ತುಳುಕೂಟ ಗೋವಾದ ಉದಿಪನ ಕಜ್ಜೊ ಉಂದುವೇ ಬರ್ಪಿನ ಅಕ್ಟೋಬರ್ 20 ತಾರೀಕುಗ್ ಗೋವಾದ ಪೊರ್ವರಿಮ್ ನಾರ್ತ್ ಪುಂಡಲೀಕ ದೇವಸ್ಥಾನದ ಸಭಾಗೃಹಡ್ ಮಧ್ಯಾಹ್ನ 2.30ಗಂಟೆಗ್ ಉದಿಪನ ಆವರೆಗುಂಡ್.ಕಾರ್ಲದ ಶಾಸಕೆರಾಯಿನ ಶ್ರೀ. ವಿ. ಸುನೀಲ್ ಕುಮಾರ್ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್. ಪುತ್ತೂರುದ ಶಾಸಕೆರಾಯಿನ ಶ್ರೀ ಅಶೋಕ್ ಕುಮಾರ್ ರೈ ತುಳುಕೂಟ ಗೋವಾದ ಉದಿಪನ ಮಲ್ಪರೆಗುಲ್ಲೆರ್. ಅಖಿಲ ಭಾರತ ತುಳುಒಕ್ಕೂಟದ ಗುರ್ಕಾರೆರಾಯಿನ ಶ್ರೀ ಶಶಿಧರ ಶೆಟ್ಟಿ ಬರೋಡಾ ಕಜ್ಜೊದ ಗುರ್ಕಾರ್ಮೆಡಿಪ್ಪುವೆರ್. ಯುವ ಸಂಶೋಧಕೆರಾಯಿನ ಡಾ. ಅರುಣ್ ಉಳ್ಳಾಲ್ ಐಸಿರದ ಮದಿಪು ಕೊರ್ರೆಗುಲ್ಲೆರ್.
ಕಜ್ಜೊಡ್ ಮಲ್ಲ ಬಿನ್ನೆರಾದ್ ಗೋವಾದ ಶಾಸಕೆರ್, ಪೊರ್ವರಿಮ್ ಟೂರಿಸಮ್ ಬೊಕ್ಕ ಐಟಿ ಮಿನಿಸ್ಟರ್ ಶ್ರೀ ರೋಹನ್ ಅಶೋಕ್ ಕೌಂಟೆ ಪಾಲ್ ಪಡೆಯರೆಗುಲ್ಲೆರ್. ಬಿನ್ನೆರಾದ್ ಜಿಲ್ಲಾ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರಾಯಿನ ಶ್ರಿ. ಕೆ. ಗುಣಪಾಲ್ ಕಡಂಬ, ರಂಗಭೂಮಿ ಬೊಕ್ಕ ತುಳುಚಿತ್ರರಂಗ ನಿರ್ದೇಶಕೆರಾಯಿನ ಶ್ರೀ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್, ಎಸ್. ಎನ್. ಎಸ್. ಕಾಲೇಜ್ ಸುಂಕದಕಟ್ಟೆದ ಪ್ರಾಧ್ಯಾಪಕೆರಾಯಿನ ಶ್ರಿ ಸುಧಾಕರ ಶೆಟ್ಟಿ ನೆಲ್ಲಿಕಟ್ಟೆ, ತುಳು ಚಿತ್ರ ರಂಗ ಕಲಾವಿದೆರಾಯಿನ ಶ್ರೀ ಪ್ರಸನ್ನ ಶೆಟ್ಟಿ ಬೈಲೂರು, ತುಳುಕೂಟ ಬೆದ್ರದ ಗುರ್ಕಾರೆರಾಯಿನ ಶ್ರೀ ಧನಕೀರ್ತಿ ಬಲಿಪ ಮೊಕುಲು ಪಾಲ್ ಪಡೆಯರೆಗುಲ್ಲೆರ್.
ಅಂಚೆನೇ ಕಜ್ಜೊಡ್ ತುಳುಕೂಟ ಗೋವಾದ ಮಾನಾದಿಗೆದ ಗುರ್ಕಾರೆರಾಯಿನ ಶ್ರೀ ಸದಾನಂದ ಶೆಟ್ಟಿ ಬೆಳ್ಳಾಯಿ, ಶ್ರೀ ಚಂದ್ರಹಾಸ ಅಮೀನ್, ಶ್ರೀ ವಿಜಯೇಂದ್ರ ಶೆಟ್ಟಿ, ಕಾರ್ಯಂತೆರಾಯಿನ ಶ್ರೀ ಶಶಿಧರ್ ನಾಯ್ಕ್, ಪಣವುದ ಪಾಲವೆರಾಯಿನ ಶ್ರೀ ಪ್ರಶಾಂತ್ ಜೈನ್ ಸಿ. ಎ., ಸಂಯೋಜಕೆರಾಯಿನ ಶ್ರೀ ಅಶೋಕ್ ಶೆಟ್ಟಿ ಮುಡಾರು, ಕಜ್ಜೊಡ್ ಓಲಗಡುಪ್ಪುವೆರ್ ಪಂಡುದ್ ತುಳುಕೂಟ ಗೋವಾದ ಗುರ್ಕಾರೆರಾಯಿನ ಶ್ರೀ ಗಣೇಶ್ ಕೆ. ಶೆಟ್ಟಿ ಇರ್ವತ್ತೂರು ಮೇರ್ ಪ್ರಕಟಣೆಡ್ ತೆರಿಪಾದೆರ್. ಶ್ರೀ ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ಸುಧಾರ್ಮೆ ಮಲ್ಪರೆಗುಲ್ಲೆರ್.
ಸಭಾಕಜ್ಜೊಡ್ ಬೊಕ್ಕ ಬಯ್ಯಗ್ 5ಗಂಟೆಗ್ ಪಗ್ಗುರ್ದ್ ಸುಗ್ಗಿಮುಟ್ಟದ ತುಳುವೆರೆನ 12 ತಿಂಗೊಲುದ ಪರತಿರಿ, ಪರಪೋಕುನ್ ನೆಂಪು ಮಲ್ಪುನ ನಲಿಕೆ, ಮಿನದನ ತುಳುಕೂಟ ಬೆದ್ರದ ಪದುಕೆರೆಡ್ದ್ ನಡಪರೆಗುಂಡ್. ಅವ್ವೆಡ್ ಬೊಕ್ಕ ಶಿವಧೂತ ಗುಳಿಗೆ ತುಳುನಾಟಕ ಪ್ರದರ್ಶನ ನಡಪುಂಡ್.
ಲೇಸ್ ಡ್ ತುಳುನಾಡುದ ಆರಾಧನೆ, ಆಚರಣೆದ ಬಗೆತ್ತ ವಸ್ತು ಪ್ರದರ್ಶನ ಬೊಕ್ಕ ನಗನಾಣ್ಯದ ವಸ್ತು ಪ್ರದರ್ಶನ ನಡಪರೆಗುಂಡ್. ಈ ಮಾತಾ ಕಜ್ಜೊಡ್ ಹೆಚ್ಚಿನ ಸಂಖ್ಯೆಡ್ ತುಳುವೆರ್ ಪಾಲ್ ಪಡೆದ್ ಕಜ್ಜೊನ್ ಪೊರ್ಲುಮಲ್ತ್ ಕೊರೊಡುಂದ್ ಆಯೋಜಕೆರ್ ಬಿನ್ನಪ ಮಲ್ತುದೆರ್.
by 