ಪಿಜಿನ್ ದ ಬಾಸೆ ನಿಗಲೆಗ್ ತೆರಿಯುಂಡಾ..

ಸಾಹಿತಿ,ಶಿಕ್ಷಕಿ,ವಾಸಂತಿ ಅಂಬಲಪಾಡಿ ಮೇರ್ ಬರೆತಿನ “ಪಿಜಿನ್ ದ ಬಾಸೆ ನಿಕಲೆಗ್ ತೆರಿಯುಂಡ” ತುಲು ಕಬಿತೆದ ಗೊಂಚಿಲ್ ಬುಡುಗಡೆ ಕಜ್ಜೊ ಮೇ.3 ತಾರೀಕುದಾನಿ ಶ್ರೀ ಜನಾರ್ದನ ಮಹಾಕಾಳಿ ದೇವಸ್ಥಾನ ಅಂಬಲಪಾಡಿದ ಭವಾನಿ ಮಂಟಪಡ್ ನಡಪರೆಗುಂಡ್.ದೇವಳದ ಧರ್ಮದರ್ಶಿ ಡಾ.ನಿ.ಬೀ.ವಿಜಯ ಬಲ್ಲಾಳ್ ಬೂಕು ಬುಡುಗಡೆ ಮಲ್ಪರೆಗುಲ್ಲೆರ್.ಖ್ಯಾತ ವಿಮರ್ಶೆಕೆರ್,ಸಾಹಿತಿ,ಚಿಂತಕೆರಾಯಿನ ಪ್ರೊ.ಮುರಳೀಧರ ಉಪಾಧ್ಯ ಹಿರಿಯಡಕ ಮೇರ್ ಬೂಕುದ ಪರಿಚಯ ಮಲ್ಪುವೆರ್.ಉಡುಪಿ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಕಜ್ಜೊದ ಗುರ್ಕಾರ್ಮೆಡಿಪ್ಪುವೆರ್.ವೇದಿಕೆಡ್ ಸೈಂಟ್ ಸಿಸಿಲಿದ ಪ್ರಾಂಶುಪಾಲೆರಾಯಿನ ಸಿಸ್ಟರ್ ರಚನಾ ಎ.ಸಿ., ಮುಂಬಯಿದ ಶಿಕ್ಷಕೆರಾಯಿನ ಶ್ರೀಮತಿ ಹರಿಣಾಕ್ಷಿ ಲಲಿತ್ ರಾಜ್ ಸುವರ್ಣ ಉಪಸ್ಥಿತರಿಪ್ಪುವೆರ್.ಬೂಕು ಬುಡುಗಡೆ ಲೇಸ್ ಡ್ ದುಂಬು 2.30 ಗಂಟೆಗ್ ಕವಿಗೋಷ್ಠಿ ನಡಪರೆಗುಂಡ್..