ತುಳು ಜಾನಪದ ನಲಿಕೆ-ತೆಲಿಕೆ ಪಂತೊ

🚩ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಡ್ ಜನವರಿ ತಿಂಗೊಲ್ದ 30, ಸೋಮವಾರ ಬೊಕ್ಕ 31, ಅಂಗಾರೆ ‘ಶ್ರೀ ಒಡಿಯೂರು ರಥೋತ್ಸವ-ತುಳುನಾಡ ಜಾತ್ರೆ – 23ನೇ ತುಳು ಸಾಹಿತ್ಯ ಸಮ್ಮೇಳನ’ ನಡಪರೆಗುಂಡ್. ನೆತ್ತ ಅಂಗವಾದ್ ತುಳುನಾಡುದ ಸಾಂಸ್ಕøತಿಕ, ಕಲಾ, ನೃತ್ಯತಂಡೊಲೆಗ್ ‘ತುಳು ಜಾನಪದ ನಲಿಕೆ-ತೆಲಿಕೆ ಪಂತೊ’ನ್ ಜನವರಿ 30ತಾರೀಕುದಾನಿ ಸೋಮವಾರ ಮಧ್ಯಾಹ್ನ 1.30ಡ್ದ್ ಬಯ್ಯಗ್ 5.30 ಮುಟ್ಟ ಏರ್ಪಡಿಸಾದುಂಡ್. ಮಾತಾ ಪ್ರಾಯದ ಪುರುಷೆರು ಬೊಕ್ಕ ಮಹಿಳೆಯೆರು ಪಾಲ್ ಪಡೆಯೊಲಿ.

ತಂಡದ ಪುದರು, ಪೂರ್ಣ ವಿಳಾಸ, ನೃತ್ಯದ ವಿವರ, ಕಲಾವಿದೆರೆನ ಸಂಖ್ಯೆ ಇಂಚ ಮಾತಾ ವಿವರ ಉಪ್ಪುನ ಅರ್ಜಿನ್ ತಿರ್ತ್ ಕೊರ್ತಿನ ವಿಳಾಸಗ್ ಜನವರಿ 14ಡ್ ದುಂಬು ತಲಪುಲೆಕ್ಕ ಕಡಪುಡಾದ್ ಕೊರೊಡ್.

ಗೆಂದಿನ ತಂಡೊಲೆಗ್ ಪ್ರಶಸ್ತಿಪತ್ರದೊಟ್ಟುಗ್ ಪಣವು
ಸುರುತ್ತ ಇನಾಮು – ರೂ. 20,000.00*
ರಡ್ಡನೇ ಇನಾಮು – ರೂ. 15,000.00
ಮೂಜನೇ ಇನಾಮು – ರೂ. 10,000.00

ಇನಾಮುನ್ ಅವ್ವೇ ದಿನ ಬಯ್ಯದ ಸಮಾರಂಭಡ್ ಕೊರ್ಪುಂಡ್.

ನಿಬಂಧನೆಲು:
1. ತುಳು ಜಾನಪದ ಸಾಂಪ್ರದಾಯಿಕ ನಲಿಕೆ ಕಡ್ಡಾಯ.

2. “ತುಳು ಬಾಸೆ-ಸಂಸ್ಕøತಿದ ಪೊರ್ಲು ತಿರ್ಲ್”ದ ಪ್ರಸ್ತುತಿಗ್ ಅವಕಾಶ.

3. ಪ್ರದರ್ಶನದ ಪೊರ್ತು 20 ನಿಮಿಷ.

4. ಜಾನಪದ ವಾದ್ಯ ಪರಿಕರಲೆನೇ ಗಲಸೊಡು.

5. ಧ್ವನಿಮುದ್ರಿಕೆ ಗಲಸರೆಗಿಜ್ಜಿ.

6. ಗುತ್ತಿನ ಮನೆಯ ಅಂಗಸಂಯೋಜಕೆರು ಪ್ರಸ್ತುತ ಮಲ್ಪುಲೆಕ್ಕ ಪ್ರದರ್ಶನ ಕೊರೊಡು.

7. ತಂಡಡ್ ಕನಿಷ್ಠ 10 ಮಂದಿ ಉಪ್ಪೊಡ್.

8. ಜಾತಿ, ಧರ್ಮ, ದೈವ ನಿಂದನೆಗ್ ಅವಕಾಶ ಇಜ್ಜಿ.

9. ಆಯ್ಕೆ ಆಯಿನ ತಂಡೊಲೆಗ್ ಮಾತ್ರ ಸ್ಪರ್ಧೆಗ್ ಅವಕಾಶ.

10. ಸ್ಪರ್ಧೆದ ವಿಚಾರಡ್ ಸಂಘಟಕೆರೆನ ನಿರ್ಣಯ ಅಂತಿಮವಾದುಂಡ್.