ಐನೆಸಲ್ (ಲಿಮೆರಿಕ್) ಕಬಿತೆ

ಬಿರ್ದ್ ದಾಯೆ?
~~~~
‘ಕಾಸ್ದಾಯೆ’ ಪನ್ಪಿಂಚಿ ಬಿರ್ದ್ ದಾಯೆಗ್ ಬೋಡು
ಬರ್ಸ ಬನ್ನಗ ಒರ ದಿಂಜಿದ್ ಪರಿಪುಂಡು ತೋಡು
‘ಲಕ್ಷ್ಮಿ ಚಂಚಲೆ’ ಪನ್ಪಿ ಪಾತೆರೊ ಸತ್ಯವಾಯಿನ
ಏರೆಗ್ ಗೊತ್ತು ಎಲ್ಲೆದ ಪರಿಸ್ಥಿತಿ ಎಂಚಿನ
ಇತ್ತಿನಾತ್ ದಿನ ತೆಲಿ ಪರ್ದ್ ಎಡ್ಡೆಡೇ ಬದುಕೊಡು.

ನಲಿಕೆ!
~
ಆಯೆ ಮಿತ್ತ್ ಇಂಬ್ಯೆ ತಿರ್ತ್ ಪನ್ಪಿನವು ಪೊಕ್ಕಡೆ
ಅಂಚ ಇಂಚ ಆವೊಡುಂದು ಬರೆತೆರಾರ್ ದುಂಬುಡೆ
ನಮ್ಮವುಂದು ದಾದ ಉಂಡು ಎಲುಮುಳ್ಳು ಮಾತ್ರನೆ
ಮಾತೆರ್ನಲಾ ಸಯಿರದುಲಾಯಿ
ನೆತ್ತೆರೊಂಜೇ ಉಪ್ಪುನೆ
ಮಿತ್ತ್ ದಾರೆ ದಿಟ್ಟಿದಂಚ ನಮ ಮೂಲು ನಲಿಪೊಡೆ

ವಿಶ್ವನಾಥ ಕುಲಾಲ್ ಮಿತ್ತೂರು
ತುಲುವೆರೆ ಕಲ