ತುಳುಕೂಟ ಒಡಿಪು ಬೊಕ್ಕ ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆ ಉಡುಪಿದ ವತಿಡ್ದ್ ಉಂದುವೇ ಬರ್ಪಿನ ಜುಲೈ 16 ತಾರೀಕು ಐತಾರದಾನಿ ಮದರಂಗಿದರಂಗ್ ಲೇಸ್ ಉಡುಪಿದ ಜಗನ್ನಾಥ ಸಭಾಭವನಡ್ ಮಧ್ಯಾಹ್ಯ 3 ಗಂಟೆಡ್ದ್ 6.30 ಗಂಟೆಮುಟ್ಡ ನಡಪರೆಗುಂಡ್.
ಈ ಲೇಸ್ ಡ್ ವಿಶೇಷವಾದ್ ಶಾಲೆ-ಕಾಲೇಜ್ ಜೋಕ್ಲೆಗ್ ಬೊಕ್ಕ ಸಾರ್ವಜನಿಕೆರೆಗ್ ತುಳು ಬದುಕುದ ಪೊಲಬು ಕೊರ್ಪಿನ ವಿಶೇಷ ಪಂತೊಲು ನಡಪರೆಗುಂಡ್.
1ನೇಡ್ದ್ 5 ಮುಟ್ಟದ ಜೋಕ್ಲೆಗಾದ್: 1. ಪೀಂಪಿರಿ ಊದುನ್ 2. ಪೆಲತರಿತ್ತ ಚೂಲಿ ದೆಪ್ಪುನ್.
6ನೇಡ್ದ್ 10 ನೇ ಮುಟ್ಟದ ಜೋಕ್ಲೆಗ್:1. ಮದರಂಗಿದರಂಗ್ ಪಂಥ._2. ಮರ್ದ್ ದ ಇರೆತ್ತ ಪುದರ್ ಬರೆಲೆ 3. ಒಲಿಟ್ ಗೊಬ್ಬುನ ವಸ್ತು ತಯಾರ್ ಮಲ್ಪುನು
ಕಾಲೇಜ್ ಜೋಕ್ಲೆಗ್(1st puc-degree)1.ಮದರಂಗಿದ ಪಂಥ 2. ಕೇಶಾಲಂಕಾರ3. ಮುಂಡಾಸ್ ಕಟ್ಟುನ (ಆಣುಲೆಗ್) 4. ಪೂ ಕಟ್ಟುನ(ಪೊಣ್ಣುಲೆಗ್)
ಸಾರ್ವಜನಿಕ:1. ಮದರಂಗಿದ ಪಂಥ 2.ಜಲ್ಲಿ ಬುಡ್ಪಾವುನು 3. ಬತ್ತಿ ಕಟ್ಟುನು 4.ಪೂ ಜೋಡಣೆ(ಕಿನ್ನ ಮಟ್ಟದ) ಉಂದು ಮಾತಾ ಪಂತೊಲು ನಡಪರೆಗುಂಡ್.
ಜೋಕ್ಲೆಗಾದ್ ತುಳುರಸಪ್ರಶ್ನೆ ಪಂತೊಲು ಅಲ್ಪನೇ ನಡಪರೆಗುಂಡ್.
ಪಂತೊಲೆನ ಕಟ್ಟುಲು(ನಿಯಮ)* ಮದರಂಗಿದ ಪಂತೊ ಸಾಂಪ್ರದಾಯಿಕ ರೀತಿದವ್ವ್ ಅಂಗಡಿಡ್ ಕೊನತಿನ ಕೋನ್ ಗಳಸರೆಗ್ ಇಜ್ಜಿ.*ಮದರಂಗಿ ತಪ್ಪು ಕಡೆದ್ ಪತೊಂದ್ ಬರೊಡ್.* ಕಡ್ಡಿಡ್ ಅಂಗೈಡ್ ಬುಡ್ಪಾವೊಡ್.ಅಂಚಾದ್ ಜನ ಲೆಸೊಂದ್ ಬರೊಡ್.(ಪೊರ್ತು- 1 ಗಂಟೆ)* ಬತ್ತಿ ಕಟ್ಟುನಕುಲು ಪರ್ತಿ ಪತೊಂದ್ ಬರೊಡ್ *ಪೂ ಕಟ್ಟುನಕುಲು ಪೂ ಪತೊಂದ್ ಬರೊಡ್.
ಸಂಘಟಕೆರ್ನ ತೀರ್ಮಾನನೇ ಅಕೇರಿದವ್ವ್.* ಪಂತೊಗ್ ಸೇರುನಕುಲು ಜುಲೈ 15 ತಾರೀಕುದುಲಾಯಿ ಯಶೋದ ಕೇಶವ್-9036483463, ಯಾದವ ಕರ್ಕೇರ- 9449102026 ಮೊಕ್ಲೆಡ ಪುದರ್ ಕೊರೊಡ್. ಪಂಡುದ್ ತುಳು ಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ತೆರಿಪಾದೆರ್.
by 