ತುಲು ದೇಶ ಭಕ್ತಿ ಕಬಿತೆ..

ತುಲು ದೇಶ ಭಕ್ತಿ ಕಬಿತೆ

🇮🇳🇮🇳ವಂದೆ ಭಾರತ🇮🇳🇮🇳

ಕಡ್ಪೀಲ್ ಕಪ್ಪುಡ್ ಒರೆಂಕ್‌ದ್
ಬೆಚ್ಚ ನೆತ್ತ್‌ರ್‌ನೆ ಅರಿಪಾದ್
ಜಾತಿ ಧರ್ಮೊನೆ ಬರಿಕೊಂದಾದ
ತನ್ನಕ್ಲೆನ್ ಬಲಿಕೊರ್ದ್ ತನ್ನಾಲ್ಮೆಗಾದ್
ಅರ್ಲ್ಂಡ್ ಭಾರತ ನಮಕಾದ್

ಕೇಸರಿ ತ್ಯಾಗೋನ್ ಪಟ್ಟೊಂದ್
ಬೊಲ್ದ್‌ದ ಶಾಂತಿನ್ ಕಾತೊಂದ್
ಪಚ್ಚೆ ಪಜಿರ್‌ದ ಐಸಿರ ಜಿಂಜೊಂದ್
ಧರ್ಮೊದ ಚಕ್ರನೆ ನಡುಟೆ ತಿರ್ಗೊಂದ್
ರಾವೊಂದುಂಡ್ ಭಾರತ ಬಾವುಟ ನಮಕಾದ್

ನೂದ್ ಏಸಗ್ ಒಂಜೆ ಉಸುಲಾದ್
ಸಾರ ಭಾಸೆಲೆಗ್ ಒಂಜಿ ಸೆರಂಗಾದ್
ಪಗೆಮಾನಿಗ್ ಪೋಡಿಗೆದ ಕನ ಆದ್
ಸಂಸ್ಕೃತಿದ ಐಸಿರದ ಮಾಮಲ್ಲ ಬೂಡಾದ್
ಮೆರೆಯೊಂದುಂಡ್ ಭಾರತ ನಾಲೊರ್ಮೆ ನಮಕಾದ್

ತಿಕ್ಕಿನ ಸ್ವತಂತ್ರಗ್ ಅಡ್ಡ ಬುರೊಂದ್
ತೆಕ್ಕಿನ ದೇಶಭಕ್ತಿನ್ ಕುಡ ಪೊತ್ತಾವೊಂದ್
ನನೊಂಜಿ ಜನ್ಮಲ ಮೂಲೆ ಆವೊಡುಂದ್
ಪತ್ತಪ್ಪೆ ಜೋಕುಲ್ ಪೂರಾ ಒಂಜಾವೊಂದ್
ವಂದೆ ಭಾರತ ಪನ್ಕ ಮೋಕೆಡ್ ಎನ್ನೊಂದ್

✍️ರಕ್ಷಿತ್. ಬಿ.ಕರ್ಕೇರ
ಪದವಿನಂಗಡಿ
ತುಲುವೆರೆ ಕಲ