾನೊದ ಅಪರಿಪೂರ್ಣ ಶಾಸನ ಕಲ್ ದ ಜಾಗೃತೆ ಮಲ್ಪುನ ಕಜ್ಜೊಲ ನಡತ್ಂಡ್.

ಕಜ್ಜೊದ ನಿರೂಪಣೆನ್ ಕು. ಆರ್. ಶ್ರಾವ್ಯಾ ಮೇರ್ ನಡಪುಡು ಕೊರಿಯೆರ್.