ಕುತ್ತಿಬೇರ್

ಕುತ್ತಿಬೇರ್

ನರಮಾನಿ ಬದ್ಕ್ ಕ್ ಪೆದ್ಯಪ್ಪೆನೆ ಮೂಲತುಡರ್
ಕೊಡಿನಾಲಯಿಡ್ ನೆಗಪೊಡು ಅಪ್ಪೆಬಾಸೆದ ಒಸರ್
ಬಾಲೆನ್ ಅರ್ಕ್ ತರ್ಕ್ ತಾಂಕಿ ಮೋಕೆ ಮಲ್ಲೆ
ನಮಕ್ಕ್ ನಮ್ಮ ಕರ್ಲಬಾಸೆದ ಕುತ್ತಿಬೇರ್ ಮಲ್ಲೆ

ಊರೊರ್ಮೆ ಪಸರುಂಡು ಮಣ್ಣದ ಕಮ್ಮೆನ
ತುಲುವ ಮನಸ್ಲೆಗ್ ಅವ್ವೇ ತಿಗಪೇರ ತಮ್ಮನ
ಕೇಂಡಿ ಕೆಬಿಕ್ ಯಾವಂದ್ ಉಡಲ್ದ ದುನಿಪು
ತೆರಿಲ ಉಂದುವೇ ಪೆರಿಯಕ್ಲೆ ಐಸಿರದ ಮದಿಪು

ಹಿರಿಯಕ್ಲೆ ಪಾರ್ದನೊಗು ಮೇಯಿ ಇರ್ಮೆನ
ಮೈಮರ್ಲಾದ್ ಮೆಯಿರ್ ನಲಿಪುನ ಮಿನದನ
ಪರಪುಂಡು ತುಳುವಪ್ಪೆನ ಪೂಕೊಪ್ಪಲ ಪರದೆಸೊಗು
ಒಂದೊಂದುಲ್ಲೆರ್ ಕುಡರಿರಾಮನ ಕೊಟ್ಟಾರೊಗು

ಜನಮಂದಿಲೂ ಉಜ್ಜಾಲ್ಡ್ ತೂಂಕು ಮಾನಾವೊಡು
ಕಿನ್ಯ ಜೋಕ್ಲೆಡ ಬಾಸೆದ ಮೋಕೆಮುಂಗೆ ತೆಗ್ಲೊಡು
ಜೋಕೆರಾಕೆಟ್ ಬುಲೆಚ್ಚಿಲ್ಗ್ ಮಾತ ಪೊನೆವೊಡು
ತುಲುಬಾಸೆದ ಸತ್ವೊ ಅಕೇರಿಮುಟ್ಟಾ ಒರಿವೊಡು

✍️ರೂಪವಿನಯ್
ತುಲುವೆರೆ ಕಲ