ತುಳುಕೂಟ ಉಡುಪಿ(ರಿ), ಅಂತರಾಷ್ಟ್ರೀಯ ಲಯನ್ಸ್ ಸೇವಾ ಸಂಸ್ಥೆ ಜಿಲ್ಲೆ 317C, ಬೊಕ್ಕ ಲಿಯೋ& ಲಯನ್ಸ್ ಕ್ಲಬ್ ಉಡುಪಿ ಇಂದ್ರಾಳಿದ ವತಿಡ್ದ್ ಮಲ್ಪೆದ ಕಡಲ ಬರಿಟ್ ತುಳುನಾಡ ಗೊಬ್ಬುಲು- 2022 ಮೇ.8ತಾರೀಕುದಾನಿ ನಡತುಂಡ್.
ಉಡುಪಿ ವಿಧಾನಸಭಾಕ್ಷೇತ್ರದ ಶಾಸಕೆರಾಯಿನ ಕೆ.ರಘಪತಿ ಭಟ್ ತುಳುನಾಡ ಗೊಬ್ಬುಲೆದ ಉದಿಪನ ಕಜ್ಜೊಡ್ ಉಪಸ್ಥಿತರಿತ್ತುದ್ ಕಳಸೊಗ್ ಅರಿ ದಿಂಜಾದ್ ಪಿಂಗಾರೊನ್ ಬುಡ್ಪಾದ್ ಕಜ್ಜೊದ ಉದಿಪನ ಮಲ್ತುದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್
ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಸುರುತ್ತ ಪಾತೆರ ಪಾತೆರ್ದ್,ಮದೆಟುಪ್ಪುನ ತುಳುಜಾನಪದ ಗೊಬ್ಬುಲೆನ ದುಂಬುದ ಪೀಳಿಗೆಗ್ ಎತ್ತಾವುನ ಪ್ರಯತ್ನೊನ್ ಈ ತುಳುಗೊಬ್ಬುಲೆನ ಮುಖೇನ ಮಲ್ತೊಂದುಲ್ಲ.ತುಳುನಾಡ ಸಂಸ್ಕ್ರತಿ, ಸಂಪ್ರದಾಯೊಲೆನ್ ಒರಿಪಾವರೆಗ್ ಯುವಪೀಳಿಗೆ ಒಲವು ತೋಜಾವೊಡು.ಪಂಡುದ್ ಈ ಪೊರ್ತುಡ್ ಪಂಡೆರ್
ಲಯನ್ಸ್ ಜಿಲ್ಲಾ ಗವರ್ನರ್ ಲ| ವಿಶ್ವನಾಥ ಶೆಟ್ಟಿ ಪಾತೆರ್ದ್ ಲಯನ್ಸ್ ಸೇವಾ ಸಂಸ್ಥೆ ದೊಟ್ಟುಗ್ ತುಳುಕೂಟ ಉಡುಪಿ ಸೇರೊಂದ್ ತುಳುನಾಡ. ಗೊಬ್ಬುಲೆನ್ ಆಯೋಜನೆ ಮಲ್ತುದ್ ತುಳುಸಂಸ್ಕ್ರತಿನ್ ಒರಿಪಾವುನ ಎಡ್ಡೆ ಬೇಲೆನ್ ಒತ್ತುಸೇರಿಗೆಡ್ ಮಲ್ಪುನವ್ವ್ ಪೆರ್ಮೆದ ಸಂಗತಿ ಪಂಡೆರ್
ತುಳುನಾಡ ಗೊಬ್ಬುಲೆನ ಸಂಚಾಲಕೆರಾಯಿನ ದಿವಾಕರ್ ಸನಿಲ್ ಬತ್ತಿನ ಬಿನ್ನೆರೆನ್ ಮೋಕೆಡ್ ಎದ್ಕೊಂಡೆರ್.ಕಜ್ಜೊಡ್ ಇಂದ್ರಾಳಿ-ಉಡುಪಿದ ಲಯನ್ಸ್ ಕ್ಲಬ್ ದ ಅಧ್ಯಕ್ಷೆರಾಯಿನ ಲ| ಮನೋಹರ್ ಶೆಟ್ಟಿ ತೋನ್ಸೆ,ಉಡುಪಿ ನಗರಸಭೆತ್ತ ಉಪಾಧ್ಯಕ್ಷೆರಾಯಿನ ಲಕ್ಷ್ಮೀ ಮಂಜುನಾಥ ಕೊಳ,ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರಾಯಿನ ಬನ್ನಂಜೆ ಬಾಬು ಅಮೀನ್,ಲಯನ್ಸ್ ಜಿಲ್ಲಾ ಉಪಗವರ್ನರ್ ಲ| ಎಮ್.ಕೆ.ಭಟ್, ಲ| ಮಹಮ್ಮದ್ ಅನೀಫ್,ಮಲ್ಪೆ ಬೀಚ್ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರಾಯಿನ ಪಾಂಡುರಂಗ ಮಲ್ಪೆ,ಭೀಮಾ ಜ್ಯುವೆಲರ್ಸ್ ದ ಸಂದೇಶ್ ಕಾಮತ್,ಆಹಾರ ಮೇಳದ ಸಂಚಾಲಕೆರಾಯಿನ ಲ| ಚಂದ್ರಶೇಖರ ರಾವ್,ತುಳು ಸಾಂಸ್ಕೃತಿಕ ವೈಭವದ ಸಂಚಾಲಕೆರಾಯಿನ ಪ್ರಕಾಶ್ ಸುವರ್ಣ ಕಟಪಾಡಿ,ರೋಶನ್ ಕುಮಾರ್ ಶೆಟ್ಟಿ, ಸುದೇಶ್ ಶೆಟ್ಟಿ, ಕನ್ನಿ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ದಯಾಕರ ವಿ.ಸುವರ್ಣ,ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ತಾರಾ ಆಚಾರ್ಯ, ಡಾ.ಆಕಾಶ್ ರಾಜ್ ಜೈನ್,ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ಕೋಶಾಧಿಕಾರಿ ಚೈತನ್ಯ ಎಮ್.ಜಿ.,,ಮಹಮ್ಮದ್ ಮೌಲಾ,ಪ್ರಭಾಕರ ಭಂಡಾರಿ,ವಿವೇಕಾನಂದ, ರಶ್ಮಿ ಶೆಣೈ,ಸುಲೋಚನ ಶೆಟ್ಟಿ, ರೂಪಾ ಆಚಾರ್ಯ, ಭಾರತಿ ಟಿ.ಕೆ.,ವಿ.ಕೆ.ಯಾದವ್,ರತ್ನಾಕರ್ ಇಂದ್ರಾಳಿ,ದಯಾಶಿನಿ ಮೊಕುಲು ಮಾತಾ ಉಪಸ್ಥಿತರಿತ್ತೆರ್.
ಚೊಕ್ಕಾಡಿ ಕಟಪಾಡಿದ ದೈವಿಕ್ ಸಂತೋಷ್ ಶೆಟ್ರೆನ ಕಂಬುಲದ ಎರು ಗಿಡತ್ತುದ್,ಶ್ರೀ ಕ್ಷೇತ್ರ ಅಂಬಲ್ಪಾಡಿದ ಕಲಾತಂಡದಕುಲು ತುಲುನಾಡ ಡೋಲು ಬೊಟ್ಟುನ ಮುಖೇನ ತುಳು ಗೊಬ್ಬುಲೆಗ್ ಚಾಲನೆ ಕೊರಿಯೆರ್.
by 