ತುಳು ಲಿಪಿ ಕಲ್ಪುಗ,ತುಳು ಸಂಸ್ಕ್ರತಿ ಒರಿಪುಗ..ಕಜ್ಜೊ ಜ.16ತಾರೀಕುದಾನಿ ಒಡಿಪು ಶಂಕರಪುರದ ದ್ವಾರಕಾಮಾಯಿ ಶ್ರೀ ಸಾಯಿಬಾಬಾ ಮಂದಿರೊಡ್‌ ಸಾಯಿ ಈಶ್ವರ್ ಟಿವಿ ಬೊಕ್ಕ ಜೈ ತುಳುನಾಡ್ ಸಂಘಟನೆದ ಒತ್ತು ಸೇರಿಗೆಡ್ ನಡತುಂಡ್.
.ಕಜ್ಜೊನ್ ಉದಿಪನ ಮಲ್ತಿನ ಸಾಯಿಬಾಬಾ ಮಂದಿರದ ಗುರೂಜಿ ಪಾತೆರ್ದ್ ತುಳುನಾಡ್ದ ಶಾಲೆ ಶಾಲೆಲೆಡ್ ತುಳು ಲಿಪಿತ್ತ ಪಾಠ ಕಲ್ಪಾವುನ ಕಜ್ಜೊ ನಡಪೊಡ್.ಬಾಕಿದ ಬಾಸೆದೊಟ್ಟುಗ್ ತುಳು ಬಾಸೆದ ಬಗ್ಗೆಲಾ ಸರಕಾರ ವಿಶೇಷ ಕಾಳಜಿ ದೆತೊಂದ್,ನಮ್ಮ ತುಳುಬಾಸೆಗ್ ಮಾನ್ಯತೆ ಕೊರೊಡ್ ಪಂಡೆರ್.
ಈ ಪೊರ್ತುಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ.ಆಕಾಶ್ ರಾಜ್ ಜೈನ್ ತುಳು ಲಿಪಿನ್ ಬೋರ್ಡ್ ಡ್ ಬರೆದ್ ಕಜ್ಜೊಗ್ ಚಾಲನೆ ಕೊರಿಯೆರ್.
ಕಜ್ಜೊಡ್ ಸಾಯಿ ಈಶ್ವರ್ ಟಿವಿ ದ ಮುಖ್ಯಸ್ಥೆರಾಯಿನ ಪ್ರಸಾದ್ ಸುವರ್ಣ,ಸತೀಶ್ ದೇವಾಡಿಗ,ಜೈ ತುಳನಾಡ್ ಸಂಘಟನೆದ ಸಂಚಾಲಕೆರಾಯಿನ ಶರತ್ ಕೊಡವೂರು,ರಾಜೇಶ್ ತುಳುವೆ,ಅಕ್ಷತಾ ಕುಲಾಲ್, ಉಡುಪಿ ಅಯ್ಯಪ್ಪ ಸೇವಾ ಸಮಾಜಂ ದ ಜಿಲ್ಲಾಧ್ಯಕ್ಷೆರಾಯಿನ ರಾಧಾಕ್ರಷ್ಣ ಮೆಂಡನ್ ಉಪಸ್ಥಿತರಿತ್ತೆರ್.
ಸಾಯಿ ಈಶ್ವರ್ ಟಿವಿ ಡ್ ತುಳು ಲಿಪಿ ಕಲ್ಪಾವುನ ಕಜ್ಜೊ ನಿರಂತರ ನಡಪರೆಗಿತ್ತುದ್ ತುಳು ಲಿಪಿ ಕಲ್ಪರೆಗ್ ಆಸಕ್ತಿ ಇತ್ತಿನಕುಲು ಟಿವಿ ಚಾನೆಲ್ ದ ಮುಖೇನ ತುಳು ಲಿಪಿ ಕಲ್ಪೊಲಿ ಪಂಡುದ್ ಮುಖ್ಯಸ್ಥೆರ್ ತೆರಿಪಾದೆರ್
.ತುಳು ಬಾಸೆ,ಸಂಸ್ಕ್ರತಿ ಗ್ ವಿಶೇಷವಾದ್ ಒತ್ತು ಕೊರ್ಪಿನ ಉದ್ದೇಶ ಉಂಡು ಪಂಡುದ್ ಮುಖ್ಯಸ್ಥೆರಾಯಿನ ಪ್ರಸಾದ್ ಸುವರ್ಣ ಈ ಪೊರ್ತುಡ್ ತೆರಿಪಾದೆರ್.
by 