ತುಳು ಸಂಘ ತಾಪನೆಗ್ ಮನವಿ

ತೆಂಕನಿಡಿಯೂರು ಕಾಲೇಜ್ ಡ್ “ತುಳು ಸಂಘ” ತಾಪನೆ ಮಲ್ಪರೆಗ್ ತುಳುಕೂಟ (ರಿ) ಉಡುಪಿದ ಮೂಲಕ ನಿಕಟಪೂರ್ವ ಉಪಾಧ್ಯಕ್ಷೆರು ಮೊಹಮದ್ ಮೌಲಾ ಭಾಯಿ ಮೆರೆನ ಮುಂದಾಳತ್ವಡ್ 13-12-2023 ತಾರೀಕುಗ್ ತೆಂಕನಿಡಿಯೂರು ಕಾಲೇಜ್ ದ ಪ್ರಾಂಶುಪಾಲರಾಯಿನ ಡಾ|| ಸುರೇಶ್ ರೈ ಮೆರೆಗ್ ಮನವಿನ್ ಕೊರಿಯೆರ್. ಈ ಪೊರ್ತುಗ್ ಒಡಿಪು ತುಳುಕೂಟದ ಆಟಿಕೂಟದ ಸಂಚಾಲಕಿ ವಿದ್ಯಾ ಸರಸ್ವತಿ,ಪದುಕೆರಾಯಿನ ಸರೋಜ ಯಶ್ವಂತ್,ಪ್ರಭಾವತಿ ಇತ್ತೆರ್.ತುಳುಕೂಟ ಉಡುಪಿ ಕರಿನ 37 ವರ್ಷ ಡಿಂಚಿ ನಾಡುದ ಬಾಸೆ, ಸಂಸ್ಕೃತಿ ಗಾದ್ ವಿಶೇಷ ಸೇವೆ ಮಲ್ತೊಂದ್ ಬರೊಂದಿತ್ತುದ್ ದುಂಬುದ ಪೀಳಿಗೆಗ್ ನಾಡುದ ಕಮ್ಮೆನ ತೆರಿಪಾದ್ ಒರಿಪಾವುನ ಬೇಲೆ ಮಲ್ತೊಂದುಂಡ್.ಸಹಕಾರಿ ರತ್ನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಮುತಾಲಿಕೆಡ್ ವರ್ಷದ 12 ತಿಂಗೊಳ್ ಬೇತೆ ಬೇತೆ ತುಳುಕಜ್ಜೊಲೆನ್ ಮಲ್ತೊಂದ್ ತುಳುನಾಡ್ ಗ್ ವಿಶೇಷ ಕೊಡುಗೆ ಕೊರೊಂದುಂಡ್.