ನ.27 ಗ್ ಸುರತ್ಕಲ್ ದ ತೊರ್ತಲ್ ಡ್ ತುಲು ಉಚ್ಚಯ

ಅಪ್ಪೆ ಬಾಸೆ ಪೊರಂಬಾಟ ಕೂಟ ತುಲುನಾಡ್ ಮುತಾಲಿಕೆಡ್ ಉಂದುವೇ ಬರ್ಪಿನ ನವೆಂಬರ್ 27 ತಾರೀಕುದಾನಿ ಕರ್ನಾಟಕ ಸೇವಾ ವ್ರಂದ ಸುರತ್ಕಲ್ ಡ್ “ತುಲು ಉಚ್ಚಯ” ನಡಪರೆಗುಂಡ್.
ಉಚ್ಚಯದ ಅಂಗಣೊಡ್ ನಡಪುನ ಸಭಾ ಲೇಸ್ ನ್ ಕುಲಾಯಿಗುತ್ತುದ ಗುತ್ತಿನಾರ್ ಆಯಿನ ಶಂಕರ್ ಪಟ್ಲೇರ್ ಮೇರ್ ಉದಿಪನ ಮಲ್ಪರೆಗುಲ್ಲೆರ್.ಸಾಂದೀಪನಿ ಸಾಧನಾಶ್ರಮ ಶ್ರೀ ಕ್ಷೇತ್ರ ಕೇಮಾರುದ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಮೇರ್ ಎಡ್ಡೆ ಮದಿಪು ಕೊರಿಯರೆಗುಲ್ಲೆರ್.ಕುಡ್ಲ ಬಡಕಾಯಿ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಡಾ.ಭರತ್ ಶೆಟ್ಟಿ ವೈ.,ಗುರ್ಕಾರ್ಮೆಡಿಪ್ಪುವೆರ್.ಮಲ್ಲ ಬಿನ್ನೆರಾದ್ ಕುಡ್ಲ ಮನಪಾ ದ ಪದುಕೆರಾಯಿನ ವರುಣ್ ಚೌಟ ಬೊಕ್ಕ ಕುಮಾರಿ ಶ್ವೇತಾ,ನಾರಾಯಣ ಗುರು ವಿಚಾರ ವೇದಿಕೆದ ಗುರ್ಕಾರ್ಲಾಯಿನ ಸತ್ಯಜಿತ್ ಸುರತ್ಕಲ್,ಕೆಪಿಸಿಸಿ ಕಾರ್ಯದರ್ಶಿ ಮಿಥುನ್ ರೈ,ಅಗರಿ ಎಂಟರ್ ಪ್ರೈಸಸ್ ದ ರಾಘವೇಂದ್ರ ರಾವ್,ಸ್ವರ್ಣ ಕುಂಭ ವಿವಿದ್ದೋದ್ದೇಶ ಸಹಕಾರಿ ಸಂಘದ ಗುರ್ಕಾರ್ಲು ಆಯಿನ ನಾಗೇಶ್ ಕುಲಾಲ್ ಉಪಸ್ಥಿತರಿಪ್ಪುವೆರ್.
ಕರ್ನಾಟಕ ತುಲುಸಾಹಿತ್ಯ ಅಕಾಡೆಮಿದ ನಿಕಟಪೂರ್ವ ಗುರ್ಕಾರೆರಾಯಿನ ದಯಾನಂದ ಕತ್ತಲ್ ಸಾರ್ ಉಚ್ಚಯದ ಮದಿಪು ಕೊರ್ರೆಗುಲ್ಲೆರ್.ತುಲುನಾಡ್ ದೈವಾರಾಧನೆದ ಬಗ್ಗೆ ದೈವಾರಾಧಕೆರಾಯಿನ ತಮ್ಮಣ್ಣ ಶೆಟ್ಟಿ, ತುಳುವೆರೆ ಬದುಕುದ ಬಗ್ಗೆ ಉಪನ್ಯಾಸಕಿ ಅರ್ಪಿತಾ ಶೆಟ್ಟಿ, ತುಲುನಾಡ ತನ್ಮಾಲೆದ ಬಗ್ಗೆ ವಿಚಾರವಾದಿ ಶ್ರೀಕಾಂತ್ ಶೆಟ್ಟಿ ಮೊಕುಲು ವಿಚಾರ ಮಂಡನೆ ಮಲ್ಪರೆಗುಲ್ಲೆರ್.
ಚಿತ್ರನಟೆರಾಯಿನ ಅರ್ಜುನ್ ಕಾಪಿಕಾಡ್,ರಾಜ್ ಬಿ.ಶೆಟ್ಟಿ, ವಿನೀತ್ ಕುಮಾರ್,ಅನೂಪ್ ಸಾಗರ್,ಶೈಲಶ್ರೀ ಮುಲ್ಕಿ ಪಾಲ್ ಪಡೆಯರೆಗುಲ್ಲೆರ್.ಸಭಾಕಜ್ಜೊಡ್ ಬೊಕ್ಕ ತುಲುಬದುಕುದ ರಂಗ್ ದೈಸಿರತ ದಿಬ್ಬನ ನಡಪರೆಗುಂಡ್ ಪಂಡುದ್ ಸಂಘಟಕೆರ್ ತೆರಿಪಾದೆರ್.ತುಲುವೆರ್ ಹೆಚ್ಚಿನ ಸಂಖ್ಯೆಡ್ ಬತ್ತುದ್ ಕಜ್ಜೊನ್ ಪೊರ್ಲು ಮಲ್ತುದ್ ಕೊರೊಡ್ ಪಂಡುದ್ ಬಿನ್ನಪ ಮಲ್ತುದೆರ್.