ತುಲು ಗಝಲ್

ತುಲು ಗಝಲ್

ಪರ್ಬೊದ ದಿನೊಟ್ಟು ಅಪ್ಪೆ ಇಲ್ಲಡೆ ಒರ
ಪೋದು ಬಿರೆವನ ಮಗಳೇ
ಗರ್ಬೊಡು ಸಾಂಕಿನ ದೇವೆರ್ ಪಂದೊರ
ತೂದು ತೆರಿವನ ಮಗಳೇ

ಮೋಕೆಗ್ ಬಿಲೆ ಕಟ್ಯರೆ ಪೋಪುನ ತಪ್ಪು
ಏಪೊಲ ನೆಂಪು ದೀವೊಡತಾ
ಜೋಕೆದ ಪಾತೆರೊ ಕೇನೊಂದು ನಿಚ್ಚೊ
ಒಪ್ಪ ಕರಿವನ ಮಗಳೇ

ಭೂಮಿಡ್ ಅವ್ವೇತೋ ಇಸಯ ಉಂಡು
ನಮಕ್ಕ್ ನನಲ ತೆರಿಯಂದಿನ
ಸ್ವಾಮಿ ಉಲ್ಲಾಯನ ಪೂಜೆಗ್ ಪುರ್ಪೊ
ಕನತ್ ತುರಿವನ ಮಗಳೇ

ತುಡರ್ ಅರ್ಲಾದ್ ಬೊಳಿಕೆ ತೂವೊನು
ಬದ್ಕ್ ಇರ್ಲಾವಂದ್ ಬಾಲೆ
ಪಡೆಯಿನ ಸುಖ ಕಸ್ಟೊನು ಪಟ್ಟ್‌ದ್ ಬುಡ್ಲ
ಊರುಗು ಬರುವನ ಮಗಳೇ

ಮಲ್ಲಿಗೆ ಪೂತಲೆಕ್ಕ ಕಮ್ಮೆನ ಬರೊಡಾಂಡ
ಅರ್ಲೊಡು ಅತಾ ಉಮೇಶ
ಜಲ್ಲಿನ್ ಪಾಡೊಂದು ಪೋಪಿನ ದಿನೊಟ್ಟು
ಐಸಿರೊಡು ಮೆರೆವನ ಮಗಳೇ

🖊️ಉಮೇಶ್ ಶಿರಿಯ
ತುಲುವೆರೆ ಕಲ