ತುಳುಕೂಟ ಉಡುಪಿ ತುಳುಭಾವಗೀತೆ ಪಂತೊ

ತುಳುಕೂಟ ಉಡುಪಿ (ರಿ.) & ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು ಮೊಕ್ಲೆನ ಸಹಯೋಗದೊಟ್ಟುಗ್ ತುಳು ಕವಿ ದಿ| ನಿಟ್ಟೂರು ಸಂಜೀವ ಭoಡಾರಿನ ನೆಂಪುದ ತುಳು ಭಾವಗೀತೆ ಪಂತೊ ನ.26 ತಾರೀಕುಗ್ ಕಾಂಡೆ 9.00 ಗಂಟೆಗ್ ಉಡುಪಿ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಜಗನ್ನಾಥ ಸಭಾಭವನಡ್ ನಡಪರೆಗುಂಡ್.
1ಡ್ದ್ 5ನೇ ಕ್ಲಾಸ್ ಧ ಬಾಲ ವಿಭಾಗ, 6ಡ್ದ್ 10ನೇ ಕ್ಲಾಸ್ ಮುಟ್ಟ ಕಿರಿಯ ವಿಭಾಗ, ಕಾಲೇಜು ವಿದ್ಯಾರ್ಥಿಲೆಗ್ ಹಿರಿಯ ವಿಭಾಗ, 25 ವರ್ಷದ ಮಿತ್ತುದಕ್ಲೆಗ್ ಸಾರ್ವಜನಿಕ ವಿಭಾಗ ಸೇರಿನಂಚ ಒಟ್ಟು ನಾಲ್ ವಿಭಾಗೊಲೆಡ್ ಪಂತೊ ನಡಪರೆಗುಂಡ್. ಪ್ರತಿಯೊರಿಗುಲಾ ಮೂಜಿ ನಿಮಿಷದ ತುಳು ಭಾವಗೀತೆ ಪನರೆಗ್ ಅವಕಾಶವಿತ್ತುದ್, ಶ್ರುತಿ ಪೆಟ್ಟಿಗೆನ್ ಮಾತ್ರ ಗಲಸೊಲಿ. ತುಳು ಭಾಷೆದ ಹಿರಿಯ, ಕಿರಿಯ ಸಾಹಿತಿಲೆನ ರಚನೆ ಬೊಕ್ಕ ಸ್ವರಚಿತ ತುಳುಭಾವಗೀತೆಲೆನ್ ಪನರೆಗ್ ಆದ್ಯತೆ ಉಂಡು.
ಸ್ಫರ್ಧಿಲು ಪದ್ಯದ ನಕಲು ಪ್ರತಿಕುಲೆನ್ ಸ್ಪರ್ಧೆದ ದಿನ ಸಂಘಟಕರೆಗ್ ಕಡ್ಡಾಯವಾದ್ ಕೊರೊಡು. ಪ್ರತಿ ವಿಭಾಗಡ್ ಸುರುತ್ತ– ರೂ. 1000/- ಪಣವು+ ಪ್ರಶಸ್ತಿ ಫಲಕ, ರಡ್ಡನೇ – ರೂ. 750/- ಪಣವು + ಪ್ರಶಸ್ತಿ ಫಲಕ,ಮೂಜನೇ – ರೂ. 500/-ನಗದು + ಪ್ರಶಸ್ತಿ ಫಲಕ ಕೊರ್ದ್ ಗೌರವ ಮಲ್ಪುಂಡ್.
ಆಸಕ್ತ ಸ್ಪರ್ಧಿಲು ನ.24ತ್ತ ಉಲಾಯಿ ನಿಕ್ಲೆನ ಪುದರುನ್ ಮೊಬೈಲ್ ಸಂಖ್ಯೆಲೆಗ್ ಲೆಪ್ಪು ಅತ್ತುಂಡ ವಾಟ್ಸಪ್ ಮೂಲಕ ನೋಂದಾವಣೆ ಮಲ್ಪೊಲಿ. (ನೋಂದಣಿಗಾದ್ ಸಂಪರ್ಕ ಸoಖ್ಯೆ:9844328177, 9449367595, 8277653062) ಪಂಡುದ್ ಉಡುಪಿ ತುಳುಕೂಟದ ಅಧ್ಯಕ್ಷ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ, ಪ್ರಧಾನ ಕಾರ್ಯದರ್ಶಿ ಗಂಗಾಧರ್ ಕಿದಿಯೂರ್, ತುಳು ಭಾವಗೀತೆ ಸ್ಪರ್ಧೆದ ಸಂಚಾಲಕ ಜಯರಾಮ್ ಮಣಿಪಾಲ್, ಪತ್ರಿಕಾ ಪ್ರಕಟಣೆ ಡ್ ತೆರಿಪಾದೆರ್.