ತುಳು ಲಿಪಿನ್ ತುಳುನಾಡೊರ್ಮೆ ಕಲ್ಪಾವೊಡ್, ತುಳುನಾಡುಡ್ ತುಳುಲಿಪಿತ್ತವೇ ಪುದರ್ ಪಲವೆ ಮೆನ್ಕೊಡ್ ಪನ್ಪಿನ ಉದ್ದೇಶೊಡ್ ಜೈ ತುಳುನಾಡ್ ಸಂಘಟನೆ ಕರಿನ ಕೆಲವ್ ವರ್ಷೊಡಿಂಚಿ ಅಲ್ಪಲ್ಪ ಶಾಲೆಲೆಡ್ ಸಂಘ ಸಂಸ್ಥೆಲೆಡ್ ತುಳು ಲಿಪಿ ಕಲ್ಪಾವೊಂದ್ ಬರೊಂದಿತ್ತುದ್, ಮಾತಾ ಕಡೆಟುಲಾ ತುಳು ಲಿಪಿಟೇ ಪುದರ್ ಪಲವೆನ್ ಪಾಡೊಂದ್ ತುಳುನಾಡುಗ್ ತನ್ನವೇ ಆಯಿನ ಸೇವೆ ಕೊರೊಂದುಂಡ್. ಈ ನಿಟ್ಟುಡ್ ಇನಿ ಅಕಾಡೆಮಿ ಹಿರಿಯ ಪ್ರಾಥಮಿಕ ಶಾಲೆ ಮಣಿಪಾಲ ಒಡಿಪುದ ಶಾಲೆದ ಪುದರುನ್ ತುಳುಲಿಪಿಟ್ ಪಲವೆ ಪಾಡು ನ ಲೇಸ್ ನಡತುಂಡ್.
ಉಡುಪಿ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಪುದರ್ ಪಲವೆದ ಉದಿಪನ ಮಲ್ತುದ್, ಜೈ ತುಳುನಾಡ್ ಸಂಘಟನೆದ ಈ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆರಾಯಿನ ತಾರಾ ಉಮೇಶ್ ಆಚಾರ್ಯ, ಜೈ ತುಳುನಾಡ್ ಸಂಘಟನೆದ ಒತ್ತು ಗುರಿಕಾರೆರಾಯಿನ ಉದಯ್ ಪೂಂಜಾ, ಕೋಶಾಧಿಕಾರಿ ಸಂತೋ಼ಷ್ ಎನ್.ಎಸ್. ಶಾಲೆದ ಮುಖ್ಯ ಶಿಕ್ಷಕಿ ಲಕ್ಷ್ಮೀ ನಾಯ್ಕ್, ಜೈ ತುಳುನಾಡ್ ಸಂಘಟನೆದ ಒಡಿಪು ವಲಯದ ಪದುಕೆರಾಯಿನ ರಾಜೇಶ್ ತುಳುವೆ, ಸುರೇಶ್ ಹಾವಂಜೆ, ತುಳು ಲಿಪಿ ಶಿಕ್ಷಕೆ ಕಿನ್ನು ಒಡಿಪು, ಸಾಗರ್ ಭಂಡಾರಿ, ಸುಪ್ರಿಯ ಅಖಿಲೇಶ್ ಮೊಕುಲು ಉಪಸ್ಥಿತರಿತ್ತೆರ್.ತುಳು ಲಿಪಿ ಕಲ್ಪಾದಿ ಸ್ವಾತಿ ಸುವರ್ಣ ಕೊಡವೂರು ಬತ್ತಿ ಬಿನ್ನೆರೆನ್ ಎದ್ಕೊನೊಂದ್ ಕಜ್ಜೊದ ಮದಿಪು ಕೊರಿಯೆರ್.
by 