ಶಾಲೆಗ್ ಸೇರ್ಪಾನಗ ಅಪ್ಪೆ ಬಾಸೆ ತುಳು ಪಾಡ್ಲೆ.

ನಮ ಕರಿದ್ ಪೋಯಡಲಾ ಪುದರ್ ಒರಿಯುನ ಕೆಲಸೊನ್ ನಿರಂತರ ತುಳುಕೂಟ ಮಲ್ತೊಂದುಂಡ್. ಎಡ್ಡೆ ಕೆಲಸ ಮಲ್ತಿನಕ್ಲೆನ ಪುದರು ಅಜರಾಮರವಾದುಪ್ಪೊಡ್. ಶಾಲೆಗ್ ಸೇರ್ಪಾವನಗ ಅಪ್ಪೆ ಭಾಷೆ ತುಳು ಪಂಡುದು ನಮೂದಿಸಾಲೆ. ಪತ್ತು ವರ್ಷಡ್ ಬೊಕ್ಕ ತುಳು ಕೋಟಾಡ್ ಸೀಟು ಸಿಕ್ಕುಂಡ್ ಪಂಡುದ್ ತುಳುಕೂಟದ ಗುರ್ಕಾರೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಪಂಡೆರು.

ಭಾವಗೀತೆಡ್ ಭಾವನಾತ್ಮಕ ಸಂಬಂಧ ಉಂಡು. ತಂತಜ್ಞಾನದೊಟ್ಟುಗ್ ನಮ್ಮತೊನ್ ಬುಡ್ದ್ ಕೊರ್ರೆಗ್ ಬಲ್ಲಿ ಪಂಡುದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಉಡುಪಿ ಜಿಲ್ಲೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ತೆರಿಪಾದೆರ್

ಸುಗಮ ಸಂಗೀತ ಕಲಾವಿದ ಬಿ. ಕೆ. ಕಾರಂತ್ ತುಡರ್ ಅರ್ಲಾದ್ ಭಾವಗೀತೆ ಪನ್ಪಿನ ಮೂಲಕ ಚಾಲನೆ ಕೊರಿಯೆರು.

ಬಾಲಪ್ರತಿಭೆ ರೀತುಶ್ರೀ ಮೆರೆನ್ ಮಾನಾದಿಗೆ ಮಲ್ತೆರ್.

ಕಾರ್ಯದರ್ಶಿ ಗಂಗಾಧರ್ ಕಿದಿಯೂರು, ಮನೋರಮಾ ಶೆಟ್ಟಿ, ಭುವನ ಪ್ರಸಾದ್ ಹೆಗ್ಡೆ ಉಪಸ್ಥಿತರಿತ್ತೆರು.

ತುಳು ಭಾವಗೀತೆ ಸ್ಪರ್ಧೆದ ಸಂಚಾಲಕ ಜಯರಾಂ ಸ್ವಾಗತ ಮಲ್ತುದ್, ಪ್ರಸ್ತಾವನೆ ಮಲ್ತೆರು.

ವಿದ್ಯಾ ಸರಸ್ವತಿ ನಿರೂಪಣೆ ಮಲ್ತೆರು.
ಪ್ರಭಾಕರ್ ಭಂಡಾರಿ ಸೊಲ್ಮೆ ಕೊರಿಯೆರು.