ತುಲು ಕಬಿಕೂಟ

ಇಂದಿರಾ ಪ್ರಿಯದರ್ಶಿನಿ ವನಿತಾ ಪಾರ್ಕ್‌ಡ್ ತುಲು ಕಬಿಕೂಟ

ಕುಡ್ಲ : ತುಲುವೆರೆ ಕಲ ಮುತಾಲಿಕೆಡ್ ಪರಿಸರ ಅಧ್ಯಯನ ಕೇಂದ್ರ ನೆಲ್ಲಿಗುಡ್ಡೆ ಬೊಕ್ಕ ರೋಟರಿ ಕ್ಲಬ್ ಮಂಗಳೂರು ಸೆಂಟ್ರಲ್‌ದ ಒಟ್ಟು ಸೇರಿಗೆಡ್ ತೇದಿ 29 ಐತಾರದಾನಿ ಕಾಂಡೆ 10 ಗಂಟೆಡ್ದ್ ಕುಡ್ಲ ಲಾಲ್‌ಬಾಗ್‌ದ ಇಂದಿರಾ ಪ್ರಿಯರ್ಶಿನಿ ವನಿತಾ ಪಾರ್ಕ್‌ಡ್ ಪಚ್ಚೆ ಸಿರಿ ತುಲು ಕಬಿಕೂಟ ನಡಪರೆ ಉಂಡು.

ರೋಟರಿ ಜಿಲ್ಲೆ 3181 ಅಸಿಸ್ಟೆಂಟ್ ಗವರ್ನರ್ ಕೆ. ಎಂ. ಹೆಗ್ಡೆ ಲೇಸ್‌ನ್ ಉದಿಪನ ಮಲ್ಪರೆ ಉಲ್ಲೆರ್. ತುಲುವೆರೆ ಕಲತ ಗುರ್ಕಾರ್ದಿ ಗೀತಾ ಲಕ್ಷ್ಮೀಶ್ ಲೇಸ್ದ ಗುರ್ಕಾರ್ಮೆನ್ ವಹಿಸೊನ್ವೆರ್.
ಕಾರ್ಪೊರೇಟರ್ ಸಂಧ್ಯಾ ಆಚಾರ್, ರೆಡ್‌ಕ್ರಾಸ್ ಸೊಸೈಟಿದ ದ.ಕ. ಜಿಲ್ಲಾ ಘಟಕದ ಚೇರ್ಮನ್ ಸಿ. ಎ. ಶಾಂತರಾಮ ಶೆಟ್ಟಿ, ದ. ಕ. ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರೆರಾಯಿನ ಶ್ರೀನಿವಾಸ ಇಂದಾಜೆ, ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ತ್‌ದ ಜಿಲ್ಲಾಧ್ಯಕ್ಷೆರಾಯಿನ ಪಿ. ಬಿ. ಹರೀಶ್ ರೈ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರುಲ್ಲೆರ್. ತುಲು ವಿದ್ವಾಂಸೆರಾಯಿನ ಚಂದ್ರಹಾಸ ಕಣಂತೂರು ಮೆರೆನ ಗುರ್ಕಾರ್ಮೆಡ್ ತುಲು ಕಬಿಕೂಟ ನಡಪರೆ ಉಂಡು ಪಂದ್ ಪತ್ರಿಕೆಗ್ ಪ್ರಕಟಣೆ ಕೊರ್ತೆರ್.