ತುಲುನಾಡುದ ರಾಜ ಬೂಡು ಬಾರಕೂರುಗ್ ತುಲುಲಿಪಿ ಸಿಂಗಾರ..

ಜೈ ತುಲುನಾಡ್ (ರಿ) ವತಿಡ್ದ್ ತುಲುನಾಡ್ದ ಐತಿಹಾಸಿಕ ರಾಜಧಾನಿ ಬಾರುಕೂರುಗ್ ತುಲುಲಿಪಿ ಸಿಂಗಾರ, ತುಲುಲಿಪಿ ಪುದರ್ ಪಲವೆ ಉದಿಪನ ಬೊಕ್ಕ “ಅಲ್ಲಿಗೆ” ತುಲು ಲಿಪಿ ಫಾಂಟ್ ಬುಡುಗಡೆ ಕಜ್ಜೊ ಉಂದುವೇ ಬರ್ಪಿನ ಅಕ್ಟೋಬರ್‌ 30 ತಾರೀಕುದಾನಿ ಮಹಾತೋಭಾರ ಶ್ರೀ ಪಂಚಲಿಂಗೇಶ್ವರ ದೇವಲ್ಯೊ ಬಾರಕೂರುಡ್ ನಡಪರೆಗುಂಡ್.
ಕಜ್ಜೊಡ್ ಜೈ ತುಲುನಾಡ್ ಸಂಘಟನೆದ ಗುರ್ಕಾರೆರಾಯಿನ ಶ್ರೀ ಅಶ್ವತ್ ತುಲುವೆ ಗುರ್ಕಾರ್ಮೆಡಿಪ್ಪುವೆರ್.ಬಾರಕೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆರಾಯಿನ ಶ್ರೀ ಬಿ.ಶಾಂತಾರಾಮ ಶೆಟ್ಟಿ ಬಾರಕೂರು ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಮಹಾತೋಭಾರ ಶ್ರೀ ಪಂಚಲಿಂಗೇಶ್ವರ ದೇವಲ್ಯೊದ ಮುಖ್ಯಸ್ಥೆರಾಯಿನ ಶ್ರೀ ಮಂಜುನಾಥ ರಾವ್ ಮಾನಾದಿಗೆದ ಬಿನ್ನೆರಾದುಪ್ಪುವೆರ್.ಮಲ್ಲ ಬಿನ್ನೆರಾದ್ ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆರಾಯಿನ ಡಾ.ಆಕಾಶ್ ರಾಜ್ ಜೈನ್,ಟೈಮ್ಸ್ ಆಫ್ ಕುಡ್ಲ ತುಲು ಪತ್ರಿಕೆದ ಮುಖ್ಯಸ್ಥೆರಾಯಿನ ಶ್ರೀ ಶಶಿರಾಜ್ ಬಂಡಿಮಾರ್,ಜೈ ತುಲುನಾಡ್ ಸಂಘಟನೆದ ಒತ್ತು ಗುರ್ಕಾರೆರಾಯಿನ ವಿಶು ಕರ್ಕೇರ ಮೊಕುಲು ಪಾಲ್ ಪಡೆಯರೆಗುಲ್ಲೆರ್.ತುಲುವೆರ್ ಹೆಚ್ಚಿನ ಸಂಖ್ಯೆಡ್ ಈ ಕಜ್ಜೊಡ್ ಪಾಲ್ ಪಡೆಯೊಡ್ ಪಂಡುದ್ ಆಯೋಜಕೆರ್ ಬಿನ್ನಪ ಮಲ್ತುದೆರ್.